Jeremías 11:7 - La'aqtaqa Ñim Lo'onatac 'Enauacna 2013

⁷ Aỹem co'ollaq ñeqateeguesop ye Egipto, som hua'au qarta'ailpi, nache seqattelec da Aỹem ỹalaxaguet, qaq nache chegoqchiguiña nache ivitta'a nagui da ñaq shecto'ot da seqattega.

Jeremías 11:7 Referans Kwoze

2 Crónicas 36:15

Qaq Ñim Nataxala', maye Natamnaxala' som hua'au lta'alpi, ỹataqta ñe'eguelaxatta'a co'ollaxa da lvitaqtaxanaxac ỹachegoxotchigui som la'aqtaxanaxanecpi, cha'aye huo'o da lchoxonnataxanaxa som lalamaxat nhuo' le'ecpi, qataq som 'alhua maye netalec somayepi.

Efesios 4:17

Qaq cha'aye aỹem ña'attaua'a So Qarataxala', ỹoqo'oye qami' shenapegalo qataq qami' seqatalo da saishet da qoñiita'am da lataxac nam saishet da ỹauatton Ñim Lo'onatac 'Enauacna, cha'aye namayepi quetegueto naua qauema lhuennataxaco maye qaica ca naiguilo.

1 Samuel 8:9

Qaq ỹoqo'oye 'am, no'on qome da 'auo'ot ca iỹaxanaique namayepi, qalaxaye ỹataqta 'aua'aqtaxaatem nam lhueneguesat, qataq na ỹo'otpi ca nta'a qom ilo'ogue namayepi.»

Éxodo 15:26

Nache 'enapeco' da la'aqtac: «Aỹem Nachaỹem Nataxala' maye Qanatamnaxala'ai, qami' qom ỹataqta qauloitelec da ỹa'aqtac, qataq qom qauo'oche cam saỹamaxareeta, qataq qaualaqailec da ỹamaxasoxonaxac, qataq da qaupaquiiteleguete naua iqataxaco, nache aỹem saishet qome da ñamaq na nalolaxapi maye ñamaxa co'ollaxa ye Egipto le'ecpi, cha'aye aỹem Nachaỹem Nataxala' maye ishet da qami' ñatare'n».

2 Ts 3:12

Que'eca shiỹaxaua samaxasoxonaxalec qataq seqataxa, cha'aye qomi' lamaxa'she So Qarataxala' Jesucristo, da camaye ỹataqta do'onataxan, saqca ca taỹapigui lauel yaqto' ishet da nauec ca lhuenec qataq ỹaxaañi da sa ỹalemaxat na laỹepi.

Jeremías 35:15

Qataq she'eguelaxattalec da qami' ñamaxalo so ỹamaxashecpi maye ỹa'aqtaxanaxanecpi, da yaqto' qami' 'enapegalo, 'eeta': Qaỹa'axañiiuec da qauem qarataxaqui qataq nam qauem maye qauo'ocheetacpi. Qataq saishet da qaca'acheetague' na ỹaqa'a atamnaxala'pi, qataq saishet da qavio'oxoyiñiitac, yaqto' nache queta da qoñeetalec na 'alhua maye qami' sanema co'ollaxa qataq so hua'au qarta'ailpi. Qalaxaye qami' saishet da Aỹem qauqocheetega, qataq saishet da Aỹem qaualaqaiguet.

Jeremías 25:4

Qaq na'aictaxa da Ñim Nataxala', ỹe'eguelaxattalec da qami' namaxalo so lamaxashecpi maye la'aqtaxanaxanecpi, qalaxaye qami' saishet co'ollaxa da qauqochiitega somayepi, qataq saishet da qana'axaỹaxañiỹa qataq saqaualaqaiguet.

Jeremías 11:4

Qaq nachera dam aỹamaxataxac maye so'ot co'ollaq ñaỹamaxate' som hua'au qarta'ailpi, co'ollaq ñeqateeguesop ye Egipto, yem 'alhua maye 'eeta'am aca nqatelaxanaxaqui da qaỹasaxaigui ca qanqatel lcat. Nache shenapega co'ollaxa sheeta': Aỹem qaualaqaiguet qome qataq qauo'oche 'enauac nam qami' samaxaleguete, nache qami' ỹalamaqa'ate qome, qaq qami' aỹem Qanatamnaxala'ai qome.

Jeremías 7:13

Qaq na'aictaxa da qalota naxa da qami' sachaxanalo da qano'onaxache da qarataxaqui, qalaxaye qami' saishet da aỹem qaualaqaiguet, qataq saishet da aỹem qauasacheeguet. Qaq 'era da ỹa'aqtac Aỹem Nataxala'.

Deuteronómio 30:20

qataq qauauochec qome Ñim Nataxala' maye Qanatamnaxala'ai, qataq ỹataqta qaualaqaiguet, cha'aye nacheñi Ñim chegoqchigui da qanachaalataxaqui, qataq da qaỹoqtec qome naqa'en da qoñiitalec ye 'alhua maye ỹachaxanapecot co'ollaxa da ỹanem soua hua'au' qarta'alli', Abraham, Isaac qataq Jacob.

Deuteronómio 12:32

Qaq ỹoqo'oye qauloitelec qome 'enauac nam qami' samaxaleguete, saishet da huo'o ca qanqotchiñiiuec, huo'otaq da qanqacheeua'a.

Deuteronómio 8:6

Qaq ỹoqo'oye qauaỹamaxacheeteque qome naua lamaxasoxonaxaco Ñim Nataxala' maye Qanatamnaxala'ai, qataq qaualaqaigueta qataq qoquiiteguelo naua lapaxaguenataxanaxaco Ñimaye.

Deuteronómio 6:2

Yaqto' huo'o naq 'enec qanqa'eñi Ñim Nataxala' maye Qanatamnaxala'ai qataq ỹataqta qaualaqaiguet na lamaxasoxonaxacpi, lqataxacpi maye qami' samaxaleguete yaqto' qami' qataq na qoyalquipi qataq qarhuallipi ỹataqta qaỹoqtec da nachaalataxac da netalec ye 'alhua.

Deuteronómio 5:29

Qaq 'onaxaico' qome da nache 'eeta'ac de'era da lhuennataxa namayepi da aỹem ỹo'oxoreetac, qataq ỹalaxagueta naua ỹamaxasoxonaxaco, 'enauaque naua na'axa'te, yaqto' namayepi qataq na llalaqpi 'onaxaic qome da nachaalataxac.

Deuteronómio 4:6

Qaualaqaigueta qataq qaupaquiichiguilo da qauo'oche' qome ne'enaua na'aqtaqa, yaqto' ne'ena ỹotta'a't shiỹaxauapi da qami' detaxaỹalo, nache qami' ỹaanaxanaxaiqa, qataq huattonaxanaxaiqa. Qataq qom hua'aqchigui ne'ena lataxacpi, nache 'eeta': «¡Ỹataqta 'eesa ne'ena nhuo' le'ecpi da ỹaanaxanaxaicpi qataq ỹaanataxanaxaicpi!»

Jeremías 25:3

«Chegoqta'a co'ollaq ivi' soua trece vi'iye da nta'a so Josías, som llalec so Amón maye ilotague' ye Judá, qaq choche ivitta'a nagui, qaq damaye, 'eeta': mashe ivi' naua veintitrés vi'iye da Ñim Nataxala' aỹem detaxaỹot co'ollaxa, nache aỹem qami' she'eguelaqtaleguete co'ollaxa da qami' setaqtacoto, qalaxaye qami' saishet da aỹem qaualaqaiguet.

Jeremías 31:32

Que'eca ñaỹamaxataxac saishet qome da 'eeta'am, dam ñaỹamaxataxac maye so'ot co'ollaq ñaỹamaxate' som hua'au lta'alpi namayepi, co'ollaq sacona na lhuaq da ñeqateeguesop ye Egipto, cha'aye somayepi saỹalaxalec co'ollaxa da ñaỹamaxataxac, na'aictaxa da Aỹem ỹataqta ỹalamaxat somayepi. Qaq 'era da ỹa'aqtac Aỹem, Nataxala'.

Jeremías 35:14

Nam chegoxoguetpi so Jonadab som llalec so Recab, namayepi ỹalaxalec dam la'aqtac co'ollaxa som chegoxoguet, da saishet da nỹomgui na lataxa, qaq choche ivitta'a nagui da namayepi saishet da nỹomgui na lataxa, cha'aye ỹalaxaguet so la'aqtac som hua'au lta'a. Qaq Aỹem nataqa'en qami' sanema co'ollaxa da ỹa'aqtac, damaye shee'eguelaxattalec, qalaxaye qami' saishet da Aỹem qaualaqaiguet.

Zacarías 1:4

Qaq saishet qome, da qaue'enaxache da lataxac so hua'au qarta'ailpi, maye so hua'au na'aqtaxanaxanecpi da'aqtaxanem co'ollaxa da ỹa'aqtac, da yaqto' ỹaxanec da qauem lataxac, qataq nam qauem maye ỹo'ottacpi, qalaxaye somayepi saishet co'ollaxa da Aỹem na'axaỹaxana, qataq saishet da Aỹem ỹalaxaguet. Qaq 'era da ỹa'aqtac Aỹem Nataxala'.

2 Reyes 17:13

Qataq Ñim Nataxala', mashe ime co'ollaxa da 'enapega so Israel le'ecpi, qataq so Judá le'ecpi, ỹachegoxotchigui so la'aqtaxanaxanecpi qataq som huo'oi naua l-loxoco, co'ollaq 'eeta': «Qoquiỹa'ai qome na qauem maye qauo'ocheetac, nache qaupaquiichiguilo naua ỹamaxasoxonaxaco, iqataxaco, qataq naua ỹapaxaguenataxanaxaco, maye samaxalec co'ollaxa so hua'au qarta'ailpi, maye sachegoxotchigui co'ollaxa som ỹa'aqtaxanaxanecpi maye ỹamaxashecpi.»

Jeremías 32:23

Qalaxaye namayepi co'ollaq nnoxoneua'a ne'ena 'alhua, qataq nalec namaye, nache saishet da 'am ỹalaxaguet, qataq saishet da quegue dam 'arapaxaguenataxanaxac maye 'aỹa'anem co'ollaxa, qataq saishet da ỹo'ot nam 'auamaxalecpi. Qaq ỹoqo'oye 'Am 'anamaxa namayepi 'enauac ne'ena qauempi.

Jeremías 34:14

da ivireuga ye siete vi'i, nache ỹaxanec ca camachaqca nam hebreo le'ecpi maye qaimenot namayepi, qataq mashe seis vi'iye da do'onataxaatac. Qalaxaye som hua'au qarta'ailpi saishet co'ollaxa da Aỹem ỹalaxaguet.

Oseas 4:1

Qami' Israel le'ecpi, ña qana'axaỹañiỹa da la'aqtac Ñim Nataxala', cha'aye Ñimaye npa'aguene' nam netalecpi ne'ena 'alhua, cha'aye namayepi mashe qaica ca 'eesa, qataq qaica ca lchoxonnataxanaxa, qataq mashe saỹauatton Ñim Lo'onatac 'Enauacna.

Oseas 5:1

«Ña qana'axaỹaxañiỹa de'era qami' ntaxaỹaxanaxanecpi, qataq qami' nhuo' Israel le'ecpi, qataq qami' nta'alpi, cha'aye qami' naỹa'alo ca qanhuaxanaguiiqui, souaxat da 'eco' qami' nqoina co'ollaq huaña ye Mispá, qataq 'eco' qami' naleguec co'ollaq huaña ye Tabor,