Jeremías 11:4 - La'aqtaqa Ñim Lo'onatac 'Enauacna 2013

⁴ Qaq nachera dam aỹamaxataxac maye so'ot co'ollaq ñaỹamaxate' som hua'au qarta'ailpi, co'ollaq ñeqateeguesop ye Egipto, yem 'alhua maye 'eeta'am aca nqatelaxanaxaqui da qaỹasaxaigui ca qanqatel lcat. Nache shenapega co'ollaxa sheeta': Aỹem qaualaqaiguet qome qataq qauo'oche 'enauac nam qami' samaxaleguete, nache qami' ỹalamaqa'ate qome, qaq qami' aỹem Qanatamnaxala'ai qome.

Jeremías 11:4 Referans Kwoze

Deuteronómio 4:20

Cha'aye Ñim Nataxala' qami' ỹacoosopa co'ollaxa da qami' nqateeguesopa ye Egipto maye 'eeta'am aca nqatelaxanaxaqui, maye lqatelaxaqui ca lcat, da yaqto' ỹauo'oi qami' lalamaqa'ate Ñimaye.

Levítico 26:12

Qataq qami' ñenaictegueto, qaq nache Aỹem Qanatamnaxala'ai, qataq qami' nhuo' le'ecpi maiche qami' ỹalamaxatpi.

2 Corintios 6:16

Qomi' maye qomi' lma' Ñim Lo'onatac 'Enauacna maye nca'altauec, qaq Ñimaye da qomi' hueta'agueta, nache saishet da saqtegueua'a nam ỹo'oxoreetac na ne'enaqtacpi maye qanatameetacotpi. Cha'aye Ñim Lo'onatac 'Enauacna 'eeta': «Sootaigui qataq salectaigui namayepi; qataq ñenaictague' namayepi, Aỹem maye Nachaỹem Nta'a maye So'otna, qaq namayepi, nache ỹalamaxatpi.»

Zacarías 8:8

nache ñauega ye Jerusalén da yaqto' nache naña yemaye. Huaña, nache ne'ena nhuo' le'ecpi ỹataqta ỹalamaxatpi qome, qataq Nachaỹem da Aỹem Natamnaxala' qome namayepi, Aỹem maye so'ot da nalochiguiñi lataxac, qataq Aỹem 'eesa.»

Jeremías 24:7

Qataq sanem qome da lauattonaxanaxac, da yaqto' aỹem ỹauattoota da nache Aỹem maye Aỹem Nataxala', qaq ne'ena nhuo' le'ecpi, nache ỹalamaxat qome, qataq nachaỹem Aỹem Ñatamnaxala', cha'aye namayepi ỹataqta imauec qome da lquiyaqteỹaxac da aỹem ñe'eguelaxa.

1 Reyes 8:51

Cha'aye ne'ena nhuo' le'ecpi, maiche 'aralamaxat, qataq namayepi 'anqateeguesop co'ollaxa ye Egipto, maye 'eeta'am aca nqatelaxaqui na lcat.

Zacarías 13:9

Qalaxaye que'eca no'onañipi, tangui qome ñaqa'en ca norec, sequi'itaxat qome, 'eeta'am ñaqa'en da qaiqui'itaxat ca lcat plata, qataq seỹo qome, 'eeta'am ñaqa'en da qaiỹo ca lcat oro. Huaña nache camayepi aỹem natamnot, nache Aỹem sasateguet qome. Qaq seỹaxana qome da ỹalamaxatpi, qaq camayepi da Aỹem iỹaxana qalaq 'eeta': «Ñim Nataxala' nacheñi Ñim Qanatamnaxala'.» Qaq 'era da san ỹa'aqtac Aỹem Nataxala'.

Ezequiel 37:23

Qataq saishet qome da ỹe'eguelaxa da qaltaq nshepaxanaqcheela't, souaxat da ỹo'oxoreetac na nqolacpi maye nqaigaxat, qataq da ỹo'ottac na ỹotta'a't lasouaxashetpi. Aỹem sesoueeguesop qome 'enauac nam ỹo'ot da saỹalaq maye ỹo'ottac namayepi, qataq seỹouec na lasouaxashetpi. Qaq huaña qome nache ỹalamaxat namayepi, qataq Aỹem Natamnaxala' qome.

Ezequiel 36:28

qataq qoñiỹalec qome yem 'alhua maye sanem co'ollaxa so hua'au qarta'ailpi, qaq qami' nhuo' qami' ỹalamaqa'ate qome, qaq Aỹem nachaỹem Qanatamnaxala'ai.

Ezequiel 14:11

yaqto' ne'ena nhuo' Israel le'ecpi saishet da ỹe'eguelaxalec qaltaq Aỹem ca'ai, qataq saishet queto'ot da ỹo'ottac na lasouaxashetpi. Qaq huaña nache ỹalamaxatpi qome ne'ena nhuo' le'ecpi, qataq Aỹem Natamnaxala'. Qaq 'era da ỹa'aqtac Aỹem Nataxala'.»

Ezequiel 11:20

Qaq huaña qome nache ỹataqta quetegue da lataxac naua iqataxaco, qataq naua ỹamaxasoxonaxaco, qataq ỹataqta ỹo'o't. Qaq namayepi ỹataqta ỹalamaxatpi qome, qaq Aỹem nachaỹem Natamnaxala'.

Jeremías 30:22

Qaq qami' nache qami' ỹalamaqa'ate qome, qataq Aỹem qanatamnaxala'ai.»

Jeremías 26:13

Qaq ỹoqo'oye qano'onaxache da qarataxaqui qataq da qaro'onataxanaxaqui, nache qaualaqaiguet Ñim Nataxala' maye Qanatamnaxala'ai, yaqto' Ñimaye saishet qome da qami' namaxalo cam qauem maye ỹa'axatta'a.

Deuteronómio 11:27

Da nchoxonnataxanaxa qauacoñiiguet qome da qaualaqaigueta naua lamaxasoxonaxaco Ñim Nataxala' maye Qanatamnaxala'ai, nam qami' samaxaleguete nagui da qaualaqaigueta.

Levítico 26:3

Qaq da qaualaqaigueta naua iqataxaco, qataq ỹataqta qauo'oche' naua ỹamaxasoxonaxaco,

Génesis 17:8

Qaq 'am qataq cam 'am chegoxoguetpi, sanem qome 'enauac na 'alhua Canaán, nam qonetaña nagui, da chochaq tatec da lalamaxat qome camayepi, qaq Aỹem nachaỹem natamnaxala' qome camayepi.»

Hebreos 5:9

Nache co'ollaq So Cristo da ỹo'ot 'enauac nam ỹamaxalec Ñim Lo'onatac 'Enauacna, nache Somaye ivira'a da Nca'alaxaqui da ỹami' da nca'alaxa chochaq tatec 'enauac nam ỹalaq.

Mateo 28:20

Qataq qauapaxaguiñic qome namayepi da ỹalaxalec 'enauac na ỹapaxaguenataxanaxacpi. Qaq Aỹem nache 'eetai' da qami' soota'agueta, choche ivitta'a ca loga't ana 'alhua.»

Zacarías 6:15

Qaq anac qome na shiỹaxauapi maye qaỹoqtegue ca chegaqa'ague, da yaqto' qami' itaua'n, da qaltaq qano'oxoñiisheguem añi atamnaxaqui maye lalamaqte Ñim Nataxala'. Qaq huaña qome nache qauaỹacheñi da Ñim Nataxala' maye Qaica ca Ỹaqalanapec, da nacheñi ñi aỹem namaq. Qaq de'era ipacchigui qome, da qami' qana'axaỹaxañiỹa, qataq da qaualaqaiguet Ñim Nataxala' maye Qanatamnaxala'ai.

Ezequiel 37:27

Qaq Aỹem sootangui qome namayepi, qaq nachaỹem qome da Aỹem Natamnaxala', qaq namayepi ỹalamaxatpi qome.

Jeremías 32:28

Qaq ỹoqo'oye Aỹem, 'am shenapega, sheeta': Aỹem so'ot qome da ne'ena huaqta'a't nỹecpi, loxonec ñi Nabucodonosor maye nta'a ye Babilonia, qataq nam caldeopi.

Isaías 48:10

Aỹem 'am sequi'itaxatta co'ollaxa, qalaxaye saishet da 'eeta'am ñaqa'en ca lcat plata, nacherata da 'am she'eguenec na le'eraxa aso nqatelaxanaxaqui maye nachera da que'eenaxac.

1 Samuel 15:22

Huaña nache so Samuel, 'enapeco': «Ñim Nataxala' ỹataqta ỹactec da ỹaỹamaxareeta da qaỹalaxaguet, saq 'ena'am da qoỹanot aca nachetaqtaxanaqte qaỹavigaxatta qataq 'onaxaic naqa'en da qaỹalaxalec qataq da qailoolec ca 'enapec Ñimaye saq 'ena'am da qoỹanot aca nachetaqtaxanaqte huo'otaq da qaỹavigaxat na lcheta ca qagueta.

Éxodo 20:6

Qalaxaye ỹataqta lta'araic da ỹauotaxanaqtaic ca aỹem ỹauotec qataq ỹalaxaleguete naua iqataxaco, qataq choche tatec da sauotec cam llalaqpi.

Isaías 30:6

Qaỹa'axata'a da 'eetec qome nam shiguiỹacpi ye Néguev: Qaq ye 'alhua maye nlaqaalec da lchec, yem hueta'a na llonpi maye desoqtai', qataq hueta'a na 'araxanaqpi qataq nam 'araxanaq maye ishet da huaỹo, qataq ỹache da lsallaxa qataq na no'on logoxoshetpi ỹachelec na l-laq na 'ashena qataq ana nauanaxanaxa, da ira'a ye Egipto yem nhuo' le'ecpi maye qaica ca ỹaỹaana'a,

Jeremías 11:7

Aỹem co'ollaq ñeqateeguesop ye Egipto, som hua'au qarta'ailpi, nache seqattelec da Aỹem ỹalaxaguet, qaq nache chegoqchiguiña nache ivitta'a nagui da ñaq shecto'ot da seqattega.

Jeremías 38:20

Nache so Jeremías ỹasateguet somaye, 'eeta': 'Am nta'a, ñaq 'aualaxaguet taxa da la'aqtac Ñim Nataxala' maye 'am sa'aqtaxaateguem, yaqto' saishet da 'am loxonec namayepi qataq qaica ca machaqca, nache 'anca'alec.

Daniel 3:26

Qaq co'ollaq ime da nasaxauec de'era so Nabucodonosor, nache nquigueua'a so lasom aso nqatelaxanaxaqui, nache na'axannec da lỹaxanaxac, 'eeta': ¡Sadrac, Mesac, Abednego, maye qami' lamaxa'she Ñim Lo'onatac 'Enauacna maye Nataỹaña 'Enauacna, ña qampa'aiuec qome nache qananaiuecna'a! Nache se'esoua tres, nnoxoorec chegoqtroigui so le'eraxa so norec,

Deuteronómio 5:6

Aỹem, nachaỹem Nataxala' maye Qanatamnaxala'ai, qami' ñeqateeguesopa co'ollaxa ye 'alhua Egipto, ye huaña co'ollaq choche qami' nlataqa.

2 Reyes 18:6

Qaq somaye ỹataqta ỹalaxaguet Ñim Nataxala', qataq saishet da ca'ai Ñimaye, nacherata da ỹataqta ipacchiguilo naua lamaxasoxonaxaco Ñim Nataxala', maye ỹanema co'ollaxa so Moisés.