Jeremías 11:22 - La'aqtaqa Ñim Lo'onatac 'Enauacna 2013

²² Ñim Nataxala' maye qaica ca Ỹaqalanapec, 'enapega namayepi, 'eeta': «Aỹem sauo'o ca qanhuaxanaguiqui: nam nsoxoppiolec qaỹalauat qome qaira'a ca ỹeelonec, qaq na qaỹa'alquipi ỹalleppi qataq ana 'alpi ilem qome na lqouaxa.

Jeremías 11:22 Referans Kwoze

Jeremías 18:21

¡Qalaxaye nagui, 'auo'ot qome da nam llalaqpi namayepi ilem na lqouaxa, huo'otaq da ilem ca ỹeelonec, qataq 'auo'ot da pa'aipi qataq qaica ca llalaqpi ana lhuapi namayepi! ¡Qataq na ỹalleppi maye lhuapi anamayepi ỹalauat qome ca napiina, qataq na nsoxoppiolec ileuaigui qome ca alaataxac!

2 Crónicas 36:17

Qaq huaña nache Ñim Nataxala', ỹamaq so lta'a so caldeopi da iloquiaxan somayepi, nache irolec so ỹeelonec so nsoxoppi, huaigui naqa'en aso atamnaxaqui, nache saishet da ichoxoreetac se'eso nsoxoppi, qataq so qa'ampiolec, qataq so ỹa'axaiquipi, qataq som sara'añeeguelo naua lchel, qaq 'enauac somayepi da Ñim Nataxala' ỹaneguet da lhuaqỹaxac somaye.

Lamentaciones 2:21

Nam nsoxoppi qataq na ỹa'axaiquipi qalaq huetaiya' huetanguilo naua nqa'aico, som ỹalamaxat nsoxoppi qataq so qa'ampiolec qalaq qaỹalauat qairolec so ỹeelonec, som na'a'q co'ollaq 'aualemata nache 'aualauat. ¡Ỹataqta sa'auchoxonnai' co'ollaxa da 'aualauat!

Jeremías 9:21

«Da nleuaxa nvitalo naua qarma'ate, qataq taigui na qarma' lta'araicpi, qataq huangui naqa'en na nqa'aic da ỹalauat na ñaqpiolec qataq huaña naqa'en na nlagaqa'pi da ỹalauat na nsoxoppiolec.

Jeremías 21:14

Aỹem sauo'o qome ca qanhuaxanaguiqui maye taiguet nam qauo'oche, qataq savigaxat na qaralamaxache aviaq, qaq que'eca norec ỹavigaxat qome 'enauaque naua loiguiye. Qaq 'era da ỹa'aqtac, Aỹem Nataxala'.›»

Jeremías 44:13

Sauo'o qome ca nhuaxanaguec na hueta'a ye Egipto, 'eeta'am ñaqa'en da nhuaxanaguec co'ollaxa ye Jerusalén da serolec so alaataxac, nqouaxa qataq napiina.

Jeremías 49:26

Que'eca na'a'q nam lalamaxat nsoxoppi ileu qome huetangui na nqa'aicpi, qataq nataqa'en ileu qome 'enauac na nalleppi maye alaataxaicpi. Qaq 'era da ỹa'aqtac Aỹem nataxala', maye Qaica ca Seqalanapec.

Amós 4:10

Qataq qami' ñamaxalo da qanhuaxanaguiiqui maye 'eeta'am so ñamaxa co'ollaxa ye Egipto, qataq serolec na ỹeelonec da qaỹalauat so nsoxoppi nache qaiuotaxanec so lalo caipi, qataq qauaviquiitañi ñaqa'en na laita so leuaxaicpi. Qalaq ñaqaiyeta saishet da aỹem qañe'eguelaqaỹa. Qaq 'era da la'aqtac Ñim Nataxala'.