Jeremías 11:2 - La'aqtaqa Ñim Lo'onatac 'Enauacna 2013

² «Na israel le'ecpi ña na'axaỹaxaachigui qome nam na'aqtacpi maye chegaqaigui de'era aỹamaxataxac. Ñaq 'autaxaỹot qome na shiỹaxauapi maye lma' ye Judá qataq na hueta'a na Jerusalén,

Jeremías 11:2 Referans Kwoze

Jeremías 11:6

Qaq huaña nache Ñim Nataxala' aỹem 'enapega 'eeta': 'Aua'axat de'era na'aqtac da huaña nam huaqta'a't nỹecpi maye ỹotta'a't naua nañalo ye Judá, qataq naua nqa'aico ye Jerusalén. Qonapega na shiỹaxauapi, qoneta': «Ñaq qana'axaỹaxañiỹalo naua na'aqtaqa maye huetaiguilo de'era aỹamaxataxac, qaq ime nache qaualaqaileguete.

Éxodo 19:5

Qaq ỹoqo'oye nagui, da qami' ỹataqta aỹem qaualaqaiguet qataq qaupaquiitelec da ñaỹamaxataxac co'ollaq qami' ñaỹamaxateto, nache ỹataqta qami' ỹauotaqa'ate, qataq saishet da qoñeeta'am qome na laỹepi shiỹaxauapi, cha'aye 'enauac ana 'alhua maiche ỹalamaqte.

2 Crónicas 34:31

Qaq co'ollaq ime de'era, nache so nta'a nachaañi, hua'a so saqaỹapeque aso nhuoqte, nache ỹanot da la'aqtac Ñim Nataxala' da ỹalaxaguet, qataq ipacchigui da ỹo'ot na lamaxasoxonaxacpi, qataq nam lapaxañi lataxacpi, qataq na lqataxacpi Ñimaye, qataq ipacchigui da ỹo'ot da lataxac de'era aỹamaxataxac maye nanettalec asa'aso nere.

2 Crónicas 29:10

Qaq ỹoqo'oye nagui huo'o da iuennataxac da ñaỹamaxate' Ñim Nataxala', maye Natamnaxala' na Israel le'ecpi, yaqto' nqateeguesop da layeloxo da shenaqta.

2 Crónicas 23:16

Ime, nache so Joyadá, naỹamaxate' 'enauac so nhuo' le'ecpi qataq so nta'a, da yaqto' somayepi nache lalamaxat Ñim Nataxala'.

2 Reyes 11:17

Ime co'ollaxa, nache so Joyadá, ỹo'ot da so nta'a qataq so nhuo' le'ecpi naỹamaxate' Ñim Nataxala'. Da yaqto' Ñimaye ỹataqta lalamaxat se'eso nhuo' le'ecpi. Qataq nache 'eetec nataqa'en so nta'a, qataq so nhuo' le'ecpi.

Jeremías 11:1

Ñim Nataxala' aỹem 'enapega aỹem Jeremías, nache 'eeta':