Biblia Todo Logo
Bib sou entènèt

- Piblisite -




Jeremías 11:19 - La'aqtaqa Ñim Lo'onatac 'Enauacna 2013

19 Qaq aỹem sheeta'am ca qagueta llalec da ỹe'emaqtom da qaỹauecta'a ca nalaataqa', qaq saishet da saỹaten da huo'o dam qaỹauotaique da aỹem qaỹo'otec. Qaq namayepi, 'eeta': «Sechegaq ara qo'oipaq nache cañe' ñeqa'enaq ana ala, ñapogaxasheguem nache ñeqataxasop nam nca'altauecpi ana 'alhua, yaqto' qaica ca qaltaq iuennatega aramaye.»

Gade chapit la Kopi




Jeremías 11:19
28 Referans Kwoze  

Huo'o da sa'aqtega naxa na shiỹaxauapi da nsoxootega't, 'eeta': «¡Ỹataqta vichiguiiñalo da lchec!» Qataq 'eeta': «¡Ñaq qauanaqui sauoqo'o ca lasouaxashet!» Qaq ivira'a na ñauochaxauapi iuatta'a da huo'o ca ñe'enaxac. Nache, 'eeta': «Saiuena'a da ishet da satenachetaq, qataq qoroxonec, nache sauoqo'o ca qarvi'.»


So shiỹaxauapi, 'enapec: «Sauoqo'o qome ca llapaxasoxoñi lataxac da yaqto' sataỹaqa'aguet so Jeremías. Cha'aye saishet da seuenaqtaique ntaxaỹaxanaxanec da qomi' ỹapaxague'n, qataq cam ỹaanaxanaxaic da qomi' ỹanema ca lqataxac, qataq ca na'aqtaxanaxanec da qomi' ỹa'axatema ca la'aqtac Ñim Lo'onatac 'Enauacna. Ñaq sauoqo'o ca lasouaxashet yaqto' qaỹalauat. Qaq saishet qome da salaxasoxoguet nam ỹa'axattacpi.»


Qataq 'eeta': «Ña qauanaqui da yaqto' ỹataqta ñelaxataqchiguiñi ne'ena nhuo' le'ecpi, qaq yaqto' saishet da qaltaq qaiuennatapega da le'enaxat so Israel».


Qataq aỹem huo'o da sa'aqtega na shiỹaxauapi da nsoxootega't, 'eeta': «Huo'o da ncolanaxa 'enauaque naua laỹel.» Qataq namayepi 'eeta'am da 'oonolec ỹale da huaxaỹa't da aỹem npa'agueetega, da nshetaique da nqat da ñachaalataxac.


Na shiỹaxauapi sa ỹaỹaten da lashiichiỹaxac damaye, qataq damaye saishet da qaỹanata ana 'alhua.


Cha'aye aỹem ỹataqta saỹateeta da ñauane' qome da lchoxonnataxanaxa Ñim Nataxala' da ñaq soota'a ana 'alhua maye netalec nam huo'o da lca'alaxa.


Eliasaf, som llalec so Reuel, maye chegoxoguet so Gad.


Qataq sheeta': Saishet qome da ỹe'eguelaxa da ñauane' Ñim Nataxala' ana'ana 'alhua, qataq saishet qome da ỹe'eguelaxa da selota'a nam huetalec ana 'alhua.


Qaq cam tenataxanaxaic qalaq lo'ogoxonaxat na qauempi, qataq ỹo'ot nam qauem latenataxanaxacpi, nache da latenataxanaxac na'aqchet nam choxoraqpi, qataq nam huo'o da lhuenaxanaxa da qaỹo'otec ca nalochiguiñi lataxac.


Ca ỹale no'on da lataxac da qaiuennate qalaq huo'o da nchoxonnataguec, ca qauemaic qalaq saqaỹaloq da qaicoua'ai.


nache somaye ca'ategue asomaye 'eeta'am ca nauegaxanaxala' huaca da taỹa'a qanqa'en ca nalaataqa', qataq 'eeta'am ca chegaxango da nqoishec,


Qaq ỹoqo'oye nache shecto'ot qome da salaxaguet Ñimaye, da sootalec ana 'alhua maye lma' nam huo'o da lca'alaxa.


Qataq nmichiguiñi qome 'enauac na chegoxoguetpi, qataq qaỹapalaxat qome da le'enaxat qom huo'o ca dalaxaic ñalaqpi.


Qaq qom inoxoorec caua sesenta y dos semanas, nache qanqat da nachaalataxac cam nataxala' maye nca'aguishec. Nache ye Jerusalén qataq añi atamnaxaqui ilaxachiguilo qome cam shiỹaxauapi maye nalleppi cam nta'a maye anac qome. Qaq ỹataqta nque'elaxatta qome que'eca loga't, 'eeta'am da lviraxac ca ndep. Qataq huo'o qome ca nlaqtaxanaxac qaq camaye vi'iiguet qom ime ca alaataxac.


'Am Nataxala', 'am seỹaxanot, sheeta': «'Am nache 'am da aỹem 'ampaxattalec, nache 'amta da aỹem qoueta'aguet, da sootalec ana 'alhua maye huetalec na huo'o da lca'alaxa.»


Ỹoqo'oye camaye saishet da huañi, qataq nache 'eetai' da nhuennataxat cam no'on da lataxac.


Qalaxaye Ñim Lo'onatac 'Enauacna nataqa'en 'am ilaxachigui qome, Ñimaye 'am ỹaconeua'a qome, 'am ỹachegoxotchiguiña ca 'arma' da 'am ỹo'orauec, qataq nqat da 'anachaalataxac.


Qalaxaye co'ollaq souañi, nache 'enauac namayepi da aỹem lashetac, 'eeta'am ca ỹaqa'a ca chegaqa'ague qataq da saqaỹauatton, nache ỹataqta ỹe'eguelaqtalec da aỹem saiyacnapec.


Qaq somaye co'ollaq ime da ỹa'axat dam ỹamaxalec Ñim Nataxala', nache so ntaxaỹaxanaxanecpi qataq so na'aqtaxanaxanecpi qataq 'enauac so nhuo' le'ecpi, ỹaconeua'a somaye nache 'enapega, 'eeta': «¡'Am 'aleu qome!


'Am 'aumeteetac da lyaxa namayepi da ipalaique lvi', qataq 'enauac nam lapaxañipi namayepi da yaqto' aỹem dataỹa'aguet.


Qaq 'iye ye Elam, qataq 'enauac ye nalleppi coleesop añi nhuachiqui yemayepi. Qaq 'enauac yemayepi da ileuaigui co'ollaxa so alaataxac, yem ỹaqa'a da la'amqaanataxanaxac huañi nache taigui ana 'alhua. Yemayepi ỹo'ot co'ollaxa da lcolanaxa na ñaq nca'altauecpi, qalaxaye nagui qaica ca la'amaqchec ỹalectaigui nam mashe huetangui ana huachiquipi.


Saishet qome da 'oicnapec da 'auo'otec ca qauem ca lma' ca shiỹaxaua ỹo'oxoraic, qataq saishet da 'auotaxanec ca lma' camaye,


Namayepi 'am delogui' qome, qalaxaye saishet qome da 'am loxonec, cha'aye aỹem 'am soota'aguet qome da yaqto' 'am ñepaxattalec. Qaq 'era da ỹa'aqtac Aỹem Nataxala'.»


Qaq Ñim Nataxala', ỹanem so la'aqtaxanaxanec da yaqto' nauaatalec na Efraín, qalaxaye so llec qaỹa'añiỹangui ana qoinapi, qataq ivira'a da qanquiỹai da huetaigui añi atamnaxaqui maye lalamaqte Ñim Lo'onatac 'Enauacna.


Swiv nou:

Piblisite


Piblisite