Jeremías 11:17 - La'aqtaqa Ñim Lo'onatac 'Enauacna 2013

¹⁷ Ñim Nataxala' maye Qaica ca Ỹaqalanapec ñim 'am ỹaañi co'ollaxa, 'am namaxa so qauem, da 'am talec souaxat nam qauem maye ỹo'ot na Israel qataq ye Judá, cha'aye inogoqche't souaxat da ỹaatracot na lchenaxanaxat so Baal.

Jeremías 11:17 Referans Kwoze

Isaías 5:2

Nqalagoxotsheguem so 'alhua qataq nqateeguesop so coma'pi, nache ỹaalec aso ỹataqta no'on nañiguishe ala, qataq no'oxoosheguem aso nalloxolate ỹanangui na laiñi so lanaxanaqa', qataq ỹo'ot nataqa'en so no'onataqa' na lataxa. Nache so ñauochaxaua iuatta'a aca ỹataqta ama ala aso lañiguishe uva, qalaxaye aso ala aso lañiguishe uva ỹataqta ñe'eua.

Jeremías 12:2

'Am 'aỹa'aañi, nache namayepi ỹa'ayiñi na lpa'a'pi qataq nquittasheguem da lañaxataxac qataq huo'o ana ala. Da 'Am detaqtega qalaq 'eeta'am da 'Am saqaỹapeque, qalaxaye da lquiyaqteỹaxac ỹataqta qaỹoqtaique naqa'en 'am.

Jeremías 2:21

Aỹem 'am saañi co'ollaxa qoneta'am aca no'on nañiguishe uva qataq aca ỹataqta no'on ala na uva. Qalaq ¿ta'ainco' da 'avi'eguelaxa da qoneta'am aca uva maye qauem qataq ỹoxosa'a?

Jeremías 19:15

«Ñim Nataxala' maye Qaica ca Ỹaqalanapec, Ñim Natamnaxala' na Israel le'ecpi, 'enapec: ‹Aỹem ñamaxa qome ne'ena huaqta'a't nỹecpi, qataq 'enauac nam netalec ne'ena 'alhua, cam nhuaxanaguec maye sa'axatta'a co'ollaxa, cha'aye namayepi ỹacona da qaramchigui da yaqto' saỹalaxagueta naua ỹa'aqtaqa.›»

Ezequiel 17:5

Qaq ime, nache ỹacona aso ala aso nañiguishe, ỹachegoxotaña se'eso 'alhua, nache ỹaalec so 'alhua maye mashe qanqalagoxotsheguem maye netaua'a na laỹe so la'auaxac maye qalota na 'etaxat.

Jeremías 45:4

Qalaxaye Aỹem maye Aỹem Nataxala', 'am sa'aqtaxanem da seshet da selagaxachigui nam ño'oxoosheguem co'ollaxa, qataq nataqa'en seshet da ñapoc nam saañi co'ollaxa. Qaq damaye naigui da 'enauac ne'ena 'alhua.

Jeremías 42:10

‹Da qami' qarhuennataqai da qoviỹa'a ne'ena 'alhua, nache Aỹem qami' sanema da qaica ca qaviñiitaique, qaq saishet qome da qami' selaxachiguilo nacherata da qami' saayiñi nache saishet da qami' ñapogoyeshegue'm, cha'aye huo'o da ñetogotaxac da qami' ñamaxalo co'ollaxa se'eso qauem.

Jeremías 40:2

Qaq so lataxala' so nauaatalecpi so nta'a, iỹotauga co'ollaxa so Jeremías, nache 'enapega, 'eeta': «Ñim Nataxala' maye 'Anatamnaxala', ỹa'axata'a co'ollaxa da namaxa ne'ena 'alhua de'era qauem,

Jeremías 36:7

Saiuena'a da ỹanem ca nachoxonnaxac Ñim Nataxala', qataq ỹaxaañi dam qauem lataxac, cha'aye da layeloxo qataq da nnogoxonaxac Ñim Nataxala' maye do'ogoxona da ỹareetalec ne'ena shiỹaxauapi, damaye ỹataqta chaqaic.»

Jeremías 35:17

Qaq ỹoqo'oye Aỹem Nataxala' maye Qaica ca Seqalanapec qataq Aỹem Natamnaxala' na Israel le'ecpi, sheeta': So'ot qome da na Judá qataq 'enauac nam hueta'a na Jerusalén da talec qome 'enauac nam qauem maye sa'axatta'aguet co'ollaxa. Cha'aye Aỹem qami' setaqtecoto co'ollaxa, qalaxaye qami' saishet da aỹem qauqochiitega, qataq qami' seỹaxaategalo co'ollaxa qalaq saishet da Aỹem qauasacheeguet.»

Jeremías 26:19

¿Qaq peta'a so nta'a Ezequías qataq 'enauac so nhuo' le'ecpi ye Judá, ỹalauat co'ollaxa so Miqueas? 'A'i, maye nacherata da so nta'a huo'o co'ollaxa da lcolanaxa Ñim Nataxala', nache iỹaxanot da yaqto' ichoxoren somayepi. Huaña nache Ñim Nataxala' saishet co'ollaxa da namaxa somayepi cam qauem maye ỹa'axatta'a co'ollaxa. Qalaxaye qomi' sauoqtaique da maiche qomi' taleguete ca qauem.»

Jeremías 26:13

Qaq ỹoqo'oye qano'onaxache da qarataxaqui qataq da qaro'onataxanaxaqui, nache qaualaqaiguet Ñim Nataxala' maye Qanatamnaxala'ai, yaqto' Ñimaye saishet qome da qami' namaxalo cam qauem maye ỹa'axatta'a.

Jeremías 24:6

qataq ñepaxattalec, qataq ñe'eguelaxata qome ne'ena 'alhua. Qaq nache huaña qome ne'ena da qaica ca iueetaique, qataq saishet qome da qaltaq she'eguelaxa da selaxachigui namayepi, saañi qome namayepi, nache saishet da qaltaq ñapogosheguem.

Jeremías 18:8

Qalaxaye que'eca ỹotta'a't shiỹaxauapi da ca'ai na qauem, nache saishet da ñamaxa ca nhuaxanaguec maye mashe seqataxaatai'.

Jeremías 11:11

Qaq ỹoqo'oye Aỹem ñamaxa qome namayepi cam qauem nache saishet qome da huo'o ca ỹet. Qaq na'aictaxa da ỹa'alaqtagui da Aỹem iỹaxaatacot da setauan, qalaxaye saishet qome da sa'axaỹa namayepi. Qaq 'era da ỹa'aqtac, Aỹem Nataxala'.

Jeremías 7:9

Nache qaucacheetac, qaualaataxañiitac, qataq qancacheetague' ana sa qarhuai, qataq qaỹa'añiitac nam saq'en qara'aqtaqui qataq qaỹa'añiitacot ñi Baal nam qarchenaxanaxache maye ama na laita, qataq qavio'oxoreñiitac nam atamnaxala'pi maye saishet da qauauattoñi,

Isaías 61:3

qataq sanem nam daquicotacpi maye hueta'a na Sión aca aro'o nmeneguet ñaqa'en na alo, qataq na coraxat nmeneguet da noinaxac, qataq da no'onaxanaxac nmeneguet da nhuogoxo. Qaq da qaitaxaỹa nache qoỹeeta': «Rooblepi, huegaxanaxaipi», maye lañiguishe Ñim Nataxala' da yaqto' ỹachaxan da llo'oxoyec.

Salmos 80:15

ana uva maye maiche 'aỹa'aañi co'ollaxa, qataq ana llaxataxa maye maiche ñaxat 'anqa'en.

Salmos 80:8

Qaq 'auachegoxotchiguiña co'ollaxa ye Egipto da 'andoi' aso uva lcheyec, nache 'auo'orauec na ỹotta'a't shiỹaxauapi, nache 'aỹa'aañi asomaye.

Salmos 44:2

Co'ollaq 'auauota'a na 'arhuaq da 'auo'orauec so ỹotta'a't shiỹaxauapi, nache 'auauo'o da nhuaxanaguec somayepi, huaña nache so lma' somayepi 'aỹa'analec so qarta'alpi.

2 Samuel 7:10

Nataqa'en sauo'o qome ca lalamaxat lma' na ỹalamaxat nhuo' Israel le'ecpi, nache sanaña camaye nache qaica ca iraxaatapigui' qome, qataq ca qauemaicpi da huo'otaq saỹalemaxat da 'eeta'am co'ollaxa da sa iyacnapec namayepi,

Jeremías 1:14

Qaq huaña nache Ñim Nataxala' aỹem 'enapega, 'eeta': «Chegoqtegue qome da sheu' da huecorec dam qauem da talec 'enauac nam netalec ne'ena 'alhua.

Jeremías 7:18

Na ñalaqpi qalaq laỹona't na 'epaq maye nle' lashec, qaq na lta'alpi qalaq ỹe'eraxatoigui na norec, qaq na 'alpi qalaq ỹo'ot na ldaqnec da yaqto' ỹo'ot ana lauole, nache ỹanot añi atamnaxalate, maye le'enaxat Nate'e maye neto'ot na Piguem. Nache aỹem inogoqchet namayepi, cha'aye nataqa'en ỹanot na lataxa nam atamnaxala'pi maye ỹaqa'a.

Jeremías 11:13

Ye Judá, ỹataqta qalota na natamnaxala'pi, 'eeta'am nam huaqta'a't nỹecpi maye ỹotta'a't naua nañalo, qataq na netaña ye Jerusalén qalota ana nauaxaỹaxaasheguem lca'atoxonaxalatepi maye 'eeta'am ye lcata na nqa'aicpi, da yaqto' ỹanot na lchenaxanaxat so Baal.

Jeremías 32:29

Na caldeopi maye iloquiaxan ne'ena huaqta'a't nỹecpi, taigui qome namaye nache ỹe'egueua'a, l-llañe' qome na nỹecpi maye hualec naxa na pa'asheguem da qaỹavigaxat na nchenaxanaxat da qoỹanot so Baal, qataq huaña naxa da qoỹanot na lataxa nam ỹaqa'a atamnaxala'pi da Aỹem qainogoqchet.

Jeremías 32:30

Qaq nache 'eetai' naxa da chegoqta'ague nam nhuo' Israel, qataq na Judá, da ỹo'ottac naxa nam saishet da saỹamaxarenpi. Na Israel le'ecpi, saishet da ỹaxaañi da aỹem inogoqchettac, souaxat na atamnaxala'pi maye maiche lo'onatac namayepi. Qaq 'era da ỹa'aqtac Aỹem Nataxala'.

Jeremías 44:8

¿Ta'ainco' da Aỹem qanogoqcheche souaxat nam qauo'ocheetacpi, qataq qaỹa'añiỹot na qarchenaxanaxache maye ama na laita nam ỹaqa'a atamnaxala'pi ne'ena Egipto, maye qauanaiỹa co'ollaxa da qoñiỹalec? Qaq nam qauo'ocheetacpi nachena qome na maiche qami' ilaxachiguilo, qaq huaña nache qami' naloqnaxanaqa'ate nam qauem, qataq da qaica ca qara'amaqchiqui da qaualliquiitaigui 'enauac nam ỹotta'a't shiỹaxauapi ana 'alhua.

2 Crónicas 28:25

Qataq nauaxaỹaxaasheguem so qaỹoqotcheguemec atamnaqa'pi ỹanaña so huaqta'a't nỹecpi maye ỹotta'a't naua nañalo ye Judá, da yaqto' ỹavigaxat so lchenaxanaxat da ỹanot so ỹaqa'a atamnaxala'pi, qaq 'era dam ỹo'ot da lalemataic Ñim Nataxala' maye Natamnaxala' so hua'au lta'alpi.

Jeremías 18:15

Qalaxaye na ỹalamaxat nhuo' le'ecpi Aỹem icoua'ai, nache ỹaatacot na saq'en atamnaxala'pi na lchenaxanaxat maye ama na laita, Namayepi iqataqchet so nqa'aic, som nqa'aic maye togoshaapec, nache quetegueto naua saq 'amaqtaq nqa'aico maye saqaỹauatto'n.

Jeremías 40:3

qaq nagui ipacchigui dam la'aqtac co'ollaxa. Qaq de'era qami' taleguete souaxat da huo'o da qarasouaxashechi hueto'ot Ñim Nataxala' cha'aye saqaualaqaiguet co'ollaxa Ñimaye.

Jeremías 44:5

Qalaxaye qami' saishet da Aỹem qaualaqaiguet qataq saishet da Aỹem qauqochiỹa, nda'a't da nache qoquiito'ot da qaỹa'añiitacot na qarchenaxanaxache maye ama na laita nam ỹaqa'a atamnaxala'pi.

Oseas 10:1

Na Israel le'ecpi, qalaq 'eeta'am ana nañiguishe uva maye ỹataqta qalochiguiñi, qalaxaye co'ollaq ỹataqta qalota ana alapi, nache nataqa'en nquictauec ana no'oxoosheguem nca'atoxonaxalatepi. Qataq co'ollaq mashe ỹataqta 'onaxaic na na'alhuapi, nache nataqa'en ỹataqta 'onaxaic naqa'en nam saq 'en natamnaxala' coma'pi.