Jeremías 11:16 - La'aqtaqa Ñim Lo'onatac 'Enauacna 2013

¹⁶ Ñim Nataxala' ỹauo'o co'ollaxa da 'are'enaxat, 'eeta': «oliivo maye qalochiguiñi ana lcouepi, qataq nlaqchigui ana no'on ala.» Qalaxaye huaigui naqa'en so lta'araic nalataxa, da Ñimaye ỹegueua'a ana 'arauepi nache ỹavigoigui ana 'arcouepi.

Jeremías 11:16 Referans Kwoze

Isaías 27:11

Qaq da deqaqa ana lcoue ana 'epaq nache huacac, huaña nache na 'alpi laỹona't nache dalonaxana da ỹo'ot ca l-le'. Cha'aye ne'ena nhuo' le'ecpi qaica ca laỹaanataxanaxac. Qaq ỹoqo'oye Ñim Lo'onatac namayepi saishet qome da ichoxoren, qataq saishet da ỹasaxalec da lchoxonnataxanaxa.

Salmos 52:8

Qalaxaye aỹem sheeta'am aca qo'oipaq olivo, maye darala da sootaña aca atamnaxaqui, maye lalamaqte Ñim Lo'onatac 'Enauacna, qataq nache 'eetai' da sepe'etega da lsoxoyec Ñimaye.

Salmos 80:16

Qaq ca iquesoq qataq ỹavigaxat anamaye, ñaq 'aurolec da 'ara'añaxac da 'anlaxaañi camaye.

Juan 15:6

Qaq cam saishet da Aỹem na'attaua'a, nache camaye 'eeta'am aca lcoue da saishet da huo'o aca ala, nache qaicheguec qataq qaỹasaxauec, qaq da deqaqa, nache qaỹavigaxat.

Mateo 3:10

Aca qachepe mashe lhuotta da iquesoxoñot ana qo'oipaqpi. Qaq 'enauac anam 'epaqpi maye saishet da no'on ana ala, nache anamayepi qaiquesoqot. Ime, qaq qaỹasaxangui ca norec.

Jeremías 21:14

Aỹem sauo'o qome ca qanhuaxanaguiqui maye taiguet nam qauo'oche, qataq savigaxat na qaralamaxache aviaq, qaq que'eca norec ỹavigaxat qome 'enauaque naua loiguiye. Qaq 'era da ỹa'aqtac, Aỹem Nataxala'.›»

Salmos 83:2

Ña 'aumeten na 'ampa'aguenaxauapi maye 'am nquiỹatega, namayepi ỹataqta huotaique da 'am dataỹa'aguet.

Apocalipsis 11:4

Qaq que'ecaua dos ỹa'aqtaxanaxanaqa, nachesoua soua dos nañiguishe Olivo qataq dos ncoỹaraxanaxaqui' maye huetra'a ye naloteuga Ñim Lo'onatac 'Enauacna maye lataxala' 'enauac nam huetalec ana 'alhua.

Deuteronómio 28:40

Qataq que'eca 'ana'alhua ỹataqta imattalec qome aca 'añiguishe olivo, qalaxaye saishet da 'avira'a da 'ancoyigui cam aceite maye chegaqaigui acamaye, cha'aye acamaye choche naañi qome aca ala.

Da na'aqtaguec so Job 8:16

Cha'aye namayepi 'eeta'am ana qo'oipaq darala da hueta'aguet na le'eraxa añi nala', nache nquictauec ana llaxataxapi da ñaxaalec ca nañiguishe lma',

Jeremías 7:20

Qaq ỹoqo'oye Aỹem Nataxala', ỹataqta 'eesa qome da secorelec da inogoxonaxac ne'ena nma' qataq nam shiỹaxauapi, qataq nataqa'en na shiguiỹacpi, qataq na qo'oipaqpi maye huetauga na no'onaxa, qataq ana ala na nañiguishec. Qaq 'eeta'am qome ca norec maye saishet da 'om.»

Oseas 14:6

Qataq ỹataqta qalochiguiñi ana lcouepi, nache da lyacỹaxac 'eeta'am ana oliivo, qataq da no'on laitaỹaxac 'eeta'am ana cedropi ye Líbano.

Salmos 80:17

Qalaxaye 'autauan qome ca ỹale maye 'arca'aguishec, qataq ca shiỹaxaua maye maiche 'aro'onatac,

Jeremías 2:21

Aỹem 'am saañi co'ollaxa qoneta'am aca no'on nañiguishe uva qataq aca ỹataqta no'on ala na uva. Qalaq ¿ta'ainco' da 'avi'eguelaxa da qoneta'am aca uva maye qauem qataq ỹoxosa'a?