Jeremías 11:15 - La'aqtaqa Ñim Lo'onatac 'Enauacna 2013

¹⁵ ¿Che negue't, ca 'anmittaique 'am ỹauotaqte Israel, da qoueta'a ana ỹalamaqte atamnaxaqui, ye mashe ime da qalota na 'auo'ot qauem? ¿'Aupettega peta'a da na lcheta qataq na lapat maye 'auavigaxattac da ishet da qaỹoqta naqa'en dam qauem, qataq da ishet da 'am 'ananeltaxan?»

Jeremías 11:15 Referans Kwoze

Proverbios 2:14

qataq nqopita da ỹo'ottac na qauem, qataq ntootalec nam qauem ỹo'otpi,

Tito 1:15

Ca shiỹaxaua, da ỹalaxaguet qataq ỹa'amaqten So Cristo, qaq qui'itta naqa'en 'enauac na chochena lataxaguesat. Qalaxaye nam sa ỹalaxaguet qataq sa ỹa'amaqten Somaye, nache namayepi qaica ca qui'itta naqa'en. Cha'aye da lhuennataxa qataq da ntoonaxac ivira'a da ỹataqta qauem.

Santiago 4:16

Qalaxaye qami' qaravilliỹa da ño'oxonnaxaiqa naua qartaxaỹaxacolli', 'eeta'am da qaralamaxache ca ñaq natauo na'a'q, qaq damaye ỹataqta sa ỹaỹamaxañi.

1 Corintios 13:6

Qataq saishet da iuaxaata'a't naua lhua'q da ỹo'oxoreetac nam qauem da lataxac, nachaqrata da ntootapeguec nam ỹa'axattac da 'eesa lataxac.

Romanos 11:28

Qaq nagui Ñim Lo'onatac 'Enauacna ỹataqta dataỹa'aguet nam judiopi da 'eeta'am ca npa'aguenaxaua. Qalaxaye ỹo'ot damaye da yaqto' qami' huo'o ye qardaqa'ai da qaua'amaqchiñi da no'on na'axaỹaxac. Ñim Lo'onatac 'Enauacna queto'ot da lauotaxanaqtaic na judiopi, cha'aye lca'aguishec som hua'au lta'alpi da ỹauo'o lalamaxatpi.

Lucas 8:28

Qaq souaxat naxa da so saqcha'a na'añaxacpi da qalota da deloquiaxanataxaatac, nache na shiỹaxauapi icoñera'a't naua lhua'q qataq naua lapia'ate se'eso ỹale, qataq qanauaatalec. Qalaxaye somaye ỹachipiaxattac na ncoñetaxanaxat lcat, nache se'eso saqcha'a na'añaxac leguemaxaic datauec naqa'en somaye, da tauga ca 'alhua maye toolec. –Qaq se'eso ỹale co'ollaq ila'a So Jesús, nache ỹa'alaq, nache ỹa'aroto naua l-llectel Somaye. Nache So Jesús 'enapega se'eso saqcha'a na'añaxac leguemaxaicpi da ca'ai se'eso ỹale, qalaxaye somayepi ỹa'alaqtagui 'eeta': –¡'Am Jesús maye 'am Llalec Ñim Lo'onatac 'Enauacna maye 'amaqtaqaic! ¿Negue't ca 'auauotaique da qomi' 'auo'oteque? 'Am ñachoxonnaqot nagui, da saishet qome da 'auauo'o ca qanque'eenaxac.

Mateo 22:11

Qaq co'ollaq pa'auo so nta'a da demeenaxaneua'a som ncoyeguenatacpi, nache ila'a so 'oonolec da saishet da ỹaatrañi naua anogo maye lataxaua da qaỹalegueua'a de'era naponaxac,

Oseas 3:1

Ñim Nataxala' qaltaq aỹem 'enapega, 'eeta': «'Aue qojec, nache 'aỹa'anem da 'arauotaxanaqtaic aca 'alo quisheguetaxai, maye lauatapiguiñi' nam nauochaxauapi. Cha'aye 'era da 'eetec Ñim Nataxala' da ỹauotec na Israel le'ecpi, na'aictaxa da ỹe'eguelaxa da ỹa'amaqteetac na ỹaqa'a atamnaxala'pi, qataq da naman da chectac anam nqaxaỹaqta uvapi maye qoỹanot naxa namayepi.»

Jeremías 15:1

Ñim Nataxala' aỹem 'enapega, 'eeta': «Qaq na'aictaxa da aỹem nachaateua'alo nagui ca Moisés qataq ca Samuel, qalaxaye Aỹem saishet da sechoxoreetac qome ne'ena nhuo' le'ecpi. Qonapega qome namayepi da Aỹem ca'ai, 'enauac qome da jec.

Jeremías 12:7

«Aỹem sheca'ai co'ollaxa na ỹalamaxat nhuo' le'ecpi, qataq so'otan nam ỹalamaxat co'ollaxa. Nache saneguet da lhuaqỹaxac nam mpa'aguenaxauapi, nam nhuo' le'ecpi maye ỹauotaxat co'ollaxa.

Jeremías 3:14

Ñim Nataxala', 'eeta' da la'aqtac: «Ñaq aỹem qañe'eguelaqaỹa qami' qauemaicpi ñalaqpi, cha'aye nachaỹem Qarataxala'ai. Ñim 'oonolec nam huaqta'a't nỹecpi maye ỹotta'a't naua nañalo, qalaq 'oonolec qome ñi sacootaua'a da qoñeeta, qataq ñi 'oonolec nam maiche nhuo' le'ecpi, qalaq dos qome ñeua sacootaua'alo, nache ñe'eguelaxata na Sión.

Jeremías 3:8

qataq nataqa'en ỹauaachigui da Aỹem sheca'ai añim saỹalaq Israel qataq salat añimaye souaxat dam lquisheguetaxac maye ỹo'ottac. Qalaxaye añim saỹalaq Judá maye lqaỹa añi Israel, qaica co'ollaxa ca lcolanaxa, nacherata da nataqa'en añimaye jec, da ỹo'ot da nquisheguetaxac.

Jeremías 2:2

«Qojec qome, nache 'aua'aqtaxanem na hueta'a ye Jerusalén, qoneta': Da la'aqtac Ñim Nataxala' 'eeta': ‹Aỹem seuennate 'am, qataq da 'aralaxayec co'ollaq saxanaxa da 'am ỹe, qataq da 'arauotaxanaqtaic maye 'eeta'am aca auonaxaua co'ollaq aỹem 'auca'attague' da qoquetalec ye toolec 'alhua qataq yem 'alhua maye qaica ca ñaxaalec›»,

Isaías 50:1

Ñim Nataxala', 'eeta': «¡Saishet qome da qaupicheetega da salat na Israel maye 'eeta'am aca qarachi'i, da sheeta'am ca ỹale da ỹalat aca lhua, huo'otaq da qami' seme'n co'ollaxa da yaqto' qami' nlataqa souaxat da huo'o ca hueto'ot aca ỹavigaxaiste! Maye qami' qaime'n co'ollaxa cha'aye huo'o da qarasouaxashichi, na Israel maye 'eeta'am aca qarachi'i qaỹalat co'ollaxa, cha'aye qami' sa qaualaqai.

Proverbios 28:9

Ñim Lo'onatac 'Enauacna sa ỹaconeguet da natamnaxac, ca sa ỹalaxagueta naua lqataxaco Ñimaye.

Proverbios 26:18

Qataq 'eeta'am ca huo'o da aloic da ichecnec ana dalaataxanapec lchecnapi maye 'ettaigui,

Proverbios 21:27

Ñim Nataxala' ỹaỹemec aca lachetaqtaxanaqte na qauemaicpi, lamaaxa da qauem da qoỹaataigui da qoỹaneuo.

Proverbios 15:8

Ñim Nataxala' saisheteguet aca lachetaqtaxanaqte na qauemaicpi, qalaxaye ỹamaateguet da natamnaxac na no'on da lataxac.

Proverbios 10:23

Ca qaica ca ỹaỹaana'a qalaq machiguiñi da ỹo'ottac na qauemsat, qaq ca ỹaanaxanaxaic qalaq machiguiñi naqa'en da naỹaanec.

Salmos 50:16

Qaq ca qauemaic qalaq Ñim Lo'onatac 'Enauacna 'enapega, 'eeta': «¿Negue't ca 'am ỹamaxalec da 'aua'axatta'ape naua iqataxaco, qataq da 'aua'axattac da ñaỹamaxataxac?

Salmos 60:5

Qataq 'auo'ogoxona qome na 'arhuaq 'oiguishec da qomi' 'anca'alaxatrec, ñaq qomi' 'auasategueta, yaqto' na 'arauotaxat nhuo' le'ecpi nca'alec.

Jeremías 13:27

Aỹem sauaachigui da 'arapaxaỹaxa qataq da 'ancachaxac qataq da 'arquisheguetaxac maye ỹo'ot da na'agaxa, qataq naua qauema maye 'auo'o't da huaña ana lcomaraxalatepi qataq na no'onaxapi. ¡Qaq choxoraxaso' 'am Jerusalén! ¿Chaq laguio' qaq 'anqui'itaxat?»

Jeremías 23:11

Ñim Nataxala', 'enapec: «Nam na'aqtaxanaxanecpi qataq na ntaxaỹaxanaxanecpi ỹataqta qauem da lataxac. Cha'aye ivira'a da selalec da hueta'a añi ỹalamaqte atamnaxaqui da ỹo'ottac na qauem.