Jeremías 11:14 - La'aqtaqa Ñim Lo'onatac 'Enauacna 2013

¹⁴ Qaq ỹoqo'oye 'am Jeremías, saishet qome da 'anatamen da 'auỹaxaalec ne'ena nhuo' le'ecpi, qataq saishet da aỹem 'aỹa'anot ca 'anatamnaxac qataq ca 'anachoxonnaxac da talec namayepi, cha'aye Aỹem saishet qome da sa'axaỹa namayepi da Aỹem iỹaxanot da setauan, qom mashe huetaigui que'eca qauem.

Jeremías 11:14 Referans Kwoze

Jeremías 7:16

«'Am Jeremías, saishet qome da 'anatameelec ne'ena nhuo' le'ecpi, qataq saishet da aỹem 'anachoxoreetacot, qataq da aỹem 'auỹaxaatacot da 'auỹaxaateguelec namayepi, qataq saishet da Aỹem 'avi'eguelaqto'ot, cha'aye Aỹem saishet da 'am sa'axaỹa qome.

Jeremías 11:11

Qaq ỹoqo'oye Aỹem ñamaxa qome namayepi cam qauem nache saishet qome da huo'o ca ỹet. Qaq na'aictaxa da ỹa'alaqtagui da Aỹem iỹaxaatacot da setauan, qalaxaye saishet qome da sa'axaỹa namayepi. Qaq 'era da ỹa'aqtac, Aỹem Nataxala'.

1 Juan 5:16

Da huo'otaq huo'o ca ỹauaachigui ca la'amqaanataxanaxaua da huo'o ca ỹo'ot lasouaxashet maye saishet da taỹa'a naqa'en da nleuaxa, qaq no'on da nqouagaxaueetalec camaye da yaqto' Ñim Lo'onatac 'Enauacna ỹami' ca lca'alaxa. Qalaxaye nache qoỹeetec de'era da qaỹaỹaten da ca nasouaxashet saishet da taỹa'a da nleuaxa. Cha'aye huo'o na nasouaxashetpi da dauegaqtaxana da nleuaxa. Qaq aỹem ñeshetaique da qami' shenapegalo da saishet da qanqouagaxauñiilec cam ỹo'ot de'era.

Jeremías 14:11

Qaq huaña nache Ñim Nataxala' aỹem 'enapega, 'eeta': «Saishet qome da Aỹem 'auỹaxanot da 'auỹaxanaique ca laỹamaxa ne'ena nhuo' le'ecpi.

Éxodo 32:10

¡Qaq nagui, nache Aỹem 'aua'aqta'a, ten mashe 'eroigui da ỹalemataic, nache ñematchiguiñi qome yemayepi! Qaq 'am, qalaxaye 'am sachegoxotchigui qome ca qalota shiỹaxauapi.»

Salmos 66:18

Qaq taxa da huo'o ca qauem iuennataxac, nache Ñim Nataxala' saishet taxa da aỹem hua'axaỹa.

Oseas 5:6

Qaq namayepi lỹatac qome ana lalo qaguetapi, qataq ana huacapi da nmittaique Ñim Nataxala', qalaxaye saishet qome da ỹanata, cha'aye Ñimaye ca'ai namayepi.

Jeremías 15:1

Ñim Nataxala' aỹem 'enapega, 'eeta': «Qaq na'aictaxa da aỹem nachaateua'alo nagui ca Moisés qataq ca Samuel, qalaxaye Aỹem saishet da sechoxoreetac qome ne'ena nhuo' le'ecpi. Qonapega qome namayepi da Aỹem ca'ai, 'enauac qome da jec.

Zacarías 7:13

nache Ñimaye, 'enapeco': «Qaq cha'aye saishet da aỹem na'axaỹaxana somayepi co'ollaq seỹaxaatega, nache nataqa'en Aỹem saishet da sa'axaỹa da aỹem iỹaxaatacot.

Malaquías 2:13

Qalaxaye qami', qaltaq qanquigaxacheetec dam qauo'ocheetac: qanlaxacheetelec añi nca'atoxonaxalate maye lalamaqte Ñim Nataxala' naua qarache'lli', qataq qana'alaqaitapiguiñi da qanỹeñiitac, cha'aye Ñim Nataxala' mashe saỹaconeguet ana qarachetaqtaxanaqche.

Jeremías 14:12

Cha'aye na'aictaxa da ỹaguec ca nqouaqchetaxac, qalaxaye Aỹem saishet da sa'axaỹa qome ca nachoxonnaxac, qataq na'aictaxa da qalota ana ndouopi lachetaqtaxanaqtepi maye qaỹavigaxatta qataq ana ala ana lañiguishepi, qalaxaye saishet qome da saỹamaxaren da selogui. Aỹem selaxachigui qome namayepi serolec ca alaataxac, nqouaxa, qataq ca napiina.»