Jeremías 11:13 - La'aqtaqa Ñim Lo'onatac 'Enauacna 2013

¹³ Ye Judá, ỹataqta qalota na natamnaxala'pi, 'eeta'am nam huaqta'a't nỹecpi maye ỹotta'a't naua nañalo, qataq na netaña ye Jerusalén qalota ana nauaxaỹaxaasheguem lca'atoxonaxalatepi maye 'eeta'am ye lcata na nqa'aicpi, da yaqto' ỹanot na lchenaxanaxat so Baal.

Jeremías 11:13 Referans Kwoze

Jeremías 2:28

'Am Judá, ¿hueta'ague ca 'anatamnaxala'pi maye 'aro'onatacpi? ¡Ỹataqta qalota nam 'anatamnaxala'pi 'eeta'am ca huaqta'a't nỹecpi! ¡Ña qonapega ctaxa da ñesheguem! ¡Shapegueto' da ishet da 'am nca'alaxatec qom 'am nvita cam qauem!

2 Reyes 23:13

Qataq nlaxaañi so atamnaqa'pi maye na'ague da nala' lliguisheguem ye Jerusalén, qataq so pa'aỹa'ague da la'añaxa aso qasoxonaxa maye huaña ana Olivo, som no'oxoosheguem co'ollaxa so Salomón, maye nta'a ye Israel, da yaqto' lalamaxat lma' aso Astarté, asom ỹataqta nqaigaqte natamnaxalate so sidooniopi, qataq so Quemos, som ỹataqta nqaigaxat natamnaxala' so moabiitapi, qataq so Milcón, som ỹataqta nqaigaxat natamnaxala' so amoniitapi.

Oseas 12:11

Ye Galaad, hueta'a na ỹaqa'a atamnaxala'pi, qalaxaye namayepi nda'a't na saq 'en. Qaq ye Gilgal huaña na qoỹaategueuo nachetaqtaxanaxat huaca, ỹoqo'oye ana lca'atoxonaxalatepi dolagui qome, 'eeta'am ca logosheguem coma'pi, maye huetalec ca qanqalagoxotsheguem 'alhua.»

Jeremías 32:35

Nataqa'en no'oxoosheguem ana nca'atoxonaxalatepi da natamnot so Baal ỹanaña ye ca'amegue Ben Jinón, da yaqto' ỹavigaxat na llalaqpi qataq ana llalepi 'alpi da yaqto' ỹanot so Moloc, qaq 'eetec de'era da yaqto' ỹauo'o da lasouaxashet na Judá le'ecpi, da ỹo'ot nam ỹataqta seqaiga qataq saishet da samaxalec co'ollaxa qataq saishet da seuennatega.»

Jeremías 19:5

Qataq nataqa'en no'oxoosheguem ana lca'atoxonaxalatepi da yaqto' ỹavigaxat na llalaqpi da ỹanot so Baal, dam saishet co'ollaxa da samaxasoxoolec qataq saishet da choche shenapec, qataq saishet da tatapigui iuel.

Jeremías 7:9

Nache qaucacheetac, qaualaataxañiitac, qataq qancacheetague' ana sa qarhuai, qataq qaỹa'añiitac nam saq'en qara'aqtaqui qataq qaỹa'añiitacot ñi Baal nam qarchenaxanaxache maye ama na laita, qataq qavio'oxoreñiitac nam atamnaxala'pi maye saishet da qauauattoñi,

Jeremías 3:24

Chegoqta'a co'ollaq ñaq qomi' nsoxoppi, nache nam ỹo'ot da na'agaxa atamnaxala'pi, nachena nam iqataqchet som la'añaqtegueshec co'ollaxa som qarta'alpi: Aso lalopi qaguetapi qataq so laỹepi na'atetpi qataq so llalaqpi ỹalleppi qataq aso llalepi 'alpi.

Isaías 2:8

Qataq na na'alhuapi nlaqaalec nam saq 'en atamnaxala'pi, nache na shiỹaxauapi natameetacot nam atamnaxala'pi, maye ỹauota'aisalo naua lhuaxaye qataq naua llaxaata co'ollaq ỹo'ottacpi.

Jeremías 11:17

Ñim Nataxala' maye Qaica ca Ỹaqalanapec ñim 'am ỹaañi co'ollaxa, 'am namaxa so qauem, da 'am talec souaxat nam qauem maye ỹo'ot na Israel qataq ye Judá, cha'aye inogoqche't souaxat da ỹaatracot na lchenaxanaxat so Baal.

Jeremías 19:4

Cha'aye na Israel le'ecpi aỹem ca'ai, nache ỹo'ot da 'eco' ỹaqa'a ne'ena 'alhua, nache huaña naqa'en namaye da ỹanot na lchenaxanaxat maye ama na laita nam ỹaqa'a atamnaxala'pi, maye namayepi qataq so hua'au lta'alpi, qataq so nta'alpi na Judá, saỹauatton, qataq nlaxattelec namaye na ltago'q som shiỹaxauapi maye qaica ca ỹasouaxat.

Jeremías 44:21

Qami', ¿peta'a qaupicheetega da Ñim Nataxala' saishet da noma de'era, huo'otaq da icoua'ai da qami' qataq som hua'au qarta'ailpi qataq som lta'alpi somayepi qataq so lataxala'pi, qataq 'enauac som shiỹaxauapi, da ỹaatacot co'ollaxa na lchenaxanaxat maye ama na laita, nam laỹepi atamnaxala'pi da huaña na huaqta'a't nỹecpi maye ỹotta'a't naua nañalo ye Judá qataq na nqa'aicpi ye Jerusalén?

Jeremías 48:35

Ñim Nataxala' da la'aqtac, 'eeta': «Aỹem selaxachigui qome na shiỹaxauapi ye Moab, nam tasheguema naxa ana lcomaraxalatepi maye huaña na natamnaqa'pi da natamnot na ỹaqa'a atamnaxala'pi, qataq da ỹanot na lachetaqtaxanaxatpi qataq nam lchenaxanaxatpi maye ama na laita nam natamnaxala'pi.»

Ezequiel 16:24

qaq nagui nache qaltaq 'auo'ot na 'anatamnaqa'pi maye 'aỹa'anaña na ndaqa'pi da yaqto' huaña da 'anatamnot na nqolacpi, qataq 'anañaneguet da 'anquishestague' namayepi.

Oseas 9:10

Qaq da la'aqtac Ñim Nataxala', 'eeta': «Co'ollaq selalec na Israel le'ecpi, nache ỹataqta samachiguiñi, sheeta'am ca shiỹaxaua da ilalec aca uva da huaña ca toolec 'alhua. Qataq co'ollaq sela'a so hua'au qarta'ailpi, nache 'eeta'am da sela'a aca la'auaxana ala ana hiigo. Qalaxaye co'ollaq ivita so netaña so Baal Pegor, nache ỹataqta nañaneguet da natameetacot na saq 'en atamnaxala'pi, nache ivira'a da ỹataqta qaiqaiga, 'eeta'am da nqaigaxa nam lauotaxat natamnaxala'pi.

2 Crónicas 28:25

Qataq nauaxaỹaxaasheguem so qaỹoqotcheguemec atamnaqa'pi ỹanaña so huaqta'a't nỹecpi maye ỹotta'a't naua nañalo ye Judá, da yaqto' ỹavigaxat so lchenaxanaxat da ỹanot so ỹaqa'a atamnaxala'pi, qaq 'era dam ỹo'ot da lalemataic Ñim Nataxala' maye Natamnaxala' so hua'au lta'alpi.

Jeremías 3:25

Ñaq ñemanaq qome, cha'aye huo'o da qara'agaxa qataq qomi' nlaqchiguilo da qane'enaguec, cha'aye chegoqta'a co'ollaq ñaq qomi' nsoxoppi, nache ivitta'a nagui da qomi' qataq so qarta'alpi huo'o da qarasouaxashet hueto'ot Ñim Nataxala' maye Qanatamnaxala' cha'aye saishet da salaxasoxoguet.»

Jeremías 17:1

«'Am Judá, da 'arasouaxashet nanettañi qoỹeraxana so neraxanaxat lcat qataq qoỹeraxana so shetteguet coma' le'enaxat diamante da qoỹerelec añi qaramchigui 'arquiyaqte, qataq naua lcoue añi 'arca'atoxonaxalate.

Jeremías 18:15

Qalaxaye na ỹalamaxat nhuo' le'ecpi Aỹem icoua'ai, nache ỹaatacot na saq'en atamnaxala'pi na lchenaxanaxat maye ama na laita, Namayepi iqataqchet so nqa'aic, som nqa'aic maye togoshaapec, nache quetegueto naua saq 'amaqtaq nqa'aico maye saqaỹauatto'n.

Jeremías 44:5

Qalaxaye qami' saishet da Aỹem qaualaqaiguet qataq saishet da Aỹem qauqochiỹa, nda'a't da nache qoquiito'ot da qaỹa'añiitacot na qarchenaxanaxache maye ama na laita nam ỹaqa'a atamnaxala'pi.

Oseas 10:1

Na Israel le'ecpi, qalaq 'eeta'am ana nañiguishe uva maye ỹataqta qalochiguiñi, qalaxaye co'ollaq ỹataqta qalota ana alapi, nache nataqa'en nquictauec ana no'oxoosheguem nca'atoxonaxalatepi. Qataq co'ollaq mashe ỹataqta 'onaxaic na na'alhuapi, nache nataqa'en ỹataqta 'onaxaic naqa'en nam saq 'en natamnaxala' coma'pi.