Jeremías 11:11 - La'aqtaqa Ñim Lo'onatac 'Enauacna 2013

¹¹ Qaq ỹoqo'oye Aỹem ñamaxa qome namayepi cam qauem nache saishet qome da huo'o ca ỹet. Qaq na'aictaxa da ỹa'alaqtagui da Aỹem iỹaxaatacot da setauan, qalaxaye saishet qome da sa'axaỹa namayepi. Qaq 'era da ỹa'aqtac, Aỹem Nataxala'.

Jeremías 11:11 Referans Kwoze

Ezequiel 8:18

Qalaxaye Aỹem so'onataxana qome da ỹayeloxo, nache saishet da sechoxoreetac qome namayepi. Qaq huaña nache na'aictaxa da ỹa'alaqtagui da Aỹem iỹaxaatacot, qalaxaye saishet qome da sa'axaỹa.»

Isaías 1:15

Qami' naxa da qaỹa'añeetrasheguem naua qarhuaxayilli' da qanatamñi, nache Aỹem ỹaqa'a da samata'ague, qaq na'aictaxa da ỹaguec da qanatamnaxaqui, qalaxaye Aỹem saishet da qami' sa'axaỹalo, cha'aye naua qarhuaxayilli' ỹataqta nlaqchiguilo na ntago'q.

Proverbios 1:28

Qaq que'eca na'a'q aỹem qauỹaxañeetega qome, qalaxaye saishet da qami' sasategueta, qataq aỹem qanmicheetaique qalaxaye saishet da aỹem qauanachiỹa,

Zacarías 7:13

nache Ñimaye, 'enapeco': «Qaq cha'aye saishet da aỹem na'axaỹaxana somayepi co'ollaq seỹaxaatega, nache nataqa'en Aỹem saishet da sa'axaỹa da aỹem iỹaxaatacot.

Miqueas 3:4

Qaq huo'o qome ca na'a'q da qauỹaxañiitega Ñim Nataxala', qalaxaye ñimaye saishet qome da qami' ỹasategueta, nacherata da que'eca na'a'q ñimaye qami' nqañoxotaisopa, souaxat nam qauemsat maye qauo'oche.

Jeremías 14:12

Cha'aye na'aictaxa da ỹaguec ca nqouaqchetaxac, qalaxaye Aỹem saishet da sa'axaỹa qome ca nachoxonnaxac, qataq na'aictaxa da qalota ana ndouopi lachetaqtaxanaqtepi maye qaỹavigaxatta qataq ana ala ana lañiguishepi, qalaxaye saishet qome da saỹamaxaren da selogui. Aỹem selaxachigui qome namayepi serolec ca alaataxac, nqouaxa, qataq ca napiina.»

2 Reyes 22:16

da Aỹem Nataxala' da ỹa'aqtac, 'eeta': Aỹem ñamaxa qome ne'ena 'alhua ca lta'araic lchec, qataq talec ñaqa'en 'enauac na netalecpi namaye. Qaq nache ipacchigui 'enauac qome na ỹa'aqtacpi maye huetalec aso nere maye itaxaỹaxaatac ñi nta'a ye Judá.

Jeremías 11:17

Ñim Nataxala' maye Qaica ca Ỹaqalanapec ñim 'am ỹaañi co'ollaxa, 'am namaxa so qauem, da 'am talec souaxat nam qauem maye ỹo'ot na Israel qataq ye Judá, cha'aye inogoqche't souaxat da ỹaatracot na lchenaxanaxat so Baal.

Jeremías 6:19

'Am 'alhua, ñaq Aỹem 'ana'axaỹaxana: Aỹem ñanacot qome ca qauem da talec ñaqa'en ne'ena nhuo' le'ecpi, maye naigui nam qauempi maye lapaxañi, cha'aye sa ỹalaxagueta naua ỹa'aqtaqa, nacherata da ỹo'ota'n naua iqataxaco.

Isaías 24:17

Qami' maye qoñiitalec ana 'alhua, qami' taleguete qome ca lta'araic lchec qataq qa'aỹingui aca nshere qataq aca nqoina.

Salmos 18:41

Nache iỹaxaataique da qaitauan, qalaxaye saishet da huo'o ca itauan, qataq iỹaxaatega Ñim Nataxala' qalaxaye saishet da ỹasateguet.

Hebreos 1:3

So Llalec qomi' ỹachaxanalo da la'añaxac qataq da la'amaqchec Ñim Lo'onatac 'Enauacna, cha'aye imatta't da lataxac Ñimaye, qataq do'ogoxona da lta'araic la'añaxac da nlletañi 'enauacna. Qataq chegoqchigui Somaye da Ñim Lo'onatac 'Enauacna ỹapalaxa't naua qarasouaxashe'ete, ime, nache taỹa cam neta'ague Ñimaye da yaqto' nso'ooñi, na'ague da aloic.

1 Ts 5:3

Cha'aye na shiỹaxauapi, qom 'eetega da 'enauac lactapiguiñi qataq saqca ca da, qataq saishet da ñe'etapigui', nache nvita namayepi ca nhuaxanaguec lta'araic, choche nque'elaxatta, 'eeta'am da nqui'ic aca 'alo hualaxai da ivita ye laloqo' da deco'o. Namayepi saishet da ỹet da nhuaxanaguec.

Amós 5:19

Cha'aye 'eeta'am qome ca dataueeguesop ca llon, qalaxaye qaltaq natena'aguet ca oso, huo'otaq ca pa'aigui ca lma' da ỹasheleua'a na lque camaye, nache inac ca 'araxanaq.

Ezequiel 7:5

Ñim Nataxala', 'enapec: ¡Ña 'aula'a da mashe anacta na qauem!

Jeremías 36:31

'am qataq na 'auachegoxoguetpi, qataq nache 'ena'am nam 'amaqtaqaicpi maye 'artauapi, sauo'o qome ca nhuaxanaguec souaxat na lasouaxashetpi. So'ot qome da qami' taleguete, qataq 'enauac na shiỹaxauapi maye hueta'a na Jerusalén qataq na Judá, 'enauac nam qauem maye sa'axatta'a co'ollaxa, cha'aye Aỹem saqaualaqaiguet co'ollaxa.»

Jeremías 35:17

Qaq ỹoqo'oye Aỹem Nataxala' maye Qaica ca Seqalanapec qataq Aỹem Natamnaxala' na Israel le'ecpi, sheeta': So'ot qome da na Judá qataq 'enauac nam hueta'a na Jerusalén da talec qome 'enauac nam qauem maye sa'axatta'aguet co'ollaxa. Cha'aye Aỹem qami' setaqtecoto co'ollaxa, qalaxaye qami' saishet da aỹem qauqochiitega, qataq qami' seỹaxaategalo co'ollaxa qalaq saishet da Aỹem qauasacheeguet.»

Jeremías 23:12

Qaq ỹoqo'oye da nqa'aicỹaxac namayepi, ỹataqta napalñi qome qataq salvi, qataq Aỹem so'otec qome da qaỹamaxañi nache huañi. Qom ñimit na lasouaxashetpi namayepi nache talec ñaqa'en ca qauem. Qaq 'era da ỹa'aqtac Aỹem Nataxala'.»

Jeremías 19:15

«Ñim Nataxala' maye Qaica ca Ỹaqalanapec, Ñim Natamnaxala' na Israel le'ecpi, 'enapec: ‹Aỹem ñamaxa qome ne'ena huaqta'a't nỹecpi, qataq 'enauac nam netalec ne'ena 'alhua, cam nhuaxanaguec maye sa'axatta'a co'ollaxa, cha'aye namayepi ỹacona da qaramchigui da yaqto' saỹalaxagueta naua ỹa'aqtaqa.›»

Jeremías 19:3

Nache qoneta': ‹Qami' nta'alpi na Judá, qataq qami' maye qoviita'a na Jerusalén, qana'axaỹaxañiỹa de'era la'aqtac Ñim Nataxala' maye Qaica ca Ỹaqalanapec, Ñim Natamnaxala' na Israel le'ecpi, 'eeta': Aỹem ñamaxa qome ca ỹataqta lta'araic lchec ne'ena nma', qaq 'enauac qome cam hua'axaỹa da qaỹa'axat camaye, nache dauaxanguilo naua ltela lauaco.

Jeremías 15:2

Qaq da huo'otaq 'am inat cam hua'ague ca taigue, nache 'aua'aqtaxanem da ỹa'aqtac, qoneta': ‹Nam taỹa'a da ilem ca napiina, nache ilem qome ca napiina, qaq cam taỹa'a da ileuaigui ca alaataxac qalaq ileuaigui qome ca alaataxac, qaq cam taỹa'a da ilem na lqouaxa, qaq ilem qome na lqouaxa, qaq cam taỹa'a da qaỹauega ca ỹaqa'a 'alhua qalaq qaỹauec qome.›

Jeremías 11:14

Qaq ỹoqo'oye 'am Jeremías, saishet qome da 'anatamen da 'auỹaxaalec ne'ena nhuo' le'ecpi, qataq saishet da aỹem 'aỹa'anot ca 'anatamnaxac qataq ca 'anachoxonnaxac da talec namayepi, cha'aye Aỹem saishet qome da sa'axaỹa namayepi da Aỹem iỹaxanot da setauan, qom mashe huetaigui que'eca qauem.

Proverbios 29:1

Ca shiỹaxaua maye sa ỹaconeguet da qaỹaỹamaxaañi da lataxac, camaye qaica ca ishet da nca'alaxatec da nque'elaxatta da qailaxachigui.

Salmos 66:18

Qaq taxa da huo'o ca qauem iuennataxac, nache Ñim Nataxala' saishet taxa da aỹem hua'axaỹa.

2 Crónicas 34:24

da Aỹem Nataxala', shenapec: Aỹem ñamaq qome ca qauem, da talec ñaqa'en ne'ena nma', qataq nam shiỹaxauapi maye hueta'a namaye, ipacchigui qome 'enauac nam qauem maye nanettalec aso nere, maye hua'aqchigui qanqa'en ñi nta'a ye Judá co'ollaq qaitaxaỹaxan.

Da na'aqtaguec so Job 35:13

Cha'aye Ñim Lo'onatac 'Enauacna maye Qaica ca Ỹaqalanapec saishet da hua'axaỹa dam qaica ca naigui lỹaxanaxac. Qataq Ñimaye saishet da iqochetega namayepi.

Jeremías 14:2

«Ye Judá nỹeetac souaxat da laquicoxo, na huaqta'a't nỹecpi maye ỹotta'a't naua nañalo qalaq qaica ca la'añaxac, na shiỹaxauapi qalaq huetaiya' hueta'aguet na 'alhua. Ye Jerusalén qalaq qaỹa'atega da la'alaxac souaxat da nqui'ic.

Jeremías 18:11

Qaq nagui 'aua'aqtaxanem na shiỹaxauapi na Judá, qataq na lma' na Jerusalén, da aỹem Nataxala', shenapega namayepi, sheeta': ‹Mashe huo'o dam llapaqtegueñi da yaqto' qami' sataỹa'agueta, Aỹem mashe iuennataxa da qami' seuaxa'n. Ñaq qoquiỹa'ai qome som qauem nqa'aic, nache qano'onaxache da qarataxaqui qataq da qaro'onataxanaxaqui.›»

Jeremías 25:35

Na qagueta lo'opi qalaq saishet qome da datauec, nam lataxala'pi ana qaguetapi saishet qome da ỹañoxot da naneltaxan.

Lamentaciones 2:22

Qataq 'auachegoxotteguelo co'ollaxa da 'auanacot nam lcheguesat, 'eeta'am da qanqo'ona ca huo'o da la'amaqchec na'ashaxac, som na'a'q co'ollaq 'aualemata 'Am Nataxala' qalaq qaica ca ishet da datauec. Som ñepa'aguenaxauapi qalaq ỹalauat co'ollaxa, som ỹaqtacpi qataq so ỹapaxaguenatacpi.

Ezequiel 14:3

«Ne'enaua shiỹaxau', naamaye ỹataqta imauec da nañanoto da natameetracot na nqolacpi, qataq imato'ot da lmeenaxanaxac nam ỹo'ot na lasouaxashetpi. ¿Qaq peta'a sa'aqta'alo naamaye da Aỹem inat?