Jeremías 11:10 - La'aqtaqa Ñim Lo'onatac 'Enauacna 2013

¹⁰ Nache ỹe'eguelaxa da ỹo'ot nam nasouaxashetpi maye ỹo'ot co'ollaxa som hua'au lta'alpi, som saishet co'ollaxa da aỹem ỹalaxaguet, nacherata da quegue nam ỹaqa'a atamnaxala'pi nache ỹo'oxoreetac. Qaq yem Israel qataq ye Judá saipaguelec dam ñaỹamaxataxac maye so'ot co'ollaq ñaỹamaxate' som hua'au lta'alpi.

Jeremías 11:10 Referans Kwoze

Deuteronómio 31:16

Nache Ñim Nataxala', 'enapega co'ollaxa so Moisés, 'eeta': «'Am, mashe sa saqaỹaloq da 'aleu, nache 'aualegoigui qome so hua'au 'arta'alpi. Qaq ne'ena nhuo' le'ecpi saqaỹaloq qome da Aỹem ca'ai da nquisheshigui da la'amqaanataxanaxac, cha'aye ca'ata qome na natamnaxala'pi na lma' yi'iye 'alhua maye nalec qome. Huaña nache aỹem ca'ai qataq ỹalat da ñaỹamaxataxac maye so'otec co'ollaxa namayepi.

Ezequiel 16:59

Aỹem Nataxala', da ỹa'aqtac, 'eeta': «'Am sanem qome nam naigui na 'auo'otpi, cha'aye sa 'aupaguelec som 'aỹa'an co'ollaxa 'ara'aqtac, qataq sa 'aupaguelec so 'anaỹamaxataxac co'ollaq Aỹem 'anaỹamaxate'.

1 Samuel 15:11

«Ỹataqta huo'o da ñetogotaxac da sanagui da nta'a ñi Saúl, cha'aye ñimaye aỹem ca'ai qataq saỹalaxaguet na ỹamaxasoxonaxacpi.» Nache so Samuel ỹataqta qaica ca lamaic, nache imauec se'eso pe da nqouagaxaueetacot Ñim Nataxala'.

Jueces 2:19

Qalaxaye naxa da ivita da ileu ñi nataxala', nache somayepi qaltaq ỹe'eguelaxa da ỹo'ot nam ỹataqta qauem, nache napacalec som qauem ỹo'otpi co'ollaxa som hua'au lta'alpi, nache do'onataxaatacot qataq natameetacot so ỹaqa'a atamnaxala'pi. Nache saishet da ỹaxanec na qauem ỹo'ottacpi da chegoqta'ague, qataq dam qauem lataxac.

Jueces 2:17

Qalaxaye so Israel le'ecpi ñaqaiyeta saishet da ỹoqocha'a se'eso nataxala'pi, nacherata da nañaneguet da natameetacot so ỹaqa'a atamnaxala'pi, nache ca'ai da llecỹaxac som hua'au lta'alpi, maye ỹataqta ỹalaxaleguete co'ollaxa naua lamaxasoxonaxaco Ñim Nataxala', qaq somayepi nache saishet da ilolec da lataxac somayepi.

Hebreos 8:9

So hua'au ñaỹamaxataxac, nache sacoota'a na lhuaq som hua'au qarta'ailpi qataq ñeqateeguesop ye 'alhua Egipto. Ime, nache sauo'o so ñaỹamaxataxac da ñaỹamaxate' somayepi. Qalaxaye somayepi saishet da ipaguelec, ỹoqo'oye saxaañi da seqochetega somayepi.

Sofonías 1:6

Nataqa'en selaxachigui qome nam Aỹem ca'ai, qataq nam saishet da Aỹem nmitaique da Aỹem inat.»

Oseas 6:7

Qalaxaye qami', qoñeeta'am so Adán, da saishet da qaupaquiitelec da ñaỹamaxataxac, nache saishet da aỹem qaualaqaiguet.

Ezequiel 44:7

Qami' qanshepaxanaqcheche añi ỹalamaqte atamnaxaqui, cha'aye qaua'aqaita'a da pa'aigui na chegaqauecpi, nam shiỹaxauapi maye saishet da ỹachetac da la'anaxat da ñaỹamaxataxac, saq huetaigui da ntoonaxac qataq da lo'ocỹaxac, namayepi nshepaxanaqchet cha'aye Aỹem ỹanot na lcheta, qataq na ltago'q na lachetaqtaxanaxatpi, nache saiyacnapec da ñaỹamaxataxac souaxat nam ỹo'otpi maye ỹataqta seqaiga.›

Salmos 78:57

Cha'aye nache 'eeta'am so lta'alpi, da ca'ai naxa Ñimaye qataq ỹalat, ỹataqta saq ỹataxalec 'eeta'am na checnec da namaxagui.

Deuteronómio 9:7

Qataq saishet qome da qaucouaỹa'ai da ỹataqta dalemata naxa qanqa'eñi Ñim Nataxala' maye Qanatamnaxala'ai co'ollaq huaña ye toolec 'alhua. Cha'aye nache chegoqta'a co'ollaq qoquiỹa'ai ye Egipto, nache ivitta'a nagui da saishet naxa da qaualaqai.

Levítico 26:15

qataq da saishet da qauacoñiiguet, qataq sa qaushetaxachiiguet na iqataxacpi, qataq na ỹamaxasoxonaxacpi, qataq da sa qaualaqaiguet namayepi, qataq qaica ca 'enec qanqa'eñi da ñaỹamaxataxac,

Zacarías 1:4

Qaq saishet qome, da qaue'enaxache da lataxac so hua'au qarta'ailpi, maye so hua'au na'aqtaxanaxanecpi da'aqtaxanem co'ollaxa da ỹa'aqtac, da yaqto' ỹaxanec da qauem lataxac, qataq nam qauem maye ỹo'ottacpi, qalaxaye somayepi saishet co'ollaxa da Aỹem na'axaỹaxana, qataq saishet da Aỹem ỹalaxaguet. Qaq 'era da ỹa'aqtac Aỹem Nataxala'.

Oseas 7:16

Namayepi ỹe'eguelaxa na saq 'en atamnaxala'pi, nache 'eeta'am ca checnec da namaxagui. Qaq nam lataxala'pi qairolec ca ỹeelonec da qaỹalauat, souaxat da na'amaqte'n naua la'aqtaqa, nache huaña ye Egipto da qane'eetapigui qome namayepi.

Oseas 6:4

Qaq Ñim Nataxala', 'eeta': ¿Ca sheeteco', 'am Efraín? Qataq ¿ca sheeteco', 'am Judá? Cha'aye da qarauotaxanaqtaiqui da sheeta, qalaq 'eeta'am na sheue ye nte'eta, qataq na 'aỹa da ña nte'etom nache quiguiñi.

Jeremías 31:32

Que'eca ñaỹamaxataxac saishet qome da 'eeta'am, dam ñaỹamaxataxac maye so'ot co'ollaq ñaỹamaxate' som hua'au lta'alpi namayepi, co'ollaq sacona na lhuaq da ñeqateeguesop ye Egipto, cha'aye somayepi saỹalaxalec co'ollaxa da ñaỹamaxataxac, na'aictaxa da Aỹem ỹataqta ỹalamaxat somayepi. Qaq 'era da ỹa'aqtac Aỹem, Nataxala'.

Jueces 2:11

Qaq huaña, nache so Israel le'ecpi ỹo'ot nam ỹataqta sa ỹaỹamaxaren Ñim Nataxala', cha'aye natameetacot na ỹotta'a't ne'enaqtacpi lqui'ipi so Baal.

Jeremías 7:28

Qonapega namayepi, qoneta': ‹'Ena na shiỹaxauapi maye saishet da ỹalaxaguet Ñim Nataxala' maye Natamnaxala', qataq sa ỹaỹamaxaren da qaỹaỹamaxaañi da lataxac. So huesota lataxac mashe imauec da qaica saishet da huetaigui na alap.›»

Jeremías 9:6

naralaxat da lataxac. Ñim Nataxala', 'enapec: «¡Namayepi nlaxagui da natenataxanaxac, qataq qaica ca qairen! Na ỹalamaxat nhuo' le'ecpi aỹem saỹauatton.

Jeremías 13:10

Ne'ena nhuo' le'ecpi qauemaicpi, maye saishet da ỹalaxaguet nam ỹamaxasoxonaxacpi, qataq quetagueto naua qauema lhuennataxaco da lquiyaqteỹaxac. Namayepi quegue na ỹaqa'a atamnaxala'pi da do'onataxanot, qataq ỹo'oxoreetac. Nache 'eeta'am som saataxaqui maye saishet da qaltaq ỹe'eguelaxa da qaiuen.

Jeremías 17:23

Qalaxaye somayepi saishet co'ollaxa da Aỹem qocha'a qataq saishet da Aỹem ỹalaxaguet, nacherata da queto'ot da sana'axaỹaxan, qataq saishet da ỹalaq da qanqanaxattac.

Jeremías 44:5

Qalaxaye qami' saishet da Aỹem qaualaqaiguet qataq saishet da Aỹem qauqochiỹa, nda'a't da nache qoquiito'ot da qaỹa'añiitacot na qarchenaxanaxache maye ama na laita nam ỹaqa'a atamnaxala'pi.

Jeremías 44:16

Qomi', saishet da salaxasoxoguet de'era qomi' 'andota'alo, maye qonetega la'aqtaxanaxac Ñim Nataxala'.

Ezequiel 5:6

Qalaxaye namaye sa ỹalaxaguet co'ollaxa na iqataxacpi qataq na ỹamaxasoxonaxacpi, nache da lle'etaxaloxo ỹataqta napacalec na nhuo' le'ecpi qataq na ỹotta'a't shiỹaxauapi maye lauoreuapi namayepi, cha'aye saishet da ỹalaxaguet na iqataxacpi qataq saishet da quegue na ỹamaxasoxonaxacpi.

Zacarías 7:11

Qalaxaye se'eso nhuo' le'ecpi saishet co'ollaxa da ỹalaq. Nacherata da datatec, nache ỹe'enaxat da saq hua'aqa.

Zacarías 7:13

nache Ñimaye, 'enapeco': «Qaq cha'aye saishet da aỹem na'axaỹaxana somayepi co'ollaq seỹaxaatega, nache nataqa'en Aỹem saishet da sa'axaỹa da aỹem iỹaxaatacot.

Isaías 24:5

Ana 'alhua qalaq nlaxagui na qauem souaxat nam netalecpi, cha'aye sa ỹalaxaguet nam lapaqtañi nqataxacpi, qataq saishet da ipaguelec na namaxasoxonaxacpi, qataq sa iyacnapec da chochaq tatec aỹamaxataxac.

Jeremías 22:9

nache qaỹasateguet qome qoỹeeta': Cha'aye namayepi ca'ai da aỹamaxataxac maye Ñim Nataxala' maye Natamnaxala', ỹo'ot co'ollaxa da naỹamaxate' namayepi, nache natameetacot qataq ỹanot da llo'oxonnataxanaxac nam ỹaqa'a atamnaxala'pi.»