Jeremías 10:9 - La'aqtaqa Ñim Lo'onatac 'Enauacna 2013

⁹ Nam natamnaxala'pi qalaq nda'a't na lcat plata maye ỹachegoxota'a ye Tarsis qataq na oro maye ỹachegoxota'a ye Ufaz, nam lo'onatacpi nam ne'enaqtac lo'opi qataq na lcat lo'opi, qataq ỹaatañi qanqa'en ana npoto maye imalaqalec qataq togaxaraic, qaq 'enauac namayepi lo'onatac nam sa nqalaate' da huo'o na ỹe'enaxat.

Jeremías 10:9 Referans Kwoze

Salmos 115:4

Qaq na natamnaxala'pi namayepi qalaq ỹachegoxotaigui na lcat plata qataq na oro, qaq namayepi maiche lo'onatac na shiỹaxauapi.

Daniel 10:5

qaq so ñamatasheguem nache sela'a so ỹale, ỹaatrañi soua alogo maye chegaqaiguilo na lino, qataq so nsaataxaqui oro.

Isaías 40:19

Ca lo'o na ne'enaqtac ỹo'ot ca le'enaqtac, qaq ca ỹo'ottac na lcat plata lapaxalec camaye na oro, qataq ỹo'ot na lpaqtac lcatpiolec maye chegaqaigui na plata.

1 Reyes 10:22

qaq cha'aye aso notaxaquipi da qanayiguingui na 'etaxat maye lalamaqtepi so nta'a, qataq aso notaxaquipi maye lalamaqte so Jirán da chegoqta'a ye Tarsis da 'oonolec naxa da nvi' yeua tres vi'iye, da ndoi' so oro, plata, marfil, huoỹempi, qataq so polalopi.

Ezequiel 27:12

Qaq ỹataqta logosheguem co'ollaxa so 'arsallaxa, nache ye Tarsis 'am nmeetague' co'ollaxa, qaq nmeneguet naxa na 'armenecpi ana alom plata, lcat, estaño, qataq na plomo.

Salmos 72:10

Qataq na nta'alpi maye lma' ye Tarsis qataq nam netalec ana ỹaqauga 'alhuapiole, qataq na nta'alpi maye lma' ye Sabá qataq ye Sebá, ndotega qome camaye na lachetaqtaxanaxatpi.

Isaías 23:6

Nache 'enapec qome: «Qanqo'oñiỹa qome ye Tarsis, yaqto' qanỹeñi, qami' maye qoñiitaña na loigue.»

Ezequiel 27:7

Qaq so 'araỹoxonaqtac maye huo'o na llo'oxoraxatpi qalaq chegaqaigui na lino maye chegaqa'a ye Egipto, qaq somaye nache nataqa'en 'ara'anaxanaqte, qaq som 'arpe'l malaxaraic qataq togaxaraic da lo'oxoỹaxac qalaq qaỹachegoxota'a co'ollaxa ye loigue ye Elisa.

Jonás 1:3

Qalaxaye so Jonás, dataueeguesop Ñim Nataxala' taỹa ye Tarsis, qalaxaye ỹa'auaxaañi da taỹa so ñegaxasom le'enaxat Jope, yem huaña da natenalec aso notaxaqui maye mashe huotaique da taỹa da Tarsis. Huaña nache desheenaxana aso lliquiaxaqui da yaqto' huenoteuo da taỹa yemaye da dataueeguesop Ñim Nataxala'.

Habacuc 2:19

¡Qaq choxoraxaso' 'am Babilonia maye qonetega naxa ca ne'enaqtac 'epaq da nlouec, qataq ca coma' maye qaicaua caua la'aqtaqa da nachaañi! ¿Peta'a isheto' da dapaxaguenataxa'n caamaye? Cha'aye na'aictaxa da qalapaxalec ca oro qataq ca plata, qalaxaye caamaye qaica cam lca'alaqa'.»

2 Crónicas 9:21

Cha'aye aso notaxaquipi da qanayiguingui 'etaxat maye lalamaqtepi so nta'a Salomón, maye taỹa naxa ye Tarsis, nache netangui so lamaxashecpi so Jirán, nache 'oonolec naxa da nvi' da inoxoorec yeua tres vi'iye, nache nachetac na oro, plata, marfil, huoỹempi, qataq na polalopi.

Oseas 8:6

Cha'aye ñi'iñi huaca llalec ñimaye lalamaxat na Israel le'ecpi, ñimaye le'enaqtac som ỹaỹaten da le'enaqtaxanaxac, qaq ñimaye saishet da nacheñi Ñim Lo'onatac 'Enauacna. Qaq ỹoqo'oye ñi'iñi huaca llalec, maye netaña ye Samaria, ñimaye dolagui qome.