Jeremías 10:6 - La'aqtaqa Ñim Lo'onatac 'Enauacna 2013

⁶ Qaq 'Am Nataxala' qaica ca 'am 'eeta'am: 'Am 'amaqtaqaic, da 'are'enaxat qalaq lta'araic qataq 'añaxaic.

Jeremías 10:6 Referans Kwoze

Éxodo 15:11

'Am Nataxala', ¿negue'tom ca lỹa atamnaxala' maye ishet da 'Am qanaloqnaxaneguet? ¡Ỹataqta qaica ca lỹa qui'itta qataq 'amaqtaqaic da 'Am 'eeta'am! ¡'Aushet da 'auo'ot ca huo'o da na'aalaxa qataq ca huo'o da lchec! ¡Qaq 'itchiguiñi da 'Am qaỹo'oxoren!

Salmos 96:4

Cha'aye Ñim Nataxala' ỹataqta lta'araic qataq 'itchiguiñi da ishet da qaỹo'oxoren. Ñimaye ỹataqta huo'o da lchec napacalec 'enauac na laỹepi atamnaxala'pi.

Salmos 48:1

Ñim Nataxala' ỹataqta 'amaqtaqaic, qataq 'itchiguiñi da ño'oxonnataguec da huaña yem huaqta'a't nỹecpi, maye lalamaxat Ñim Qanatamnaxala', qataq añim qui'itta nqasoxonaxa.

Deuteronómio 33:26

Ỹataqta qaica ca 'ena'am Ñim Natamnaxala' na Israel le'ecpi, cha'aye netalec na piguem da 'am itauan, qataq netalec na lo'oc da la'amaqchec.

Isaías 12:6

Qauo'onaxañi qataq qantoñiỹapigui' qami' maye qarma'ai na Sión, cha'aye Ñim Qui'itta Natamnaxala' so Israel maye qami' netanguilo ỹataqta lta'araic da la'amaqchec.»

Salmos 145:3

Ñim Nataxala' ỹataqta lta'araic da la'amaqchec, qaq 'itchiguiñi qome da ño'oxonnataguec, cha'aye da qarauattonaxanaxac sa ivi' da la'amaqchec Ñimaye.

Daniel 4:3

¡Qaq ỹataqta lta'araicpi nam saqaỹauanapegapi qataq nam huo'o da llo'oxoyecpi maye ỹo'ot Ñimaye! Qaq da lo'onataxanaxac Ñimaye chochaq tatec qome, qataq da la'añaxac qaica qome ca loga't.

Salmos 147:5

Ñim Qarataxala', ỹataqta lta'araic qataq 'añaxaic, qataq qaica ca loga't da laỹaanataxanaxac.

2 Samuel 7:22

¡Qaq ỹoqo'oye 'Am Ỹataxala', ỹataqta qaica ca 'eeta'am da 'ara'amaqchec! Cha'aye qaica ca lỹa atamnaxala', da 'Am 'eeta'am da sa'axasoqteguelec naxa da qaỹa'axattac.

Jeremías 32:18

'Am, 'auachaxana da 'arsoxoyec na ỹataqta qalota shiỹaxauapi, qalaxaye nataqa'en 'auauo'o da nhuaxanaguec na ỹalleppi souaxat na lasouaxashet so lta'alpi. ¡'Am Atamnaxala', maye 'Am 'amaqtaqaic qataq 'añaxaic, da 'are'enaxat 'eeta', Nataxala' maye Qaica ca Ỹaqalanapec!

Isaías 40:25

Qaq Ñim Qui'itta maye Lo'onatac 'Enauacna denataxan, 'eeta': «Qaq qami' ¿negue't cam 'eeta'am qanqa'eñi Aỹem? ¿Negue't ca ishet da sheeta'am?»

Éxodo 8:10

Nache so faraón 'enapeco': «Qomye qonte'.» Nache so Moisés 'enapeco': «Aja', nache ipacchigui qome de'era 'ara'aqtac, yaqto' 'am 'auaỹateeta da qaica ca 'ena'am Ñim Nataxala' maye Lo'onatac 'Enauacna.

Malaquías 1:11

Cha'aye ỹataqta 'enauac na ỹotta'at shiỹaxauapi ana 'alhua, ỹataqta huo'o naq 'enec naqa'en Aỹem; qataq 'enauac na pa'aiguelo da qaỹavigaxat na nchenaxanaxat da qaỹo'oxoren da ỹe'enaxat, qataq Aỹem qandoua'a ana no'on nachetaqtaxanaqte.

Daniel 4:34

Qaq co'ollaq ipacchigui som qalapaxañi da ñeuaxanaguec, nache aỹem Nabucodonosor samato'ot na piguem, nache ñanomteguet da aỹem qanataren nache qaica so aỹoic, qaq huaña nache sanot da ña'achecỹaxac Ñim Lo'onatac 'Enauacna maye Nataỹaña 'Enauacna nache sho'oxoren Ñim nache 'eetai' da nca'altauec, sheeta': «Da 'ara'añaxac qalaq chochaq tatec qome, da 'aro'onataxanaxac qalaq qaica ca loga't.

Isaías 46:9

ña qauennachiỹa'a som so'ot co'ollaxa maye huaiguilo soua qaỹoqteguelo vi'iye. Aỹem, nachaỹem Atamnaxala', qaq qaica ca lỹa, aỹem Atamnaxala' qaq qaica ca lỹa da sheeta'am.

Isaías 46:5

Qaq ¿negue't cam ishet da Aỹem qanaloqñeeguet? ¿Negue't cam qaupicheetega da sheeta'am?

Isaías 40:18

Qaq ¿negue't ca ishet da qanaloqñeeguet Ñim Lo'onatac 'Enauacna? Qataq ¿negue't ca ne'enaqtac cam ishet da 'ena'am qanqa'eñi Ñimaye?

Salmos 35:10

Nache imauec qome da iquiyaqteỹaxac da sheeta': «¿Negue'tom ca 'eeta'am 'Am Nataxala'? Cha'aye 'anca'alaxatec na choxoraqpi, qataq na huo'o da lhuenaxanaxa, qataq 'anqateeguesop na napacalec da la'añaxac namayepi qataq nhuottac.»

Nehemías 9:32

Qaq ỹoqo'oye 'am Qanatamnaxala', Atamnaxala' maye 'amaqtaqaic, 'añaxaic, qataq ncolanaxat, maye 'aupacchigui da 'anaỹamataxac qataq da nache 'eetai' da 'arauotaxanaqtaic ne'ena 'aralamaxat nhuo' le'ecpi, saishet qome da saq 'amaqtaq 'anqa'en da 'aulotagui da nque'eenaxac so qarta'alpi, qarataxala'pi, ntaxaỹaxanaxanecpi, na'aqtaxanaxanecpi, qataq so hua'au qarta'alpi qataq 'enauac na nalamaxat nhuo' le'ecpi, chegoqchiguiña se'eso na'a'q da lo'onataxanaxac so nta'alpi ye Asiria, nache ivitta'a nagui.

Nehemías 4:14

Qaq co'ollaq sela'a da ỹataqta ñi'i somayepi, nache ñachaañi da shenapega so nataxala'pi, nta'alpi, qataq 'enauac som laỹepi shiỹaxauapi, sheeta': «¡Saishet qome da qayi'iitac! Nacherata da qauennachiỹa'a Ñim Nataxala' da ỹataqta 'añaxaic qataq ncolanaxat, ỹoqo'oye qauloquiilec qome na qarqaỹaipi, qaỹa'alquipi ỹalleppi, qataq 'alpi, qataq ana qaramoxouaipi, qataq naua qarma'achilli'.»

Deuteronómio 32:31

Qataq na qampa'aguenaxauapi ỹaỹaten da cam npaxattalec namayepi saishet da 'eeta'am Ñim qomi' npaxattaleguete.

Éxodo 9:14

cha'aye nagui aỹem sauotaique da 'am ñamaxa 'enauac na ihuaxanaxanaxatpi qataq na 'artauapi qataq na 'arhuo' le'ecpi, yaqto' 'am 'auaỹateeta da Aỹem qaica ca lỹa sheeta'am 'enauac ana 'alhua.

1 Corintios 8:6

qalaxaye qomi' saỹaanaq da 'oonolec Ñim Lo'onatac 'Enauacna qataq Qarta'a. Qaq chegoqchigui Ñimaye 'enauac nam huetalecna, qataq qomi' ỹo'o't da qomi' lalamaqa'ate. Qataq 'oonolec So Qarataxala', le'enaxat Jesucristo. Ñim Lo'onatac 'Enauacna ỹachegoxotchigui Somaye 'enauac nam huetalecna, qataq da lqouagaxanaqtaic nachera da huo'omshe qomi' huo'oi nagui.

Jeremías 10:16

¡Ñim Natamnaxala' so Jacob ỹataqta huaỹoqtec da lataxac, cha'aye Ñimaye ỹo'ot co'ollaxa 'enauac nam huo'o! Ñimaye lca'aguishec na Israel le'ecpi da yaqto' lalamaxat. Dam le'enaxat Ñimaye, 'eeta': Nataxala' maye Qaica ca Ỹaqalanapec.

1 Crónicas 16:25

Cha'aye Ñim Nataxala' ỹataqta lta'araic da la'amaqchec, qataq ỹataqta 'itchiguiñi da qaỹo'oxoreetac, qataq da lchec Ñimaye napacalec na laỹepi atamnaxala'pi.