Jeremías 10:5 - La'aqtaqa Ñim Lo'onatac 'Enauacna 2013

⁵ Na atamnaxala'pi qalaq 'eeta'am ca ne'enaqtac shiỹaxaua da qoỹaatalec ca nanaxanaqa' maye lma' ana melón, namayepi saishet da detaqa, qataq iuen da qanachesheguem, cha'aye saishet da queuoỹapigui'. Saishet da qañe'eetega namayepi, cha'aye namayepi saishet da huo'o ca qami' ỹo'oteque qauem huo'otaq 'onaxaic.»

Jeremías 10:5 Referans Kwoze

Isaías 46:7

Ime nache ỹachalec na lallac da ỹache, da yaqto' ỹanalec cam lmala' naqa'en, qaq nache netaña camaye nache saishet da deraỹapigui'. Qaq na'aictaxa da ỹa'alaqto'ot da iỹaxaataique cam ltaunaxanaxac qalaq saishet da ỹasat, qataq saishet nca'alaxateeguesop da lta'araic nque'eenaxac.

1 Corintios 12:2

Co'ollaq qami' saxanaxa da qaua'amaqchiñi So Cristo, nache qausomiitac, qavio'oxoyiñiitac na qanatameetacotpi maye saq 'en qataq choche ne'enaqtacpi qataq qaicaua caua la'aqtaqa.

1 Corintios 8:4

Qaq da 'eetec nam nallec maye hua'auñi da qoỹanot na qanatameetacotpi ne'enaqtacpi maye saq 'en, qomi' saỹaanaqta da nam qanatameetacotpi maye saq 'en qaica ca lca'alaxa, cha'aye 'oonolec Ñim Lo'onatac 'Enauacna qaica ca lỹa.

Habacuc 2:19

¡Qaq choxoraxaso' 'am Babilonia maye qonetega naxa ca ne'enaqtac 'epaq da nlouec, qataq ca coma' maye qaicaua caua la'aqtaqa da nachaañi! ¿Peta'a isheto' da dapaxaguenataxa'n caamaye? Cha'aye na'aictaxa da qalapaxalec ca oro qataq ca plata, qalaxaye caamaye qaica cam lca'alaqa'.»

Isaías 46:1

Ñim atamnaxala' Bel qalaq mashe qaica ca la'añaxac, qaq ñi atamnaxala' Nebo qalaq hua'axañi nache hueta'aguet na 'alhua. Ñiimaye qaỹacheleguete qome nam shiguiỹacpi, qalaq ỹataqta qapa'atte' da ỹacheta'ape nam shiguiỹacpi maye nasamñi.

Isaías 45:20

Qalapoñiỹa't qome, nache qauanaqui, qanquiquiiuo 'enauac qami' lca'alaxaicpi nam ỹotta'a't nhuo' le'ecpi. Ỹataqta qaica ca laỹaanataxanaxac nam qaica'attaueeguepi naxa da ỹachetac na ne'enaqtacpi qo'oipaq, qataq natameetacot nam atamnaxala'pi maye saishet da deca'alaqtaxan.

1 Reyes 18:26

Nache somayepi ỹaconeua'a so huaca maye qoỹaneuo nache ỹo'ot, qaq nache chegoqchiguiña so nte'eta da iỹaxaatacot so Baal, nache choche ivitta'a so na'a'q laiñi da ñe'eguelaxattauec da, 'eeta': «¡'Am Baal, ña qomi' 'auasategueta!» Nache somayepi queto'ot da dasottac, coleeta'asop aso nca'atoxonaxalate maye maiche lo'onata somayepi, qalaxaye qaica da huo'otaq huo'o ca qaỹa'axaỹa da ỹasateguet somayepi.

Jeremías 10:14

Qaq 'enauac na shiỹaxauapi qaica ca lauattonaxanaxac qataq ca laỹaanataxanaxac. Na ne'enaqtacpi lo'opi qalaq da'aguelec na le'enaqtacpi, cha'aye da lo'onataxanaxac namayepi choche natenataxanaxac: qaq nam le'enaqtacpi namayepi qaica ca lca'alaxa,

Deuteronómio 4:28

Qaq huaña yemaye nache qami' ishet da qanatamñiỹot qome ca ne'enaqtacpi 'epaq, coma' maye sa nauaañi, saishet da hua'aqa, qataq saishet da deque'e, huo'otaq da huo'oi naua la'a'che, cha'aye maiche lo'onatac ca shiỹaxauapi.

2 Crónicas 25:15

Qaq ỹoqo'oye Ñim Lo'onatac 'Enauacna ỹataqta dalemataỹa so Amasías, nache ỹamaq so la'aqtaxanaxanec da 'enapega somaye, 'eeta': «¿Ta'ainco' ye 'aupe'etega na atamnaxala'pi maye saishet nca'alaxatec som shiỹaxauapi maye natameetacot co'ollaxa namayepi, da yaqto' npaxateguet da 'arhuaqỹaxac?»

Isaías 16:12

Qaq na'aictaxa ye Moab da tasheguema ana lcomaraxalatepi, da huaña da nqouagaxauen ivitta'a da nasamñi, qataq na'aictaxa da taua'a añi natamnaxaqui da natamen, qalaxaye nache 'ena'am qaica qome ca ỹachegoxotaigui damaye.