Jeremías 10:3 - La'aqtaqa Ñim Lo'onatac 'Enauacna 2013

³ Da la'amqaanataxanaxac ne'ena shiỹaxauapi qalaq qaica ca naigui. Namayepi ichec naxa ana lamo ỹachegoxotaigui na aviaq, nache anac na ne'enaqtac lo'o da irolec na lo'ogoxonaxat da naloqchiiñi,

Jeremías 10:3 Referans Kwoze

Levítico 18:30

Ỹoqo'oye, ỹataqta qoquiitegue qome na ỹamaxasoxonaxacpi, qataq saishet da qaue'enaxache da qauem lataxac so hua'auñi maye netalec yi'iye 'alhua, qom saxanaxa da qoñiỹalec yemaye, qataq saishet qome da qami' ishepaxanaqche't. Qaq 'era da ỹa'aqtac, Aỹem Qarataxala'ai maye Qanatamnaxala'ai.»

1 Pedro 1:18

Cha'aye Ñim Lo'onatac 'Enauacna qami' nca'alaxateeguesopa dam achaalataxac maye sa ỹaỹamaxañi, dam qami' ỹapaxagueneque som hua'au qarta'ailpi. Qataq qauaỹaañita da yaqto' qami' huesochiyiñi naqa'en, nache saishet da desheetenaxana cam ishet da qailaxachigui da 'eeta'am na lcat oro huo'otaq na lcat plata;

Romanos 1:21

cha'aye namayepi ỹaỹaten da huo'o Ñim Lo'onatac 'Enauacna, qalaxaye saishet da huo'o ca 'enec naqa'en qataq saishet da ỹami' ca na'achecỹaxac. Nachaqrata da iuennatega dam qaica ca naigui qataq da ỹo'ot ca qauem.

Jeremías 10:8

'Enauac namayepi qaica ca ỹaỹaten qataq qaica ca laỹaanataxanaxac. ¡Qaica ca napaxaguenataxanaxac da ỹachegoxotaigui nam 'epaqpi!

Mateo 6:7

Qaq da qanqouagaxauñi, nache saishet da logoraic ca qartaxaỹaxaqui, da qoñiita'am nam saishet da ỹoqta 'eesa da ỹauatton Ñim Lo'onatac 'Enauacna. Cha'aye namayepi ipi'itaxaatega da Ñimaye ỹalaxaguet souaxat da ỹataqta logoraic da nqouagaxaunaxac.

Isaías 45:20

Qalapoñiỹa't qome, nache qauanaqui, qanquiquiiuo 'enauac qami' lca'alaxaicpi nam ỹotta'a't nhuo' le'ecpi. Ỹataqta qaica ca laỹaanataxanaxac nam qaica'attaueeguepi naxa da ỹachetac na ne'enaqtacpi qo'oipaq, qataq natameetacot nam atamnaxala'pi maye saishet da deca'alaqtaxan.

Jeremías 2:5

Ñim Nataxala' qami' 'enapegalo 'eeta': «Som hua'au qarta'ailpi, ¿negue't co'ollaxa ca qauem maye ila'a dam sheeta, ye Aỹem ca'ai co'ollaxa? Nache somayepi ca'ategue na atamnaxala'pi maye qaica ca naigui, nache somayepi ỹe'eguelaxa da qaica ca naigui.

Hechos 19:26

Qalaxaye qami' mashe qauauañiichigui, qataq qaua'aqaichigui da se'eso Pablo, somaye 'eetega da na ne'enaqtacpi maye qanatameetacotpi maye maiche qaro'onatac, namayepi saishet da ỹoqta 'en da deca'alaqtaxan. Qaq somaye ỹataqta qalota na ỹañoxot da ỹa'amaqten dam 'eetega, qaq saishet da chaqnata na Éfeso, nataqa'en 'enauaque naua 'aleu' na 'alhua Asia.

Salmos 115:4

Qaq na natamnaxala'pi namayepi qalaq ỹachegoxotaigui na lcat plata qataq na oro, qaq namayepi maiche lo'onatac na shiỹaxauapi.

Jeremías 1:16

Qaq 'era da nhuaxanaguec maye saneguet qome nam 'etaxaloxoicpi maye aỹem ca'ai co'ollaxa, maye ỹavigaxat naxa na lchenaxanaxat da ỹo'oxoreetac na chegaqauec atamnaxala'pi maye namayepi maiche lo'onatacpi.

Jeremías 14:22

¿Qaq peta'a huo'o ne'ena saq 'en atamnaxala'pi ca ishet da ỹo'ot da huo'o na auot? Qataq ¿peta'a ishet na piguem da maichena da namaq aca auot? ¡'A'i saishet, 'Am Nataxala' qataq Qanatamnaxala'! 'Am maye ishet da 'anamaq namaye, 'Am maye 'auo'ot 'enauac nam huo'opi, ¡Qaq ỹoqo'oye qomi', 'Am seuataqta'aguet!

Jeremías 16:19

'Am Nataxala', maye 'Am ỹa'añaxac qataq aỹem 'ampaxattalec, qataq ỹe'eguenaxaqui da huo'o ye sevireguet lchec, 'am naỹa qome na ỹotta'a't shiỹaxauapi maye chegaqa'alo naua loga'te ana 'alhua, nache 'am 'enapega, 'eeta': «Nachenata nam saq 'en atamnaxala'pi maye qaca ca naigui qataq qaica ca la'añaxac da ỹaconeguet co'ollaxa som hua'au qarta'alpi da lalamaxat.»