Jeremías 10:25 - La'aqtaqa Ñim Lo'onatac 'Enauacna 2013

²⁵ Nacherata da 'aucorelec da 'arayeloxo nam ỹotta'a't shiỹaxauapi maye 'am saỹauatton nam nhuo' le'ecpi maye saishet da iỹaxaatega da 'are'enaxat, cha'aye namayepi ilaxachigui na lauo' le'ecpi so Jacob, nache qaica naqa'en ca no'onañi qataq nlachiguiñi naqa'en ne'ena 'alhua.

Jeremías 10:25 Referans Kwoze

Jeremías 8:16

¡Mashe anacta na qampa'aguenaxauapi! ¡Mashe dachemnaxaata'aguet na lalopi caipi, chegoqchiguiña ye Dan! Naxa da nỹen, nache cholaxan na 'alhua. Anac da nlaxaañi ne'ena 'alhua qataq 'enauac nam huetalec namaye, nam huaqta'a't nỹecpi maye ỹotta'a't na nañalo qataq nam hueta'a namayepi.

Salmos 14:4

Qaica ca laỹaanataxanaxac na ỹo'ottac na qauem, nam chectac na ỹalamaxatpi, 'eeta'am naqa'en da chec ca nallec, nam saishet da nqouagaxaueetega da le'enaxat Ñim Nataxala'.

Da na'aqtaguec so Job 18:21

Qaq 'era da 'eetec da nachaalataxac ca qauemaic, cam shiỹaxaua maye sa ỹauatton Ñim Lo'onatac 'Enauacna.»

2 Ts 1:8

Anaga da ỹauo'o ca nhuaxanaguec na saq qocha'a da na'aqtaxanaxac qataq sa ỹa'amaqten.

1 Ts 4:5

Saishet da choche ỹauectac da qauem lqopitaxanaqtaic da ỹe'enaxat na sa ỹa'amaqten Ñim Lo'onatac 'Enauacna.

Zacarías 1:15

Qaq ỹoqo'oye da ỹalemataic, 'eroigui da talec nam ỹotta'a't shiỹaxauapi maye qaica ca lhuogoxo, cha'aye co'ollaq ñaq saq 'amaqtaq da ỹayeloxo, nache namayepi nquigaxatec dam lle'etaxaloxo.

Sofonías 1:6

Nataqa'en selaxachigui qome nam Aỹem ca'ai, qataq nam saishet da Aỹem nmitaique da Aỹem inat.»

Jeremías 50:17

Na Israel le'ecpi, 'eeta'am aca qagueta da isomtac souaxat da icaatac na llonpi. Qaq hua'auñi co'ollaxa da chec namayepi ñi nta'a ye Asiria, ime qaltaq nabucodonosor maye nta'a ye Babilonia nache ilaxachigui na lpi'inecpi.

Jeremías 50:7

Na mpa'aguenaxauapi naxa da ilalec, nache chec nache, 'eeta': ‹Saishet da qarasouaxashet damaye, cha'aye namayepi huo'o da lasouaxashet hueto'ot Ñim Nataxala', maye qaica ca iueetaique naqa'en namayepi, qataq hueto'ot da naquitaxac som hua'au lta'alpi.›

Salmos 27:2

Na qauemaicpi maye ñepa'aguenaxauapi, naxa da anac da yaqto' aỹem iloquiaxan qataq aỹem nlaxaañi, nache namayepi maiche quia'aqñi, qataq huañi.

1 Corintios 15:34

Ỹataqta qauennataxañiitelec ca qauo'oche, qataq saishet da sa qaualaqaiguet Ñim Lo'onatac 'Enauacna. Qaq nache sheetec de'era, yaqto' qami' huo'o da qara'aloqoi. Cha'aye huo'o da qoñiita na saishet da ỹauatton Ñim Lo'onatac 'Enauacna.

Hechos 17:23

Cha'aye aỹem naxa da secoleetac na qoviita'a, nache semeteetac 'enauac nam nqui'ipi maye qanatamñeetacot. Nache huo'o ye selalec atamnaqa' qoỹettañi so na'aqtac, 'eeta': «Atamnaqa' da qanatamnot cam saishet da qaỹauatton.» Qaq Ñi'iñi Lo'onatac 'Enauacna maye qanatamñeetacot qalaxaye sa qauauattoñi, nacheñi nagui Ñim qami' sa'axatema.

Juan 17:25

'Am Ita'a, 'am ỹataqta no'on da 'arataxac, qalaxaye nam huetalec ana 'alhua saishet da ỹauatto'n naua ỹaỹamaqchiyiñi 'auo'o't. Aỹem qalaxaye 'am sauatton, qaq naua Aỹem 'anema mashe sogote da ỹaỹate'n da Aỹem 'aramaxashec.

Sofonías 3:8

Qaq ỹoqo'oye qauachiỹa'aguet qome que'eca na'a'q maye huaigui da qami' sataỹa'agueta. Aỹem Nataxala' 'era da ỹa'aqtac. Cha'aye mashe iuennataxa da llaỹona't na ỹotta'a't shiỹaxauapi, qataq na nta'alpi, da yaqto' talec ñaqa'en da ỹayeloxo, qataq dam ỹataqta 'eroigui ỹalemataic. ¡Qaq ỹataqta 'enauac qome ana 'alhua da nlachiguiñi souaxat cam le'eraxa da ỹayeloxo!»

Lamentaciones 2:22

Qataq 'auachegoxotteguelo co'ollaxa da 'auanacot nam lcheguesat, 'eeta'am da qanqo'ona ca huo'o da la'amaqchec na'ashaxac, som na'a'q co'ollaq 'aualemata 'Am Nataxala' qalaq qaica ca ishet da datauec. Som ñepa'aguenaxauapi qalaq ỹalauat co'ollaxa, som ỹaqtacpi qataq so ỹapaxaguenatacpi.

Isaías 64:7

Qaq mashe qaica ca iỹaxaatega da 'are'enaxat huo'otaq da na'añaxat da yaqto' 'am ỹe'eguenot. Qaq ỹoqo'oye qomi' 'anqañoxocheesopa qataq qomi' 'auala't souaxat nam qauem maye so'otaqpi.

Isaías 43:22

Qalaxaye 'am Israel, maye 'auachegoxoguet so Jacob, saishet co'ollaxa da aỹem 'auỹaxanot, nacherata da aỹem 'anasamiisop.

Apocalipsis 16:1

Nache sa'axaỹa so nvilỹaxac ỹataqta alam chegoqtoigui aso no'onaxanaxaqui, da 'eetegalo soua siete namaxa'she piguem lashe', 'eeta': «Qoqui, nache qaucoyeelec ana 'alhua nam huetagui naua ỹomaxaqui' maye naigui dam qaica ca 'ena'am lalemataic Ñim Lo'onatac 'Enauacna.»

Salmos 69:24

Ỹataqta 'auasaxalec namayepi da 'aralemataic, qataq da 'ettaigui 'arayeloxo ivirauga qome namayepi.

Salmos 147:20

Ñimaye saishet da 'eetec de'era na laỹepi ỹotta'a't shiỹaxauapi, qaq saishet da huo'o lỹa ỹauatton nam lapaxañipi co'ollaxa Ñimaye. ¡Qaỹo'oxoren qome Ñim Nataxala'!

Isaías 9:12

Qaq chegoqtegue da nala' lliguisheguem so siiriopi, qataq chegoqtegue da nala' lliguiñi so filisteopi, nache 'eco' 'oonolec da iuoxonañi so Israel le'ecpi. Qalaxaye ñaqaiyeta da layeloxo Ñim Nataxala' saishet da vi'iiguet, Ñimaye nache queto'ot da darenaxaatac.

Jeremías 11:1

Ñim Nataxala' aỹem 'enapega aỹem Jeremías, nache 'eeta':

Jeremías 30:16

Qaq 'enauac qome nam 'am chec, namayepi nataqa'en qanallec qome, qataq 'enauac qome nam 'ampa'aguenaxauapi qaỹauega ca ỹaqa'a 'alhua da ncoñeteguishecpi, qataq so'otec da qanhuotta qome nam 'am nhuotta, qataq qaicachiỹot qome nam 'am decachiỹot.