Jeremías 10:16 - La'aqtaqa Ñim Lo'onatac 'Enauacna 2013

¹⁶ ¡Ñim Natamnaxala' so Jacob ỹataqta huaỹoqtec da lataxac, cha'aye Ñimaye ỹo'ot co'ollaxa 'enauac nam huo'o! Ñimaye lca'aguishec na Israel le'ecpi da yaqto' lalamaxat. Dam le'enaxat Ñimaye, 'eeta': Nataxala' maye Qaica ca Ỹaqalanapec.

Jeremías 10:16 Referans Kwoze

Deuteronómio 32:9

Cha'aye na iỹotaugapi Ñim Nataxala', nachena nam nalamaxat nhuo' le'ecpi, maye chegoxoguetpi so Jacob.

Jeremías 32:18

'Am, 'auachaxana da 'arsoxoyec na ỹataqta qalota shiỹaxauapi, qalaxaye nataqa'en 'auauo'o da nhuaxanaguec na ỹalleppi souaxat na lasouaxashet so lta'alpi. ¡'Am Atamnaxala', maye 'Am 'amaqtaqaic qataq 'añaxaic, da 'are'enaxat 'eeta', Nataxala' maye Qaica ca Ỹaqalanapec!

Jeremías 31:35

Ñim Nataxala' maye ỹo'ot añi nala' da yaqto' icoỹarelec ye na'a'q ñi ca'agoxoic qataq ana huaqaañipi da yaqto' icoỹarelec ye pe, qataq ỹo'ot da aso auaxai deratac, qataq dauaxan ana lapaxa, Ñim le'enaxat Nataxala' maye Qaica ca Ỹaqalanapec, 'eeta':

Jeremías 51:19

Qaq ỹataqta huaỹoqtec da lataxac Ñim Natamnaxala' so Jacob maye lo'onatac 'enauac nam huo'o! Ñimaye lca'aguishec co'ollaxa so Israel da yaqto' lalamaxat. Ñimaye da le'enaxat, 'eeta': Nataxala' maye Qaica ca Ỹaqalanapec.

Jeremías 10:12

Ñim Nataxala', irolec da la'añaxac co'ollaq ỹo'ot ana 'alhua, qataq irolec da laỹaanec co'ollaq ỹaỹamaxaañi ana 'alhua, qataq irolec da laỹaanec co'ollaq ilagaxaañi na piguem.

Salmos 119:57

'Am Nataxala', nache 'amta da aỹem qoueta'aguet, ỹoqo'oye san co'ollaxa so ỹa'aqtac da salaxagueta naua 'ara'aqtaqa.

Salmos 74:2

Ñaq 'auennata'a qome na 'aralamaxat nhuo' le'ecpi, maye 'arca'aguishecpi co'ollaq la'atchiguiñi na, nam 'arca'alaqtacpi co'ollaxa da yaqto' 'aralamaxat, qataq 'auennata'a qome añi qasoxonaxa Sión maye 'aranataqa' co'ollaxa.

Lamentaciones 3:24

Qaq aỹem shenapec naxa, da Ñim Nataxala' nachaqñita 'oonolec ñaqa'en, qaq ỹoqo'oye aỹem sepi'iỹa'a Ñimaye.

Salmos 135:4

Cha'aye Ñim Nataxala', lca'aguishec co'ollaxa so Jacob, som Israel da yaqto' lalamaxat.

Jeremías 50:34

Qalaxaye na lca'alaxaqui namayepi, namaye ỹataqta 'añaxaic, nam le'enaxat Nataxala' maye Qaica ca Ỹaqalanapec. Namaye pa'aiguet qome da ỹo'otec namayepi ca nalochiguiñi lataxac, qataq nda'a qome ca nlagaxayec ne'ena 'alhua, qaq cam lchec qalaq talec naqa'en na lma' ye Babilonia.»

Isaías 45:7

Aỹem so'ot co'ollaxa na yo'oqchiguiñi qataq na napalaxa, qataq so'ot dam ỹaỹamaqchiguiñi qataq dam qauem. Aỹem Nataxala' Aỹem maye so'ot 'enauac namayepi.

Salmos 73:26

Qaq da ỹo'ocỹaxac qataq iquiyaqteỹaxac qaica ca la'añaxac, qalaxaye Ñim Lo'onatac 'Enauacna ỹa'añaqchet añi iquiyaqte. Qaq Ñimaye nache 'eetai' da aỹem hueta'aguet.

Éxodo 19:5

Qaq ỹoqo'oye nagui, da qami' ỹataqta aỹem qaualaqaiguet qataq qaupaquiitelec da ñaỹamaxataxac co'ollaq qami' ñaỹamaxateto, nache ỹataqta qami' ỹauotaqa'ate, qataq saishet da qoñeeta'am qome na laỹepi shiỹaxauapi, cha'aye 'enauac ana 'alhua maiche ỹalamaqte.

Isaías 54:5

Cha'aye Ñim 'am lo'onata co'ollaxa ñimaye ỹauo'o 'am lhua. Qaq da le'enaxat 'eeta', Nataxala' maye Qaica ca Ỹaqalanapec, Ñim 'arca'alaxaqui nacheñi Ñim Qui'itta Natamnaxala' na Israel le'ecpi, nacheñi Ñim Lo'onata 'enauac ana 'alhua.

Isaías 51:15

Cha'aye Aỹem Nataxala' maye Aỹem 'anatamnaxala' da ỹe'enaxat 'eeta': Nataxala' maye Qaica ca Ỹaqalanapec. Aỹem seraxan aso auaxai, nache ỹataqta dauaxan ana lapaxa.

Isaías 47:6

Aỹem co'ollaq salemataỹa nam ỹalamaxat nhuo' le'ecpi, nache saneguet namayepi da saqaỹaỹamaxatapec, qataq saneguet da 'ara'añaxac. Qaq 'am saishet da 'auchoxoreetac co'ollaxa namayepi, na ỹa'axaiquipi maye nataxala'pi qalaq 'auachelec co'ollaxa nam qapa'atta lla'ac.

Isaías 47:4

Ñim Qarca'alaxaqui, Ñim Qui'itta Natamnaxala' na Israel le'ecpi, ñim le'enaxat Nataxala' maye Qaica ca Ỹaqalanapec, 'eeta':

Proverbios 16:4

'Enauac na lo'onatacpi Ñim Nataxala', huo'o da maiche lataxac naqa'en, nataqa'en ỹo'ot ca qauemaic da yaqto' taỹa'a ca na'a'q maye huetoigui ca nhuaxanaguecna.

Salmos 142:5

'Am Nataxala', 'am seỹaxanot, sheeta': «'Am nache 'am da aỹem 'ampaxattalec, nache 'amta da aỹem qoueta'aguet, da sootalec ana 'alhua maye huetalec na huo'o da lca'alaxa.»

Jeremías 10:6

Qaq 'Am Nataxala' qaica ca 'am 'eeta'am: 'Am 'amaqtaqaic, da 'are'enaxat qalaq lta'araic qataq 'añaxaic.

Jeremías 33:2

«Aỹem Nataxala' maye ỹo'onata ana 'alhua, qataq so'ot co'ollaxa da lataxac, qataq saỹamaxatchiguiñi co'ollaq sanaña ye lma', 'am shenapega:

Amós 4:13

Cha'aye nachaỹem da ỹo'onata ana qasoxonaxapi, qataq so'ot na la'at, qataq saỹaanaxanaxanec nam shiỹaxauapi nam iuen da ỹo'ot, qataq so'ot da yo'oqchiguiñi na napalaxa, qataq sequeuoteguelec nam ỹataqta qaỹoqotcheguemec 'alhua. Aỹem Nataxala', Aỹem Atamnaxala', 'era da ỹe'enaxat: Qaica ca Saqalanapec.

Zacarías 2:12

Qaq Ñim Nataxala' qaltaq ỹe'eguelaxa qome da lalamaxat na Judá, maye huetaigui nam qui'itta 'alhua, qataq ỹe'eguelaxalec nataqa'en da ỹa'axatec da ye Jerusalén nacheye ye lca'aguishec.

Éxodo 34:9

'Eeta': «¡'Am Nataxala'! Qom ỹataqta 'eesa da aỹem 'auchoxoren, qaq no'on da nache qomi' qoueta'agueta qome. Aỹem saỹaten da ne'ena shiỹaxauapi ỹataqta 'eesa da sa ỹalaq, qalaxaye 'onaxaico' da 'auapalaxat qome na qarasouaxashet qataq na qaye'etaxaloxosat, qataq 'auacona da ỹataqta qomi' 'aralamqa'ate.»

Salmos 33:6

Ñim Nataxala' ỹauota'aisalo co'ollaxa naua la'aqtaqa da ỹo'ot na piguem, qataq co'ollaq iquetetec na la'at nache ỹo'ot 'enauac ana huaqaañipi.

Isaías 19:25

Qaq Ñim Nataxala' maye qaica ca Ỹaqalanapec ỹanem qome da lchoxonnataxanaxa, 'eeta': «Aỹem sanem da ichoxonnataxanaxa ye Egipto le'ecpi, nhuo' le'ecpi maye ỹalamaxatpi, ye Asiria le'ecpi maye ỹo'onatacpi qataq na Israel le'ecpi maye maiche ỹalamaxatpi».

Jeremías 46:18

Qaq Aỹem maye Aỹem Nta'a, da ỹe'enaxat, 'eeta': Nataxala' maye Qaica ca Ỹaqalanapec, san da ỹa'aqtac maye, 'eeta': 'Eeta'am añi qasoxonaxa Tabor da saishet da 'ena'am ana laỹepi qasoxonaxapi qataq añi qasoxonaxa Carmelo maye netaua'a na laỹe aso auaxai, qaq nache 'eetec qome da anac na pa'aguenaxauapi.