Jeremías 10:14 - La'aqtaqa Ñim Lo'onatac 'Enauacna 2013

¹⁴ Qaq 'enauac na shiỹaxauapi qaica ca lauattonaxanaxac qataq ca laỹaanataxanaxac. Na ne'enaqtacpi lo'opi qalaq da'aguelec na le'enaqtacpi, cha'aye da lo'onataxanaxac namayepi choche natenataxanaxac: qaq nam le'enaqtacpi namayepi qaica ca lca'alaxa,

Jeremías 10:14 Referans Kwoze

Jeremías 10:8

'Enauac namayepi qaica ca ỹaỹaten qataq qaica ca laỹaanataxanaxac. ¡Qaica ca napaxaguenataxanaxac da ỹachegoxotaigui nam 'epaqpi!

Isaías 42:17

Qaq nam pe'etega cam saq 'en atamnaxala'pi, qataq nam detaxaỹa nam ne'enaqtacpi, 'eeta': ‹Nache qami', maye qami' qanatamnaxala'pi› namayepi jec qome ỹachetec da lcoxo.»

Isaías 45:16

'Enauac nam ỹo'ottac na ne'enaqtacpi atamnaxala'pi, huo'o qome da la'aloxo qataq qaica ca la'amaqchec, qataq qane'eetapigui.

Salmos 97:7

Nache 'enauac na atamnaxala'pi natamnot Ñimaye. Qaq huaña nache huo'o da la'aloxo 'enauac nam natameetacot na ne'enaqtac atamnaxala'pi nam ỹo'oxoreetac na atamnaxala'pi maye qaica ca naigui.

Isaías 44:11

Qataq 'enauac nam natamnot qome na nqolacpi namayepi huo'o qome da ne'enaguec, cha'aye nam ỹo'ottac na nqolacpi namayepi choche shiỹaxauapi. Qaq da 'enauac namayepi da nachaateuo da qanmit, nache huo'o qome da la'aloxo qataq da lcolanaxa.

Salmos 14:2

Nache Ñim Nataxala' maye neto'ot na piguem namataña na shiỹaxauapi cha'aye huotaique da ila'a ca 'oonolec da ỹaanataxanaxaic huo'otaq da nmittaique Ñimaye.

Salmos 92:6

Qaq ca qaica ca ỹaỹaanapec qalaq saỹaỹate'n, qataq saishet da ỹaỹaanegueta namaye.

Salmos 94:8

Qaq ỹoqo'oye, qami' maye qaica ca qauaỹaañiỹapec, ña qauaỹaañiteguet qome de'era cha'aye qami' 'enaqaiqa ¿che laguio' da huo'o ca qauaỹachiñi?

Proverbios 30:2

Aỹem ỹataqta 'eesa da qaica ca saỹaten da salectaigui na shiỹaxauapi, saishet da aỹem hueto'ot ca laỹaanataxanaxac na shiỹaxauapi.

Romanos 1:25

Saishet da ỹo'oxoren Ñim Lo'onatac 'Enauacna maye ỹataqta 'eesa, nachaqrata da ỹo'oxoreetac nam ne'enaqtacpi maye saq 'en, ỹo'oxoreetac na choche lo'onatacpi Ñim Lo'onatac 'Enauacna, qamaq ỹo'oxorenctaxa Ñimaye maye lo'onatac 'enauac namayepi, maye taiguet da chochaq tatec da qaỹo'oxoreetac. Aja' nache 'eetec.

Jeremías 10:5

Na atamnaxala'pi qalaq 'eeta'am ca ne'enaqtac shiỹaxaua da qoỹaatalec ca nanaxanaqa' maye lma' ana melón, namayepi saishet da detaqa, qataq iuen da qanachesheguem, cha'aye saishet da queuoỹapigui'. Saishet da qañe'eetega namayepi, cha'aye namayepi saishet da huo'o ca qami' ỹo'oteque qauem huo'otaq 'onaxaic.»

1 Samuel 5:4

Qalaxaye so nte'etom so lỹa na'a'q, nache qaltaq qailalec so ne'enaqtac lqui'i so Dagón da huetaiya', hueta'aguet na 'alhua hueto'ot aso laỹe' da naỹamaxataxac Ñim Nataxala'. So lqaic qataq soua lhuaxaye qalaq mashe huacaguerec, nache huetralec so nqauaxala' so lasom. Qaq nachaqsota so lasot da no'onañi da no'oitai'.

Isaías 57:12

Qalaxaye sa'axat qome da 'arataxac maye 'aupettega da ỹaỹamaqchiguiñi.