Jeremías 10:13 - La'aqtaqa Ñim Lo'onatac 'Enauacna 2013

¹³ Da detaqa Ñimaye nache laỹona't na 'etaxat na piguem, qataq chegoqchiguiña naqa'en naua loga'te ana 'alhua da naỹoxoosheguem naqa'en na lo'oc na piguem qataq qashelecteguiñi naqa'en na le'eraxa na auot qataq na la'at chegoqchiguiña naqa'en cam laỹonaqa'.

Jeremías 10:13 Referans Kwoze

Salmos 135:7

Qataq naỹoxoosheguem naqa'en na lo'oc, chegoqchiguiñalo naqa'en naua loga'te ana 'alhua, qataq ỹo'ot na nqashelgaxa maye ỹa'axata'aguet ca auot, qataq chegoqchiguiñalo naua laponaqa'ate da naỹoxoosheguem naqa'en na la'at.

Da na'aqtaguec so Job 38:22

¿Peta'a mashe 'avira'a da 'aumeten ye naỹamaqtaqa' ana aloñi qataq ana lache,

Salmos 18:13

Ñim Nataxala' maye Nataỹaña 'enauacna ỹalachigui naqa'en na piguem da lavilỹaxac, nache lỹatec ana lache qataq ana 'ettaigui poqopi.

Salmos 147:8

Ñimaye ỹapolec naqa'en na lo'oc na piguem, qataq talec naqa'en ana 'alhua na auot, qataq ana qasoxonaxapi ñaxaalec naqa'en na 'auaqpi.

Salmos 135:17

qataq huo'oi naua ltela qalaxaye sa hua'aqa, qataq qaicaua naua la'a'che.

Salmos 68:33

ñim netalec na piguem, nam piguem maye nache 'eetai' co'ollaxa. Ñimaye qaỹa'axaỹa naqa'en da lavilỹaxac, dam ỹataqta 'añaxaic lavilỹaxac.

1 Reyes 18:41

Ime, nache so Elías 'enapega so Ajab, 'eeta': 'Aue, 'auque'e qome, qataq 'anỹom, cha'aye mashe cheta'aguet da l-lamaxa na auot.

Éxodo 9:23

Nache so Moisés ỹachaxaasheguemec na piguem aso lashelte, nache Ñim Nataxala' namaq so nalataxa, nqashelgaxa qataq aso lache da talec na 'alhua ye Egipto.

Zacarías 10:1

Ñaq qauỹaxañiỹot qome Ñim Nataxala' da namaq ca auot ye nauoxo, cha'aye Ñimaye nacheñi ñi ỹo'ot na napo, qataq namaq na auot, qataq nacheñi ñim ỹo'ot da lañaxataxac 'enauac ana huoue maye huetalec na no'onaxa.

Génesis 2:5

nache saxanaxa co'ollaxa da huo'o aca ñaxat ana qo'oipaq qataq na 'auaqpi, cha'aye Ñim Nataxala' saxanaxa da ỹauo'o ca auot da yaqto' talec ana 'alhua, qataq saxanaqca ca ishet da do'onataxaalec.

Salmos 104:13

Chegoqotcheguema 'anqa'en ye qaỹoqotcheguema 'arma', da 'aucottalec ana qasoxonaxapi, ana 'alhua qalaq machiguiñi naqa'en da alaỹaxac da 'aro'onataxanaxac.

Jeremías 51:16

Ñimaye da detaqa, nache ỹo'ot da dellimigui na 'etaxat na piguem, qataq naỹoxoosheguem naqa'en na lo'oc na piguem chegoqchiguiña naqa'en naua loga'te ana 'alhua, qataq ỹo'ot na nqashelgaxa da huetaigui naqa'en na auot qataq anacot na la'at ỹachegoxotchiguiña cam laponqa' namaye.

Amós 4:13

Cha'aye nachaỹem da ỹo'onata ana qasoxonaxapi, qataq so'ot na la'at, qataq saỹaanaxanaxanec nam shiỹaxauapi nam iuen da ỹo'ot, qataq so'ot da yo'oqchiguiñi na napalaxa, qataq sequeuoteguelec nam ỹataqta qaỹoqotcheguemec 'alhua. Aỹem Nataxala', Aỹem Atamnaxala', 'era da ỹe'enaxat: Qaica ca Saqalanapec.

Jeremías 5:24

Saishet da qauennataxañi qataq da, qoñiita': Huo'o naq 'enec ñaqa'enaq Ñim Nataxala' maye Qanatamnaxala', cha'aye qomi' namaxalo naxa na auot maye huaigui yem cotap qataq ye nauoxo, qataq ipacchigui naqa'en ye laloxoqui da ñeqataq na ala na qorañiguishec.

Jeremías 14:22

¿Qaq peta'a huo'o ne'ena saq 'en atamnaxala'pi ca ishet da ỹo'ot da huo'o na auot? Qataq ¿peta'a ishet na piguem da maichena da namaq aca auot? ¡'A'i saishet, 'Am Nataxala' qataq Qanatamnaxala'! 'Am maye ishet da 'anamaq namaye, 'Am maye 'auo'ot 'enauac nam huo'opi, ¡Qaq ỹoqo'oye qomi', 'Am seuataqta'aguet!

Jeremías 19:12

Qaq 'era da so'otec qome ne'ena huaqta'a't nỹecpi qataq nam shiỹaxauapi maye hueta'a namaye. 'Eeta'am ñaqa'en da sheetec co'ollaxa ye Tófet. Qaq 'era da ỹa'aqtac Aỹem Nataxala'.