Jeremías 10:12 - La'aqtaqa Ñim Lo'onatac 'Enauacna 2013

¹² Ñim Nataxala', irolec da la'añaxac co'ollaq ỹo'ot ana 'alhua, qataq irolec da laỹaanec co'ollaq ỹaỹamaxaañi ana 'alhua, qataq irolec da laỹaanec co'ollaq ilagaxaañi na piguem.

Jeremías 10:12 Referans Kwoze

Da na'aqtaguec so Job 9:8

Ñimaye ndote' co'ollaxa da ỹo'ot na piguem, qataq vi'iiguet naqa'en ana lapaxa ana auaxai.

Génesis 1:1

Ñim Lo'onatac 'Enauacna, co'ollaq cheta'ague da ỹo'otna, nache ỹo'ot na piguem qataq ana 'alhua.

Proverbios 3:19

Ñim Nataxala' do'onataxana co'ollaxa da laỹaanec da ỹo'ot ana 'alhua, qataq do'onataxana da lauattonaxanaxac co'ollaq ỹo'ot na piguem.

Isaías 40:22

Ñim Lo'onatac 'Enauacna huo'o añi nso'onaxaqui netalec na ỹataqta pa'asheguem na piguem, nache da nlotaña na shiỹaxauapi nache 'eeta'am naqa'en ana shiiquioxoipi. Ñimaye da ilagaxaañi na piguem qalaq 'eeta'am naqa'en ca npe'l, qataq da ỹa'ara't nache 'eeta'am naqa'en ca nanataxaqui.

Colosenses 1:16

Qataq chegoqchigui Somaye co'ollaq Ñim Lo'onatac 'Enauacna ỹo'ot 'enauac nam hueto'ot na piguem qataq nam huetalec ana 'alhua, 'enauac nam ishet da qaila'a, qataq nam saishet da qaila'a, qataq na saqcha'a na'añaxacpi maye damaxasoxonapec qataq nam huo'o da la'añaxac. Ñim Lo'onatac 'Enauacna chegoqchigui naqa'en So Cristo 'enauac nam ỹo'ot. Qaq So Cristo, nache 'enauac maiche lalamaxatpi.

Juan 1:3

Qaq Ñim Lo'onatac 'Enauacna co'ollaq ỹo'ottacna, nache ỹachegoxotchigui So Na'aqtac 'enauac nam ỹo'otpi. Qaq 'enauac nam huo'o, qaica ca saq chegoqchigui So Na'aqtac.

Salmos 24:2

Cha'aye Ñimaye lapaxañi co'ollaxa so lo'oxonaxala' ana 'alhua, nache na'attalec naqa'en aso auaxai qataq na talapi.

Zacarías 12:1

Qaq 'era da la'aqtac Ñim Nataxala', da ỹa'axata'a da 'eetec qome nam Israel. Ñim Nataxala' maye ỹo'ot co'ollaxa na piguem, qataq ỹo'ot ana 'alhua, qataq ỹanem da lca'alaxa ca shiỹaxaua, da la'aqtac 'eeta':

Jeremías 32:17

«'Am nataxala' 'auota'a co'ollaxa da lta'araic 'ara'añaxac, da 'auo'ot na piguem qataq ana 'alhua. 'Am qaica ca 'auqalanapec.

Jeremías 10:13

Da detaqa Ñimaye nache laỹona't na 'etaxat na piguem, qataq chegoqchiguiña naqa'en naua loga'te ana 'alhua da naỹoxoosheguem naqa'en na lo'oc na piguem qataq qashelecteguiñi naqa'en na le'eraxa na auot qataq na la'at chegoqchiguiña naqa'en cam laỹonaqa'.

Isaías 49:8

Ñim Nataxala', 'eeta': «Co'ollaq ivita so laloqo' da sachaxan da ỹauotaxanaqtaic, nache 'am sasateguet, ivita so laloqo' da nca'alaxa nache 'am setauan. Aỹem 'am ñepaxaalec co'ollaxa, da yaqto' 'am sachegoxotchigui da ñaỹamaxate' na nhuo' le'ecpi, qataq yaqto' 'avi'eguelaxata da lataxac ne'ena 'alhua, qataq 'auo'ot da qanayenalec nam 'alhua maye toolec,

Isaías 48:13

Aỹem sauota'a na ihuaq co'ollaq so'ot ana 'alhua qataq sauota'a na ihuaq co'ollaq selagaxaañi na piguem, qaq co'ollaq ñasaxauec da le'enaxat nache namayepi huo'o.

Isaías 45:18

Ñim lo'onatac na piguem, Ñim Atamnaxala' qataq Nataxala'. Ñim ỹo'ot co'ollaxa ana 'alhua qataq ỹo'ot da lataxac, qataq ỹo'ot da sareraỹai' anamaye, ñim ỹo'ot co'ollaxa qalaxaye saishet da huotaique da qui'ittelec, nacherata da huo'o cam netalec anamaye, 'eeta': «Aỹem nachaỹem Nataxala', qaica ca lỹa.

Isaías 45:12

Aỹem so'ot co'ollaxa ana 'alhua qataq nam shiỹaxauapi maye netalec anamaye, qataq sauota'a na ihuaq da selagaxaañi na piguem, qataq yo'oq ñaqa'en ana huaqaañipi.

Isaías 44:24

Qaq 'era da la'aqtac Ñim Nataxala' maye 'arca'alaxaqui, Ñim 'am ỹo'ot co'ollaq saxanaxa da 'auañiguiñi: «Aỹem nachaỹem Nataxala' maye so'ot co'ollaxa 'enauac nam huo'o. Aỹem selagaxaañi co'ollaxa na piguem qataq so'ot ana 'alhua, qalaq saishet co'ollaxa da seuen da huo'o ca aỹem itauan.

Isaías 42:5

Ñim Lo'onatac 'Enauacna maye Nataxala' ñim lo'onatac na piguem qataq ilagaxaañi, qataq lo'onata ana 'alhua qataq nam ñaxattalec anamaye, qataq ỹami' da nachaalataxac qataq da lca'alaxa nam shiỹaxauapi maye netalec ana 'alhua, 'enapega so lamaxashec, 'eeta':

Salmos 104:24

Qaq ỹataqta qalota na 'auo'otpi co'ollaxa 'Am Nataxala', qaq 'enauac namayepi 'auauota'a da 'araỹaanec co'ollaq 'auo'ot, ana 'alhua qalaq nlaqtelec nam 'auo'otpi.

Salmos 33:6

Ñim Nataxala' ỹauota'aisalo co'ollaxa naua la'aqtaqa da ỹo'ot na piguem, qataq co'ollaq iquetetec na la'at nache ỹo'ot 'enauac ana huaqaañipi.

Proverbios 30:4

¿Negue'tom ca ishet co'ollaxa da tasheguema na piguem qataq ñe'eguelaxañi? Qataq ¿negue'tom ca ishet da nllañi na la'at da ỹauota'a na lhuaq? Qataq ¿negue'tom ca ishet da ỹauo'o ca lpataxaalec na 'etaxat aso auaxai? Qataq ¿negue'tom co'ollaxa ca ỹo'o't naua loga'te ana 'alhua? Qataq ¿negue'tom ca ỹaỹaten ca le'enaxat Ñimaye qataq ca le'enaxat ca llalec?

Salmos 119:90

Qataq da sa nquic 'arataxac chochaq tatec, 'am 'alapaxañi co'ollaxa ana 'alhua, nache saishet da deraỹai'.

Salmos 78:69

Nache no'oxoosheguem añi qui'itta atamnaxaqui, ỹataqta qaỹoqotcheguemec 'eeta'am na piguem, nache no'oxoochiguiñi 'eeta'am naqa'en ana 'alhua.

Da na'aqtaguec so Job 26:7

Ñim Lo'onatac 'Enauacna ỹanalec na piguem na pa'asheguem maye qui'ittelec, qataq ana 'alhua qaica da huo'o ca na'attalec naqa'en.

Salmos 104:2

'Eeta'am 'anqa'en ca npo' da 'anapogoña na yo'oqchiguiñi. Qataq 'aupiguiisheguem na piguem 'eeta'am ca napoxonaxat.

Salmos 93:1

¡Ñim Nataxala' nacheñi ñi nta'a! ¡Ñimaye ỹachaxan da la'amaqchec qataq da qalota la'añaxac! Qataq ỹa'ayiñi ana 'alhua da yaqto' sa deraỹai'.

Génesis 2:5

nache saxanaxa co'ollaxa da huo'o aca ñaxat ana qo'oipaq qataq na 'auaqpi, cha'aye Ñim Nataxala' saxanaxa da ỹauo'o ca auot da yaqto' talec ana 'alhua, qataq saxanaqca ca ishet da do'onataxaalec.

Da na'aqtaguec so Job 37:18

¿Peta'a 'autauaatac co'ollaxa Ñim Lo'onatac 'Enauacna, da ỹanasheguem na piguem, qataq da sa deraỹai' 'anqa'en nache 'eeta'am na lcat da lqashelgaxa?

Isaías 37:16

«'Am Nataxala' maye Qaica ca 'Auqalanapec, maye 'Am Natamnaxala' na Israel le'ecpi, qataq añi 'anso'onaxaqui netanguilo ñeua ne'enaqtaqa le'enaxat querubines. Qataq nachaq 'amta da 'am natamnaxala', 'enauac nam nta'alpi ana 'alhua. 'Am maye 'auo'ot co'ollaxa na piguem qataq ana 'alhua.

Jeremías 10:16

¡Ñim Natamnaxala' so Jacob ỹataqta huaỹoqtec da lataxac, cha'aye Ñimaye ỹo'ot co'ollaxa 'enauac nam huo'o! Ñimaye lca'aguishec na Israel le'ecpi da yaqto' lalamaxat. Dam le'enaxat Ñimaye, 'eeta': Nataxala' maye Qaica ca Ỹaqalanapec.

Jeremías 27:5

«Aỹem sauota'a co'ollaxa da lta'araic ỹa'añaxac da so'ot ana 'alhua, qataq na shiỹaxauapi qataq na shiguiỹacpi maye huetalec anamaye, qaq anamaye ishet da sanem cam taalec da sanem.

1 Crónicas 16:26

Cha'aye nam natamnaxala'pi nam laỹepi shiỹaxauapi, qaica ca 'enec, qaq Ñim Nataxala' qalaq nacheñi ñim ỹo'ot na piguem.

Salmos 65:7

'Am 'avia'axaneguet da l-lamaxa ana lapaxa, qataq da 'eetec da lliỹa't na ỹotta'a't nhuo' le'ecpi.

Jeremías 14:22

¿Qaq peta'a huo'o ne'ena saq 'en atamnaxala'pi ca ishet da ỹo'ot da huo'o na auot? Qataq ¿peta'a ishet na piguem da maichena da namaq aca auot? ¡'A'i saishet, 'Am Nataxala' qataq Qanatamnaxala'! 'Am maye ishet da 'anamaq namaye, 'Am maye 'auo'ot 'enauac nam huo'opi, ¡Qaq ỹoqo'oye qomi', 'Am seuataqta'aguet!