Jeremías 10:10 - La'aqtaqa Ñim Lo'onatac 'Enauacna 2013

¹⁰ Ñim Nataxala' nacheñi Ñim 'eesa Atamnaxala', Ñim Lo'onatac 'Enauacna maye nca'altauec. Ñim Nta'a maye chochaq tatec. Da dalemata nache cholaxan ana 'alhua, qaq nam ỹotta'a't shiỹaxauapi sa ỹañoxot da dataỹa'aguet Ñimaye.

Jeremías 10:10 Referans Kwoze

Deuteronómio 32:4

Ñimaye qomi' npaxattaleguete, na lo'onatacpi qalaq ỹaỹamaqchiguiñi, qataq na ỹo'otpi qalaq nalochiguiñi. Ñim Lo'onatac 'Enauacna ỹataqta 'eesa da lataxac, qataq saishet da ỹo'ot ca sa ỹaỹamaxañi, ¡Ñimaye ỹataqta ỹaỹamaqchiguiñi qataq nalochiguiñi da lataxac!

Isaías 57:15

Cha'aye Ñim Qaỹoqotcheguemec, Ñim chochaq tatec da nca'altauec maye le'enaxat Qui'itta, 'eeta': «Aỹem maye soota'a ye ỹataqta qaỹoqotcheguemec qataq sa qaishetapec, qalaxaye nataqa'en soota'aguet ca qaica ca la'amaqchec qataq ca huo'o da laquicoxo, nache samem da la'añaxac qataq sa'añaqchet.

Salmos 76:7

Cha'aye ỹataqta 'am chaqaic, ¿qaq negue'tom ca ishet da nachattañi da 'am nachatto'ot, da ivita da 'eroigui da 'aralemataic?

Nahúm 1:6

Qaq ¿negue'tom cam ishet da nachaateguet da layeloxo Ñimaye? Qataq ¿negue'tom cam ishet da nalota'aguet da layeloxo? Qaq de'era layeloxo Ñimaye 'eeta'am ca norec, qataq da choche nlectelec aca coma' late'erai nache acamaye dolagui.

Salmos 42:2

Ỹataqta huo'o na ỹaquip da ñimittaique Ñim Lo'onatac 'Enauacna, Ñim Lo'onatac 'Enauacna maye chegoqo'ot da nca'alaxa. Qaq ¿chaq laguio' da ñachaateua'a Ñimaye?

Salmos 100:5

Cha'aye Ñim Nataxala' ỹataqta soxoraic, da lta'araic lauotaxanaqtaic chochaq tatec, qataq chochaq tatec da saishet da nquic da lataxac.

Apocalipsis 20:11

Qaq can ime de'era, nache sela'a aso late'erai so'onaxaqui lapagaxai qataq som nso'ootangui asomaye. Huaña, nache ana 'alhua qataq na piguem ỹataqta nlagaxatapec, nache qaica ca ishet da qaltaq ila'a.

Salmos 31:5

Qaq nagui 'am sanem da 'aulo'ogue dam saqcha'a ica'alaxa, ñaq aỹem 'anca'alaxatec, 'Am Nataxala', 'Am Atamnaxala' maye 'am 'eesa.

Salmos 10:16

Ñim Nataxala' choche tatec da lo'onataxanaxac da Nta'a, qaq na ỹotta'a't shiỹaxauapi qalaq imeuo qanqa'en ana 'alhua.

Salmos 18:7

Qaq huaña nache daỹapec qataq cholaxan ana 'alhua, qataq daỹa'ape naua na'attaleguete ana qasoxonaxapi, ỹataqta cholaxa'n souaxat da lalemataic Ñimaye.

1 Juan 5:20

Nataqa'en saỹatenaq da So Llalec Ñim Lo'onatac 'Enauacna, Somaye anac da qomi' ỹanema da qaraỹaanec da yaqto' sauattonaqta Ñim Lo'onatac 'Enauacna maye 'eesa. Qataq ña'araqtaua'a som Llalec Jesucristo; Somaye nacheso som ỹataqta 'eesa Lo'onatac 'Enauacna maye chegoqo'ot da nca'alaxa chochaq tatec.

Hebreos 10:31

Qaq ¡ỹoqta da ỹataqta ỹactec da lchecỹaxac ca lhuaxanaxanaxac maye ỹan Ñim Lo'onatac 'Enauacna maye nache 'eetai' da nca'altauec!

1 Timoteo 1:17

Ỹoqo'oye nagui sanaxam da qayo'oxonnataxanaxa qataq da qaryacnataxanaxac Ñim Lta'a 'enauac nam shiỹaxauapi maye choche tatec, Ñim qaica ca loga't qataq saishet da qaila'a. Ñimaye nacheñi Ñim Lo'onatac 'Enauacna maye qaica ca lỹa 'ena'am, qataq ỹaanaxanaxaic. Aja', nache 'eetec de'era.

1 Ts 1:9

Cha'aye 'enauac qana'aqtaxaatapigui dam ỹaỹamaqchiguiñi qarataxaqui co'ollaq qomi' qauacoñiigueta, qataq qana'aqtaxaatapiguilo qami' da 'eetec co'ollaq qaỹa'axañiiñi da qavio'oxoyiñiitac na ne'enaqtacpi maye qanatameetacotpi, nache qauo'onataxañiỹot Ñim Lo'onatac 'Enauacna maye nca'altauec qataq 'eesa.

Hechos 14:15

–¡Qami' ỹalleppi! ¿Ta'ainco' ye nache qoñiitec de'era? Qomi' nache qami' shenaqta'ama, choche qomi' shiỹaxau'. Qalaxaye nachera da huo'omshe ñanaguenaq da qami' shenaqapegalo da qaỹa'axañiiuec na chochena qaica ca naigui, nache qoquiigue Ñim Lo'onatac 'Enauacna maye nca'altauec, qataq lo'onatac na piguem, 'alhua, auaxai qataq 'enauac na huetalecna.

Malaquías 3:2

Qalaxaye ¿negue't ca ishet da nala'aguet que'eca na'a'q maye lviraxaqui? Qataq ¿negue'tom cam ishet da nachaata'aguet? Cha'aye qom nvi', nache 'eeta'am ca norec, da yaqto' qomi' iqui'itaxa't, qataq 'eeta'am qome ca nỹoxonaxat da iỹouec nam qarshepaxanaxa.

Habacuc 3:6

Qaq da vi'iiguet nache ỹataqta cholaxan ana 'alhua, qaq da demeenaxan, nache ỹataqta ñi'i na ỹotta'a't shiỹaxauapi. Qataq hua'axañi ana togoshaapec qasoxonaxapi, qataq dacagueñi ana togoshaapec lcomaraxalatepi, qalaxaye nam llecpi Ñim Lo'onatac 'Enauacna namayepi chochaq tatec.

Miqueas 1:4

Qaq ana qasoxonaxapi quiguiñi qome souaxat da pelec Ñimaye, 'eeta'am ana dapic lapa da qaỹasaxangui ca norec nache quiguiñi. Qaq nam ca'amapega't 'alhuapi qalaq colaxagui qome, 'eeta'am na 'alhua da ichec ca ỹataqta chaxaguet la'auaxac na 'etaxat.

Salmos 146:6

Ñim ỹo'ot co'ollaxa na piguem, 'alhua, qataq aso auaxai, qataq 'enauac nam huetalec namayepi. Ñimaye saishet da nquigaxa't naua la'aqtaqa.

Salmos 145:13

Cha'aye de'era 'aro'onataxanaxac chochaq tatec, qataq imattrec naua vi'iye de'era 'aramaxasoxonaxac.

Salmos 114:7

'Am 'alhua ñaq 'am cholaxan da qoueto'ot Ñim Nataxala', ñaq 'am cholaxan da qoueto'ot Ñim Natamnaxala' so Jacob.

Salmos 104:32

Qaq Ñimaye da ỹamatalec ana 'alhua nache anamaye cholaxan, qataq da ipoteua'a ana qasoxonaxapi nache nchisheguem naqa'en.

Salmos 97:4

Na lqashelgaxa Ñimaye qalaq icoỹarelec ana 'alhua, nache ana 'alhua co'ollaq ila'a nache cholaxan.

Salmos 93:2

Qaq añi 'anso'onaxaqui 'Am Nataxala' ỹataqta sa deraỹai' chegoqta'a co'ollaq cheta'ague da huo'o 'enauacna. ¡Qaq 'Am, nache 'eetai' da 'am huo'o!

Salmos 90:11

Qaq ¿negue'tom ca ỹauatton da la'añaxac da 'aralemataic? Qataq ¿negue't ca ỹauatton da 'arayeloxo maye ỹo'ot da qarcolanaxa?

Salmos 84:2

Ỹataqta huo'o da iyaxa qataq da ña'añaxataxac, da sauotaique da soota'a ye nqasoxoc añi atamnaxaqui maye 'aralamaqte. Qataq imauec da iquiyaqteỹaxac da so'onaxaato'ot, Ñim Lo'onatac 'Enauacna maye chegoqo'ot da nca'alaxa.

Salmos 77:18

Nache qaỹa'axaỹa na lalataxa Ñimaye, chemaqtapoigui ana daua'ache, nache ana 'alhua yo'oqchiguiñi souaxat na lqashelgaxa, nache ana 'alhua deraỹapec souaxat na nacholaxanaxa.

Da na'aqtaguec so Job 9:6

Ñimaye ishet da ca'ai naqa'en ca na'attaña ana 'alhua, qataq ishet da cholaxan naqa'en ca ỹa'añaxattañi anamaye.

2 Crónicas 15:3

Qaq na Israel le'ecpi, mashe qaỹoqteguelo soua vi'iye da saishet da natamnot Ñim ỹoqta 'eesa Atamnaxala', qataq ca ntaxaỹaxanaxanec da ỹapaxaguen namayepi, qataq ca ỹapaxaguenec na nqataxacpi.

1 Reyes 18:39

Qaq co'ollaq ỹauaachigui de'era so shiỹaxauapi, nache ỹataqta ỹa'alyiñi naua l-llecte, qataq iviraxata'aguet naqa'en naua lata'pi na 'alhua, nache 'enapeco': «¡Ñim Nataxala', nacheñi Ñim Atamnaxala', Ñim Nataxala', nacheñi Ñim Atamnaxala'!»

1 Samuel 17:36

Qaq na'aictaxa da llon huo'otaq oso, qalaq ne'ena 'aramaxashec ishet da ỹalauat. Qaq nagui nache 'eeta'am ñaqa'en de'era filisteotto maye ỹaqa'a da la'amqaanataxanaxac, cha'aye ¿ta'ainco' da isheueetac na nalleppi Ñim Lo'onatac 'Enauacna maye nca'altauec?

1 Samuel 17:26

Nache so David inattaco' som hueta'a yemaye, 'eeta': ¿Chaq negue't ca qoỹanem ca shiỹaxaua maye ishet da ỹalauat de'era filisteo, qataq da ỹapalaxat da nsheunaguec na Israel le'ecpi? Cha'aye, ¿negue't dam da' filisteotto maye ỹaqa'a da la'amqaanataxanaxac da anac da yaqto' isheuen na nalleppi Ñim Lo'onatac 'Enauacna maye nca'altauec?

Jueces 5:4

'Am Nataxala', co'ollaq qoca'ai añi qasoxonaxa ye Seír, qataq co'ollaq qojec, 'auachegoqchiguiña ye na'alhuapi ye edomiitapi, nache cholaxan ana 'alhua, qataq nỹen na piguem, na lo'ocpi qalaq naañi naqa'en na auot.

Deuteronómio 5:26

cha'aye, ¿negue'to' ca choche shiỹaxauatto da hua'aqchigui da lavilỹaxac Ñim Nataxala', chemaqtapoigui ca norec, qaq nache 'eetai' da nca'altauec da 'eeta'ama qomi'?

1 Timoteo 6:17

Qaq cam hueto'ot da yo'oqchigui nsallaxa, qonapega da saishet da na'amaqten, qataq saishet da pe'etega da lsallaxa, cha'aye saq qalaq da deqat 'enauac nam hueto'ot. Nachaqrata da qonapega da ỹauo'o da naquitaxac Ñim Lo'onatac 'Enauacna, cha'aye Ñimaye ỹataqta soxoraic, qataq ishet da qomi' ỹanema ca seuenaqtac, da yaqto' ishet da ñetonaqtapigui'.

Juan 17:3

Qaq de'era achaalataxac maye chochaq tatec, damaye nachera da naigui da 'am qaỹauatton, 'am maye 'Aro'onatac 'Enauacna, maye nache'amta qataq 'am 'eesa, qataq nam 'Arca'aguishec maye 'anamaxa ana 'alhua co'ollaxa.

Mateo 26:63

Qalaxaye So Jesús saishet da ỹasat, nache so lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna, 'enapega So Jesús, 'eeta': –'Am serolec da le'enaxat Ñim Lo'onatac 'Enauacna maye nca'altauec, da ñaq 'anasaxauec ca 'eesa. 'Aua'axat da nache 'am maye 'am Lca'aguishec Ñim Lo'onatac 'Enauacna qataq 'am Llalec Ñimaye.

Mateo 16:16

Nache so Simón Pedro 'enapeco': –Qomye nache 'am maye 'am Lca'aguishec qataq 'am Llalec Ñim Lo'onatac 'Enauacna maye nca'altauec, qaltaq chegoqo'ot da nca'alaxa.

Habacuc 3:10

Qaq ana qasoxonaxapi, qalaq cholaxan da 'am ila'a, qaq na piguem qalaq namaq na ỹataqta lta'araic auot, qaq aso qaỹoqchiguingui auaxai qalaq ỹataqta dauaxan, souaxat da ỹataqta qaỹoqotcheguemegue ana lapaxa.

Joel 2:11

Qaq Ñim Nataxala' nache hua'auta'ague da taỹa'ague nam nalleppi, da lavilỹaxac Ñimaye ỹataqta dellimigui da ỹa'axaỹaqchet na shiỹaxauapi. Qataq na nalleppi Ñimaye ỹataqta qalota, qataq ỹataqta 'añaxaicpi nam ỹo'ottac nam lamaxasoxonaxacpi Ñimaye. ¡Qaq cha'aye ỹataqta lta'araic qataq chaqaic nam na'a'q maye lviraxaqui Ñim Nataxala'! ¿Qaq negue'tom ca ishet da nala'aguet da dataỹa'aguet?

Daniel 7:14

Nache somaye qoỹanem da la'añaxac, llo'oxoyec, qataq da no'onataxanaxac, nache na ỹotta'a't shiỹaxauapi, qataq nam ỹotta'a't naua la'aqtaqa do'onataxanot somaye. Qaq dam la'añaxac somaye qalaq nache 'eetai' qome, qataq dam lo'onataxanaxac saishet qome da nlaguiñi.

Daniel 6:26

qataq samaxasoxoolec da 'enauac ne'ena selotague' 'alhua, da huo'o naq 'enec qanqa'en, qataq qaỹalaxaguet Ñim Natamnaxala' ñi Daniel. Cha'aye Ñimaye, nacheñi Ñim Lo'onatac 'Enauacna maye nca'altauec, qataq nache 'eetai' da sa imeuo. Da lo'onataxanaxac saishet qome da nlaguiñi, qataq da la'añaxac qaica ca loga't.

Daniel 4:34

Qaq co'ollaq ipacchigui som qalapaxañi da ñeuaxanaguec, nache aỹem Nabucodonosor samato'ot na piguem, nache ñanomteguet da aỹem qanataren nache qaica so aỹoic, qaq huaña nache sanot da ña'achecỹaxac Ñim Lo'onatac 'Enauacna maye Nataỹaña 'Enauacna nache sho'oxoren Ñim nache 'eetai' da nca'altauec, sheeta': «Da 'ara'añaxac qalaq chochaq tatec qome, da 'aro'onataxanaxac qalaq qaica ca loga't.

Daniel 4:3

¡Qaq ỹataqta lta'araicpi nam saqaỹauanapegapi qataq nam huo'o da llo'oxoyecpi maye ỹo'ot Ñimaye! Qaq da lo'onataxanaxac Ñimaye chochaq tatec qome, qataq da la'añaxac qaica qome ca loga't.

Jeremías 23:36

Qalaxaye saishet qome da ỹe'eguelaxaalec da do'ogoxona dam na'aqtac maye, 'eeta': ‹lamaxasoxonaxac Ñim Nataxala'› cha'aye da huo'o ca do'ogoxona da nasaxauec de'era na'aqtac, nache so'otec da naua la'aqtaqa camaye maiche que'emaxama. Qami' qana'axache' naua ỹoqta naiguilo naua la'aqtaqa Ñim Lo'onatac 'Enauacna maye Nca'altauec, Ñim Qanatamnaxala'ai, Ñim Nataxala' maye Qaica ca Ỹaqalanapec.

Isaías 37:17

Ñaq 'ana'axaỹaxaachiguiñi 'Am Nataxala', qataq ñaq aỹem 'ana'axaỹaxana. Ñaq aỹem 'aulochigui 'Am Nataxala'. Ñaq 'ana'axaỹaxanalo naua aỹem namaxalo la'aqtaqa ca Senaquirib, ne'enaua na'aqtaqa ỹataqta 'am isheueetac, 'Am Atamnaxala' maye 'anca'altauec.

Isaías 37:4

Qaq 'onaxaictoxo' da Ñim nataxala' maye 'anatamnaxala', da hua'aqchiguilo naua la'aqtaqa som lataxala' na alleppi maye lamaxashec ñim nta'a ye Asiria, cha'aye anac da isheueetac Ñim Lo'onatac 'Enauacna maye nca'altauec, qataq 'onaxaictoxo' da ỹauo'o ca nhuaxanaguec souaxat nam qauem la'aqtacpi, maye yo'oqta da hua'aqchigui Ñim 'Anatamnaxala'. Ñaq 'auo'ot taxa ca 'anatanmaxac da 'auỹaxaalec nam no'onañi nhuo' le'ecpi maye ña nca'altauecpi.»

Salmos 68:11

Ñim Nataxala' ỹan da la'aqtac, nache qalota na 'alpi na jec da ỹa'axatec de'era la'aqtac, 'eeta':

Génesis 21:33

Qaq huaña ye Berseba, nache so Abraham ỹaañi aso qo'oipaq le'enaxat tamarisco, qaq nache huaña da iỹaxaatega da le'enaxat Ñim Nataxala', Ñim Lo'onatac 'Enauacna maye chochaq tatec.

1 Reyes 8:60

yaqto' 'enauac na ỹotta'a't shiỹaxauapi ana 'alhua, ỹauattoota da Ñim Nataxala', nacheñi Ñim Lo'onatac 'Enauacna, qataq qaica ca lỹa.

Salmos 29:10

Ñim Nataxala' nacheñi ñi ilotague' na auot, Ñim Nataxala' nache 'eetai' da chochaq tatec da lo'onataxanaxac.

Salmos 68:8

nache na 'alhua cholaxan qataq na piguem anacot na auot. Nache Ñim Lo'onatac 'Enauacna ỹataqta cholaxan naqa'en añi qasoxonaxa Sinaí, Ñim Natamnaxala' na Israel le'ecpi.

Salmos 90:2

Co'ollaq saxanaxa da huo'o ana qasoxonaxapi, qataq saxanaxa da yo'oq ana 'alhua qataq 'enauac na huetalec, chegoqchiguiña co'ollaq la'atchiguiñi 'enauacna, qataq ivitta'a ca pa'atec na'a'q, da nache 'amta da 'Am Atamnaxala'.

Isaías 40:15

Ñimaye da ilotalec na ỹotta'a't shiỹaxauapi qalaq 'eeta'am naqa'en aca 'oonole llo'oxo na 'etaxat, qataq 'eeta'am catai' lsocholec na 'alhua da huetangui aca naloqnaxanaxaqui, qataq nam ỹotta'a't shiỹaxauapi maye netalec nam ỹaqauga 'alhuapiolec aso auaxai qalaq 'eeta'am naqa'en ca 'alhua lsoche.

Isaías 65:16

Qaq camachaqca ca netalec ne'ena 'alhua, da iỹaxanaique ca nchoxonnataguec, qalaq iỹaxanot Ñim Lo'onatac 'Enauacna maye hueto'ot da 'eesa; qataq camachaqca ca netalec ne'ena 'alhua da ỹan ca la'aqtac qaq ỹanot Ñim Lo'onatac 'Enauacna maye ipacchigui ca la'aqtac. Qaq nam hua'au que'eenaxacpi qalaq qaicoua'ai qome nache saishet qome da qaltaq sela'a.

Jeremías 4:2

qaq da 'auachegoxotchigui da 'eesa qataq da nalochiguiñi lataxac qataq da no'on nataxac da 'aỹa'anot ca 'ara'aqtac Ñim Nataxala', nache da ỹe'enaxat, nachera da chegoqchigui qome da nchoxonnataguec qataq da llo'oxonnataxanaxac nam ỹotta'a't shiỹaxauapi.»

Jeremías 4:24

Qataq samato'ot ana qasoxonaxapi nache ỹataqta cholaxaatac, qataq 'enauac ana lcomaraxalatepi da ỹataqta iviloxoltac.

Jeremías 50:46

Qaq qom nlaguiñi ye Babilonia, nache ỹataqta lta'araic ca l-lamaxa, nache ỹacholaxan qome ana 'alhua, qaq da la'alaxac qalaq ivira'a qome na laỹepi ỹotta'a't shiỹaxauapi.»

Jeremías 51:29

Ana 'alhua qalaq dacholaxan qataq daquico, cha'aye Ñim Nataxala' mashe ipacchigui dam lapaxañi co'ollaxa da ỹe'eguelaxata ye Babilonia da 'eeta'am ca toolec 'alhua maye qaica ca ishet da nalec.

Josué 3:10

Maye 'eeta': «'Era da la'anaxat da Ñim Lo'onatac 'Enauacna maye nca'altauec ỹataqta qami' hueta'agueta, qaq nache de'era qa'aita'ague qauauañiichigui naqa'en da ỹo'orauec qome ye Canaán le'ecpi, hitiitapi, heveopi, ferezeopi, gergeseopi, amorreopi, qataq na Jebuseopi.

1 Crónicas 29:11

¡'Am Nataxala', maiche 'aralamaxat da na'amaqchec, da na'añaxac, da ño'oxoyec, da noxonaxanaxac qataq da qaica ca 'ena'am na'amaqchec! Cha'aye 'enauac na hueto'ot na piguem, qataq na huetalec ana 'alhua, maiche 'aralamaxat. Nataqa'en 'aralamaxat da lo'onataxanaxac na lta'alpi, qataq 'anataỹaña 'enauac namayepi.

Salmos 9:8

Ñimaye ỹaỹamaxatchiguiñi da 'eetec da nmit na shiỹaxauapi, qataq da ilo'ogue na ỹotta'a't nhuo' le'ecpi qalaq qaica ca iỹotauga.

Salmos 74:12

Qaq 'Am Atamnaxala', nache 'eetai' co'ollaxa soua hua'au' vi'iye da nache 'Am Ita'a. Qaq nache 'am da 'anda'a da lca'alaxa na huetalec ana 'alhua.

Salmos 76:8

Qaq chegoqtot na piguem da 'auachaxan da nalochiguiñi lataxac da huo'o ca 'anmit, nache ana 'alhua huo'o da lcolanaxa nache ỹataqta ỹe'emaqtom.

Salmos 100:3

Qauauattoñiita da Ñim Nataxala' nacheñi Ñim Lo'onatac 'Enauacna, Ñimaye qomi' lo'onataqa qataq qomi' lalamaqa'ate, qomi' maye nhuo' le'ecpi, qomi' lalamaxatpi Ñimaye, shenaqta'am aca lalo qaguetapi da hueta'a ca lquia'axanataxanaqa' Ñimaye.

Isaías 40:28

¿Peta'a sa qauaỹachiñi? qataq ¿peta'a saishet da qaua'aqaiỹapeguelec? Ñim Nataxala', Ñim Atamnaxala' maye chochaq tatec, Ñim ỹo'ot co'ollaxa 'enauac ana 'alhua, Ñimaye saishet da nqui'itec, qataq saishet da nasamñi qataq naua laỹaanataxanaxaco qaica ca ivi'.

Daniel 6:27

Ñimaye nacheñi ñi nca'alaxaqui qataq huesochiguiñi naqa'en ca shiỹaxaua, Ñim ỹo'ot na na'anecpi maye huo'o da llo'oxoyec, da huo'ot naqa'en na piguem qataq ana 'alhua. Ñimaye, nacheñi ñi nca'alaxateeguesop ñi Daniel, naua nna'ache na llonpi.»

Nahúm 1:5

Nache Ñimaye da choche nlectelec ana qasoxonaxapi nache cholaxan, qataq ana lcomaraxalatepi qalaq nlaguiñi. Qaq ana 'alhua qalaq cholaxan qataq na netalecpi anamaye iviloxol da lcolanaxa.