Jeremías 10:1 - La'aqtaqa Ñim Lo'onatac 'Enauacna 2013

¹ Ñaq qana'axaỹaxañiỹa qami' nhuo' Israel, dam la'aqtac Ñim Nataxala' maye qami' ỹanema.

Jeremías 10:1 Referans Kwoze

Apocalipsis 2:29

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi.›»

1 Ts 2:13

Qaq nachera da huo'omshe sanaqtacot da qana'achecỹaxac Ñim Lo'onatac 'Enauacna, cha'aye co'ollaq qana'axaỹaxañiỹa da la'aqtac Ñimaye maye qami' sa'aqtaxanaxama, nache qaua'amaqchiñi da ỹataqta 'eesa la'aqtac Ñim Lo'onatac 'Enauacna, qaq saishet qanqa'eñi da la'aqtac ca choche shiỹaxaua. Qaq damaye ỹataqta 'eesa la'aqtac Ñimaye ỹoqo'oye nam ỹa'amaqten damaye, nache ishet da naralaxat da nachaalataxac.

Amós 7:16

Qaq ỹoqo'oye nagui 'ana'axaỹaxana da la'aqtac Ñim Nataxala', cha'aye 'am qonapec: ‹Saishet da 'aua'axata'a ca qauem da talec na Israel le'ecpi, qataq da 'auataỹa'aguet na chegoxoguetpi so Isaac.›

Oseas 4:1

Qami' Israel le'ecpi, ña qana'axaỹañiỹa da la'aqtac Ñim Nataxala', cha'aye Ñimaye npa'aguene' nam netalecpi ne'ena 'alhua, cha'aye namayepi mashe qaica ca 'eesa, qataq qaica ca lchoxonnataxanaxa, qataq mashe saỹauatton Ñim Lo'onatac 'Enauacna.

Jeremías 42:15

qaq qami' maye qano'oñiỹalec na Judá, ña qana'axaỹaxañiỹa da la'aqtac Ñim Nataxala' maye Qaica ca Ỹaqalanapec, Ñim Natamnaxala' na Israel le'ecpi, 'eeta': ‹Qami' da qarhuennataqai da qonqo'oñiỹa da qoñiỹaña ye Egipto,

Jeremías 22:2

qom 'auatato'ot ñi nta'a ye Judá maye nso'ootangui añi nso'onaxaqui so David qataq nam 'amaqtaqaicpi ltauapi qataq shiỹaxauapi maye hueta'a ye huaqta'a't nỹecpi, nache qoneta': ‹Ña qana'axaỹaxañiỹa da la'aqtac Ñim Nataxala'.

Jeremías 2:4

Ñaq qana'axaỹaxañiỹa da la'aqtac Ñim Nataxala', qami' maye qauachegoqoiguet so Jacob, qataq 'enauac qami' nhuo' le'ecpi maye qauachegoqoiguet so Israel.

Isaías 28:14

Qaq qami' ỹalleppi maye qaica ca qaureñi, maye qauloitague' na nhuo' le'ecpi na Jerusalén, ña qana'axaỹaxañiỹa da la'aqtac Ñim Nataxala'.

Isaías 1:10

Qami' nataxala'pi ye Sodoma ña qana'axaỹaxañiỹa da la'aqtac Ñim Nataxala', qami' nhuo' le'ecpi maye qarmaye ye Gomorra ñaq qana'axaỹaxañiichigui da qami' ỹapaxagueneque Ñim Qanatamnaxala'.

Salmos 50:7

«Qami' ỹalamaxat nhuo' le'ecpi ñaq aỹem qana'axaỹaxañiỹa da setaqa, qami' Israel le'ecpi aỹem qami' sataỹa'agueta da qami' shenapegalo, Aỹem maye Atamnaxala' nachaỹem 'oonolec da aỹem Qanatamnaxala'ai.

1 Reyes 22:19

Nache so Micaía, qaltaq 'enapec: Qaq souaxat de'era 'ara'aqtac, nache nagui 'ana'axaỹaxana da la'aqtac Ñim Nataxala', 'eeta': Aỹem sauaachigui Ñim Nataxala' da nso'ootangui aso nso'onaxaqui, qaq so nalleppi Ñimaye nachattañi, huo'o so pa'ata'ague na aloic qataq na ne'emaq.

Jeremías 9:26

Ye Egipto, Judá, Edom, Amón qataq ye Moab, qataq 'enauac nam netalec ye toolec 'alhua maye npetec naua lqaic laỹel. Cha'aye 'enauac yi'iye nhuo' le'ecpi qataq nataqa'en 'enauac nam nhuo' Israel le'ecpi, da ỹataqta 'eesa da saq ỹataq na natamnot.

Jeremías 10:2

Ñim Nataxala', 'eeta': «Saishet qome da qoquiigue da lataxac na laỹepi ỹotta'a't shiỹaxauapi qataq saishet qome da qami' icolanaqche't nam na'anecpi na piguem da qoñiita'am da lataxac ne'ena ỹotta'a't shiỹaxauapi.

Isaías 40:18

Qaq ¿negue't ca ishet da qanaloqñeeguet Ñim Lo'onatac 'Enauacna? Qataq ¿negue't ca ne'enaqtac cam ishet da 'ena'am qanqa'eñi Ñimaye?

Isaías 44:6

Ñim Nataxala', maye Lta'a qataq lca'alaxaqui so Israel, Ñim Nataxala' maye Qaica ca Ỹaqalanapec, 'eeta': «Aỹem nachaỹem sa'auchiguiñi qataq sepa'atec, qaica ca lỹa atamnaxala'.