Jeremías 1:9 - La'aqtaqa Ñim Lo'onatac 'Enauacna 2013

⁹ Qaq huaña nache Ñim Nataxala' ỹauota'a na lhuaq da ipoteua'a na aỹap, nache aỹem 'enapega, 'eeta':

Jeremías 1:9 Referans Kwoze

Lucas 21:15

Cha'aye Aỹem qome qami' sanema caua qara'aqtaqalli' qataq ca qaraỹaañiqui, da yaqto' saishet da huo'o ca qami' dataỹa'agueta da qami' ncotaỹapegueto.

Lucas 12:12

Cha'aye qom ivita ca laloqo' da qautaqai, nache som Saqcha'a Na'añaxac Qui'itta qami' ỹapaxagueneque cam iuen da qanasaqaiuec.»

Isaías 51:16

Naua ỹa'aqtaqa qalaq sanaiguilo na 'ap, qataq 'am ỹapotalec ñaqa'en na lpaqal na ihuaq, Aỹem selagaxaañi co'ollaxa na piguem, qataq so'ot ana 'alhua, qataq shenapega ye Sión sheeta': ‹'Am maiche 'am ỹalamaxat.›»

Isaías 50:4

Ñim Nataxala' aỹem ỹanema naua na'aqtaqa ỹaanaxanaxaiqa, da yaqto' saỹaten da sa'añaqchet cam nasamtañi. Ye nte'eta qalaq aỹem nquetoxon da yaqto' saconegueta naua lapaxaguenataxanaxaco sheeta'am ca no'on napaxaguenatac.

Mateo 10:19

Qom ivita da qami' qoỹaneua'alo ne'ena nta'alpi, nache saishet da leetapigui ye qarvilli souaxat da sa qauaỹachiñi cam 'eetec cam qartaxaỹaxaqui, cha'aye Ñim Lo'onatac 'Enauacna qami' ỹanema cam qartaxaỹaxaqui.

Jeremías 5:14

Qaq ỹoqo'oye da la'aqtac Ñim Nataxala', Ñim Lo'onatac 'Enauacna maye Qaica ca Ỹaqalanapec, 'eeta': «Qaq cha'aye nam nhuo' le'ecpi nasaxauec de'era, nache Aỹem sanaigui qome na 'ap naua ỹa'aqtaqa qaq naua ỹa'aqtaqa 'eeta'ama qome ca norec, qaq ne'ena nhuo' le'ecpi qalaq 'eeta'am qome ca 'epaq maye nalonaxanaxat, qaq nache ỹavigaxatta qome namayepi ca norec.»

Ezequiel 3:10

Qaq ime, nache qaltaq aỹem 'enapega, 'eeta': «'Ana'axaỹaxaachigui 'enauac nam 'am sa'axatem, ime nache 'aỹa'anaigui ye 'antoonaxac.

Isaías 49:2

Nache ỹo'ot da naua ỹa'aqtaqa 'eeta'ama ca ỹeelonec ỹaxaraic, qataq aỹem ỹapolec na lhuaq, nache sheeta'am naqa'en aca checna ỹaxarai qataq aỹem ỹoxotoigui so lchecna laỹe'.

Marcos 7:33

Nache So Jesús iỹotauga somaye, ca'ai naqa'en so shiỹaxauapi, nache ỹa'aroiguilo naua ltela lauaco somaye, ime, nache nqaigoxoleguete naua llaxaata, nache ỹasheleua'a ñi lachaxat somaye.

Números 23:5

Nache Ñim Nataxala' ỹanem so Balaam da la'aqtac, nache 'eeta': 'avi'eguelaxa qome ye hueta'a da Balac, nache 'aua'aqtaxanem dam 'am sanem ỹa'aqtaxanaxac.

Deuteronómio 18:18

Qaq Aỹem, sachegoxottoigui qome namayepi ca ỹa'aqtaxanaxanec maye 'am 'eeta'am, qaq camaye nache ỹa'axat qome ca samaxalec ỹa'aqtac da da'aqtaxanem namayepi.

Jeremías 36:2

«'Auacona qome aca nere, nache 'erelec 'enauac nam 'am sa'aqtaxaateguem co'ollaxa da talec qome na Israel qataq na Judá qataq na laỹepi ỹotta'at shiỹaxauapi, chegoqta'a co'ollaq 'am setaqtague' huetoigui som na'a'q co'ollaq nta'a so Josías, nache ivitta'a nagui.

Daniel 10:10

Qalaxaye saqaỹaloq da huo'o so nhuaq da aỹem ỹacoosop, nache aỹem nauaxaỹaxaasheguem, nache iviraxata'a da ishet da sashelñi qataq sa'alyiñi naua illecte.

Daniel 10:16

Qalaxaye se'eso aỹem nachatto'ot maye 'eeta'am ca shiỹaxaua, ipoteua'a na aỹap qaq ỹoqo'oye seshet da setaqa, nache shenapega somaye sheeta': «'Am Nataxala', de'era ỹauanaqchec ỹataqta aỹem nlaxagui naqa'en da ỹaquicoxo, qataq ỹo'ot da qaica ca ỹa'añaxac.

Deuteronómio 18:16

Cha'aye de'era maiche qauỹaxañiỹaique co'ollaq qauỹaxañiỹot Ñim Nataxala' maye Qanatamnaxala'ai, co'ollaq huaña añi qasoxonaxa Horeb, se'eso na'a'q co'ollaq 'enauac qalaỹoñiita'a't, nache qoñiita': «Saishet qome da qaltaq she'eguelaxasoxolec da sa'axasoqchigui da lavilỹaxac Ñim Nataxala' maye Qanatamnaxala', huo'otaq da seloxogui ca norec lta'araic, yaqto' saishet da seleuaq.»

Deuteronómio 18:17

Nache Ñim Nataxala' aỹem 'enapega, 'eeta': «Ỹaỹamaqchiguiñi da la'aqtac namayepi.

Isaías 59:21

Ñim Nataxala', 'eeta': «Aỹem so'ot da ñaỹamaxataxac da qami' ñaỹamaxatto, da ỹa'añaxac qataq nam ỹapaxaguenataxanaxacpi maye qami' sanema, qami' sachaxanapeguema da saishet qome da qami' ca'aisalo, qataq cam qami' chegoxogueta, nache damaye qome qaica ca loga't.»

Jeremías 15:19

Qaq huaña nache Ñim Nataxala' aỹem ỹasateguet, 'eeta': «Da Aỹem 'añe'eguelaxa, nache qaltaq 'am saconeguet, nache ishet da Aỹem 'auo'onataxanot. Da 'avita'aguet nam saq 'en ntaxaỹaxacpi, nache ndotec da 'aua'axat nam ntaxaỹaxacpi maye no'on na naigui, qaq nache 'am qome da 'aua'axattac Aỹem. Qaq namayepi nachena nam iuen da 'am ỹe'eguelaxaguet qome, qaq saishet da nache 'am da 'avi'eguelaxaguet namayepi

Jeremías 34:6

Nache so na'aqtaxanaxanec Jeremías ipagaqchiichigui da da'aqtaxanem de'era so Sedequías co'ollaq huaña ye Jerusalén.