Jeremías 1:6 - La'aqtaqa Ñim Lo'onatac 'Enauacna 2013

⁶ Nache aỹem sasat, sheeta': «¡'Am Nataxala'! ¡Choxoraicolec aỹem ye ñaq aỹem nsoqolec, qataq sasaỹaten da itaxaỹaxac!»

Jeremías 1:6 Referans Kwoze

Éxodo 6:12

Qalaxaye so Moisés 'enapego' Ñim Nataxala', 'eeta': «Na Israel le'ecpi mashe saishet da aỹem ỹoqocha'a, qaq ¿hua'ago' ca 'eetec da aỹem ỹoqocha'a ñi faraón? Ye aỹem na'aprapeguec naua ỹa'aqtaqa».

Jeremías 32:17

«'Am nataxala' 'auota'a co'ollaxa da lta'araic 'ara'añaxac, da 'auo'ot na piguem qataq ana 'alhua. 'Am qaica ca 'auqalanapec.

Éxodo 6:30

Qalaxaye so Moisés 'enapeco': «'Am Nataxala', aỹem ỹataqta na'aptrapegue'c naxa naua ỹa'aqtaqa da setaqa, qaq ỹoqo'oye ¿hua'ago' ca 'eetec da aỹem ỹoqocha'a ñi faraón?»

Jeremías 14:13

Qaq aỹem sasateguet, sheeta': «'Am Nataxala', nam na'aqtaxanaxanecpi da'aqtaxaateguem na nhuo' le'ecpi da qaica qome ca alaataxac qataq ca nqouaxa, qataq da 'am 'aỹa'anem qome namayepi ca chochaq tatec nlagaxayec da hueta'a ne'ena 'alhua.»

Éxodo 4:1

Qalaxaye so Moisés 'enapeco': «Yemayepi qome saishet da aỹem ỹa'amaqten, qataq saishet da aỹem ỹoqocha'a. Nacherata da aỹem 'enapega qome, 'eeta': ‹Ñim Nataxala' yo'oqta da saishet da 'am nachaxana.›»

Jeremías 4:10

Qaq aỹem shenapec: «¡'Agai, 'Am Nataxala', ta'ainco' da 'auatenachet na shiỹaxauapi na Jerusalén! 'Am 'auachaxanapecot co'ollaxa namayepi da nlagaxayec, qaq nagui qalaq qaỹareeto'ot na lqosot na ỹeelonec.»

Isaías 6:5

Qaq huaña nache shenapec: «¡Choxoraicolec aỹem, yo'oqta da seleu nagui! Cha'aye ỹataqta sauaachigui Ñi Nta'a, Ñim Nataxala' maye Qaica ca Ỹaqalanapec, cha'aye aỹem ỹataqta aỹem 'etaxaloxoic, qataq salectaigui na nhuo' le'ecpi maye ỹataqta qauema naua la'aqtaqa.»

Ezequiel 4:14

Qaq huaña nache, sheeta': «'Agai, 'Am Nataxala' maye Ñatamnaxala', aỹem ỹataqta saỹauano' da sacootapigui ca nshepaxan, qataq saỹauano' da sachec ca lapat ca shiguiỹac leuaxaic, huo'otaq ca icolaxattac ca shiguiỹac maye dequi'iỹapec, qataq saỹauano' da she'eguen da sachec ca lapat nshepaxan.»

Zacarías 2:4

nache 'enapega som namaxashec maye aỹem nallegoqtot, 'eeta': «'Auachegaqañi da 'aucaalec se'eso nsoqolec, maye ỹachetac so naloqnaxanaxat da huo'o na qanaloqten, nache 'aua'aqtaxanem, qoneta': ‹Na Jerusalén qaltaq ỹe'eguelaxa qome da qanayenaña, qaq ỹataqta qalota qome na hueta'a shiỹaxauapi qataq na na'atetpi, nache ivitta'a qome da qaica ca lpaqtaxat.

Jeremías 34:6

Nache so na'aqtaxanaxanec Jeremías ipagaqchiichigui da da'aqtaxanem de'era so Sedequías co'ollaq huaña ye Jerusalén.