Jeremías 1:5 - La'aqtaqa Ñim Lo'onatac 'Enauacna 2013

⁵ «Co'ollaq saxanaxa da 'am sanem da 'arca'alaxa, nache Aỹem mashe 'am lleca'aguishec, qataq co'ollaq saxanaxa da 'auañiguiñi nache mashe 'am seỹotauga da yaqto' 'am ỹa'aqtaxanaxanec, da 'aua'aqtaxanem 'enauac nam ỹotta'a't shiỹaxauapi.»

Jeremías 1:5 Referans Kwoze

Salmos 139:16

Naua 'ara'ai'te ỹauaachiguilo da ỹo'ocỹaxac co'ollaq no'oxootac, qaq 'enauac de'era mashe nanettalec co'ollaxa aca 'ere. 'Am ivira'a da 'auaỹaten ca loga't da ñachaalataxac, na'aictoxo' da saxanaxa da huo'o ca yo'oq damaye.

Isaías 49:1

Ñaq aỹem qanaxa'axaỹaxaña qami' maye qoñiitalec ana ỹaqauga 'alhua aso auaxai, qataq aỹem qanaxaỹaxañiỹa qami' ỹotta'a't shiỹaxauapi maye qami' qaỹoqtalo. Ñim Nataxala' aỹem iỹaxana co'ollaq saxanaxa da aỹem ñiguiñi nasaxauec da ỹe'enaxat co'ollaq ñaq sootaigui na lauel aso ỹate'e.

Romanos 8:29

Cha'aye nam nale'ena co'ollaxa da ỹauattonpi Ñim Lo'onatac 'Enauacna, qaq nachena nam lca'aua'a co'olloxocheye Ñimaye, da yaqto' 'eeta'am naqa'en So Llalec, qataq yaqto' So Llalec nacheso so ñaxanec.

Isaías 49:5

Qaq aỹem saconeguet da ỹa'amaqchec chegoqo'ot Ñim Nataxala' maye Ñatamnaxala', cha'aye Ñimaye nacheñi ñi ỹa'añaxac. Ñim Nataxala' maye aỹem ỹo'ot co'ollaq ñaq sootaigui na lauel aso ỹate'e da yaqto' aỹem lamaxashec, qataq da yaqto' so'ot da na Israel le'ecpi maye chegoxoguet so Jacob ñe'eguelaq da yaqto' hueta'aguet Ñimaye,

Isaías 44:2

Aỹem nachaỹem Nataxala' maye 'am so'ot co'ollaxa, 'am so'ot co'ollaq saxanaxa da 'auañiguiñi, qataq 'am setauaatac. Saishet qome da 'añe'etac 'am Jesurún, maye 'auachegoxoguet so Jacob som ỹamaxashec qataq lleca'aguishec,

Lucas 1:41

Qaq aso Elisabet co'ollaq hua'axaỹa da nquinaxanaxac, nache so nogotolec maye huetaigui na lauel asomaye daỹapec da ntonaxac. Nache aso Elisabet nlaqchigui So Saqcha'a Na'añaxac Qui'itta,

Lucas 1:76

Qaq 'am ỹalcolec, 'am qoỹanagui qome da 'am: ‹La'aqtaxanaxanec Ñim Lo'onatac 'Enauacna maye 'amaqtaqaic.› 'Am 'aua'auta'ague qome da tata'ague cam Lca'aguishec Ñim Lo'onatac 'Enauacna, da 'auqataxanai' na shiỹaxauapi yaqto' lhuotta qom nvi' camaye.

Éxodo 33:17

Nache Ñim Lo'onatac 'Enauacna qaltaq, 'eeta': «De'era 'anasaxauec, damaye nataqa'en so'ot qome, cha'aye ỹoqta 'eesa da 'am ỹauotaxat qataq 'am ipe'et.»

Jeremías 1:10

«Aỹem sanaigui na 'ap naua ỹa'aqtaqa. Nagui 'am sanem da huo'o da qonec, da 'aulo'ogue na nta'alpi qataq na ỹotta'a't shiỹaxauapi, da yaqto' ishet da 'anqat qataq 'auamaxañi, qataq da 'anlaxaañi qataq 'aulaxachigui, qataq nataqa'en ishet da 'ano'oxoosheguem qataq 'aỹa'aañi.»

Éxodo 33:12

So Moisés 'enapega Ñim Nataxala', 'eeta': «'Am, maye aỹem 'auamaxalec co'ollaxa ne'ena nhuo' le'ecpi da saueca'aguet, qalaxaye saishet da aỹem 'aua'aqtaxanem da negue't ca aỹem itauan. Nataqa'en qonapec co'ollaxa da aỹem 'auauotec qataq aỹem 'arpe'et.

Lucas 1:15

Que'eca 'aỹa'alec camaye ỹataqta 'amaqtaqaic qome naqa'en Ñim Lo'onatac 'Enauacna. Camaye saishet da nỹomgui na lataxa, cha'aye So Saqcha'a Na'añaxac Qui'itta netaigui camaye qom saxanaxa da ñiguiñi.

Romanos 1:1

Qami' ñauochaxau' ỹaqaỹa't, maye qoñiitaña na Roma: Aỹem lo'onataxanaxanec So Jesucristo qataq aỹem lamaxashec, cha'aye Ñim Lo'onatac 'Enauacna aỹem lca'aguishec da yaqto' sa'axatec da no'on na'axaỹaxac maye iqataxaatai' da qaralamaxat.

Jeremías 50:34

Qalaxaye na lca'alaxaqui namayepi, namaye ỹataqta 'añaxaic, nam le'enaxat Nataxala' maye Qaica ca Ỹaqalanapec. Namaye pa'aiguet qome da ỹo'otec namayepi ca nalochiguiñi lataxac, qataq nda'a qome ca nlagaxayec ne'ena 'alhua, qaq cam lchec qalaq talec naqa'en na lma' ye Babilonia.»

Efesios 1:22

Nache Ñim Lo'onatac 'Enauacna ipataxalec da ilo'ogue naqa'en 'enauacna So Cristo, qataq ỹanem da nachaqsota 'oonolec lataxala' naqa'en 'enauac na 'amqaanataxanaxaicpi.

Juan 10:36

Qaq da huo'otaq Ñim Lo'onatac 'Enauacna Aỹem namaxa co'ollaxa ana 'alhua, qaq ¿ta'ainco' qami' ye qoñiitega da naua ỹa'aqtaqa sa iyacna'ape Ñimaye, souaxat da sheetega da Aỹem Llalec Ñimaye?

1 Corintios 8:3

Qalaxaye Ñim Lo'onatac 'Enauacna, ỹauattoota 'enauac nam ỹauotec Ñimaye.

Salmos 139:15

'Am 'aulotagui co'ollaxa da lañaxataxac da ỹo'ocỹaxac, co'ollaq ñañaxattac huaña ca saqcha'a, co'ollaq ñaq na'attega't da ỹo'ocỹaxac huaña ca qaỹoqchiguiña pa'aguiñi ana 'alhua.

Jeremías 1:4

Ñim Nataxala' aỹem da'aqtaxanem, 'eeta':

Jeremías 25:13

Aỹem so'ot qome da talec yi'iye na'alhua 'enauac nam sa'axatta'a co'ollaxa, qataq nanettalec ana'ana nere: 'Enauac nam ỹa'axattac co'ollaxa so Jeremías maye ỹachegoxotchigui da ỹe'enaxat da dataỹa'aguet 'enauac na ỹotta'a't shiỹaxauapi.

Jeremías 36:2

«'Auacona qome aca nere, nache 'erelec 'enauac nam 'am sa'aqtaxaateguem co'ollaxa da talec qome na Israel qataq na Judá qataq na laỹepi ỹotta'at shiỹaxauapi, chegoqta'a co'ollaq 'am setaqtague' huetoigui som na'a'q co'ollaq nta'a so Josías, nache ivitta'a nagui.

Jeremías 20:15

¡Ỹataqta qauem cam ỹa'axatem co'ollaxa so ita'a da somaye nañiguiñi so llalec ỹale!