Jeremías 1:18 - La'aqtaqa Ñim Lo'onatac 'Enauacna 2013

¹⁸ Aỹem, 'am sanem nagui da qoneta'am ca huaqta'a't nỹecpi, maye qaỹapotaua'a qoneta'am aca nhuoqte maye lcat, qataq qoneta'am ca mpaqtaxanaxat maye lo'oxonaxat na bronce, da yaqto' 'auataỹa'aguet 'enauac na hueta'a ye 'alhua Judá. Nam nta'alpi, nataxala'pi, ntaxaỹaxanaxanecpi qataq 'enauac nam nhuo' le'ecpi maye hueta'a yemaye.

Jeremías 1:18 Referans Kwoze

Isaías 50:7

Qaq Ñim Nataxala' nacheñi ñim aỹem itauaatac, qaq ỹoqo'oye saishet da aỹem ique'emaqchet na nsheunaxanaxacpi, qataq saishet da huo'o ca aỹem iraxanapigui' sheeta'am ca coma', qataq saỹaten da saishet da aỹem nlaxagui da ỹa'aloxo.

Jeremías 15:20

Aỹem so'ot qome da qoneta'am ca mpaqtaxanaxat bronce maye huo'o da lqalaic da qanlaxaañi da 'aualectaigui ne'ena nhuo' le'ecpi. 'Am qailoquiaxan qome qalaq saishet da 'am noxonec, cha'aye Aỹem 'am soota'aguet qome da 'am ñepaxattalec qataq 'am ñeca'alaxatec. Qaq 'era da ỹa'aqtac, Aỹem Nataxala'.

Jeremías 6:27

Ñim Nataxala' aỹem 'enapega, 'eeta': «'Am sepataxalec da 'avi'iguen na ỹalamaxat nhuo' le'ecpi. Qataq 'aumeteeta da yaqto' 'auaỹateeta cam lataxac namayepi.»

Jeremías 37:7

Da la'aqtac Ñim Nataxala' maye Natamnaxala' na Israel le'ecpi, 'eeta': «Qaua'aqtaxañim qome ca nta'a ye Judá maye Aỹem namaxasoxona da aỹem inat, da so nallecpi ñi faraón, maye anacta co'ollaxa da yaqto' itauan na Judá, somayepi mashe ỹe'eguelaxa ye Egipto.

Jeremías 38:2

«Ñim Nataxala', 'enapec: Cam no'onaña na huaqta'a't nỹecpi nache camaye ileuaigui qome ca alaataxac, huo'otaq ca nqouaxa, huo'otaq ca napiina. Qalaxaye cam ca'ai namaye, qataq nañaneguet na caldeopi, nache camaye nca'alec.

Jeremías 42:22

Qaq ỹoqo'oye no'on da qauaỹaañita, da chegoqchigui qome ca alaataxac, nqouaxa qataq ca napiina, da qaullivi qom huaña yem 'alhua maye huotaique da qanqo'oñiỹa da qoñiỹalec.»

Jeremías 34:3

Qaq 'am saishet qome da 'auañoxot da 'ananeltaxaneguet da la'añaxac ñimaye, 'am noxonec qome, nache 'am qoỹaneua'a ñimaye, qaq qom ime da 'am qoỹaneua'a ñimaye, nache 'am qaỹaueegue qome da Babilonia.

Jeremías 21:4

da Ñim Nataxala' maye Natamnaxala' na israel le'ecpi, 'enapec: ‹Aỹem so'ot qome da qoshe na 'analleppi maye deloctague' ñi nta'a ye Babilonia qataq nam caldeopi maye pa'ataueegue da laỹe na mpaqtaxanaxat da qami' coleesopa. Qataq so'ot na 'analleppi da ỹe'eguenoigui qome na huaqta'a't nỹecpi.

Juan 1:42

Ime, nache so Andrés ỹauec so Simón da ỹauega ca netaña So Jesús. Qaq So Jesús co'ollaq ila'aguet somaye, nache 'enapega, 'eeta': –'Am Simón maye 'am llalec so Jonás, 'am qaỹamata'ac da 'are'enaxat Cefas. (De'era ne'enaxat naigui da Pedro, nataqa'en naigui da Coma'.)

Jeremías 38:18

Qalaxaye da saishet da 'anañanot namayepi, nache na caldeopi loxonec qome ne'ena huaqta'a't nỹecpi, nache ỹavigaxat qome, qaq 'am qalaq sa 'aushet qome da 'ananeltaxan.

Apocalipsis 3:12

Qaq cam saishet da iqallem na lqalaiguesat, qataq saishet da ỹaxanec da lpi'iỹaxac Aỹem, nache Aỹem sami' ca ndaqa' maye ỹataqta ỹo'oxoraq añi lo'onaxanaxaqui Ñim Lo'onatac 'Enauacna, qataq saishet da ca'ai añimaye. Qaq camayepi serelec da le'enaxat Ñim Ita'a maye Lo'onatac 'Enauacna qataq ca le'enaxat ye nỹecpi maye neta'ague da piguem. Qaq yemaye nacheye yem dalaxaic Jerusalén maye anacta. Nataqa'en serelec camayepi ca dalaxaic ỹe'enaxat.

Jeremías 1:17

Qaq 'am, 'anaỹamaxat qome. Nache qojec da 'aua'aqtaxanem namayepi 'enauac nam 'am samaxalec. Qaq saishet da 'aye'etega qome namayepi, cha'aye da 'añi'i, nache so'ot da 'aviloxol qom 'auataỹa'aguet namayepi.

Jeremías 1:19

Namayepi 'am delogui' qome, qalaxaye saishet qome da 'am loxonec, cha'aye aỹem 'am soota'aguet qome da yaqto' 'am ñepaxattalec. Qaq 'era da ỹa'aqtac Aỹem Nataxala'.»

Jeremías 15:10

¡Choxoraicolec aỹem, 'am ỹate'e maye aỹem 'auco'oic co'ollaxa da yaqto' ñecotatague' qataq seloctague' 'enauac na shiỹaxauapi ana 'alhua! Qaica co'ollaxa ca sa'aalaxanaxanec aca aỹom qataq qaica ca aỹem ỹa'aalaxanaxanec aca alom, qalaxaye 'enauac na shiỹaxauapi aỹem ỹasaxalec da qauem.

Jeremías 26:24

Qaq so Ahicam, som llalec so Safán, detaqa co'ollaxa da npaxaalec so Jeremías, nache somaye ỹo'ot da saishet da qoỹaneguet somaye so nhuo' le'ecpi da ỹalauat.

Jeremías 20:11

Qalaxaye 'am Nataxala', aỹem qoueta'aguet qoneta'am ca alaataxaic maye saqanauec, nam aỹem icaatacpi qalaq huañi qome, nache saishet da aỹem loxonec, namayepi saipac qome cam 'eetapeguec, nache huo'o da la'aloxo, nache chochaq tatec qome da ne'enaguec qataq saishet da qaicoua'ai.