Jeremías 1:17 - La'aqtaqa Ñim Lo'onatac 'Enauacna 2013

¹⁷ Qaq 'am, 'anaỹamaxat qome. Nache qojec da 'aua'aqtaxanem namayepi 'enauac nam 'am samaxalec. Qaq saishet da 'aye'etega qome namayepi, cha'aye da 'añi'i, nache so'ot da 'aviloxol qom 'auataỹa'aguet namayepi.

Jeremías 1:17 Referans Kwoze

1 Reyes 18:46

Qalaxaye Ñim Nataxala', ỹanem da la'añaxac so Elías, ỹoqo'oye co'ollaq ime da ỹa'añaxatchiyiñi soua alogo, nache ỹataqta naloxo da taỹa ye Jezrel, nache hua'auñi da ivireuo co'ollaq saxanaxa da ivireuo so Ajab.

1 Pedro 1:13

Qaq ỹoqo'oye iuen da ỹataqta qanloitec qataq qauennataxañiitelec ca qauo'oche, yaqto' nache 'eetai' da qauo'ocheetac ca ỹaỹamaqchiguiñi. Qataq ỹataqta imauec da qaua'amaqchiñi Ñim Lo'onatac 'Enauacna da qami' ỹo'oteque ca ỹaỹamaqchiguiñi qom ñe'eguelaq So Jesucristo.

Lucas 12:35

Qami' iuen da nache 'eetai' da qami' lhuotte'. Iuen da qoñiita'am ca namaxashecpi maye ca na'aco' nqo'ona ca naronaxac. Camayepi nache 'eetai' da nlotauec qataq 'ettaigui aca lcoỹaraxanaxaqui, iuattaique cam na'aco' da deỹaxan da netaigui ca lasom, nache sa naỹaloxon da ỹauateguet.

Jeremías 23:28

¡Ca na'aqtaxanaxanec da huo'o ca lchoxonaxac, qalaq iuen da ỹa'axatta da choche lchoxonaxac, qalaxaye da ỹaconegueta naua ỹa'aqtaqa qalaq iuen da ipagaqchiichiguilo da ỹa'axa't! Cha'aye, ca 'auaqpi saishet da qanaloqnet ca trigo.

Éxodo 7:2

Nache 'am 'aua'axatem so Aarón 'enauac nam 'am samaxalec. Ime, nache somaye 'enapega ñi faraón, da ỹasheeta da ca'ai naqa'en ne'ena 'alhua na Israel le'ecpi.

Da na'aqtaguec so Job 38:3

Qaq nagui ña 'anaỹamaxat da aỹem 'auataỹot, cha'aye Aỹem, 'am senat qataq 'auasategueta qome naua inataxanaxaco maye, 'eeta':

Hechos 20:27

Cha'aye aỹem ỹataqta sa'axatta 'enauac nam 'eetapeguecpi Ñim Lo'onatac 'Enauacna, qaica ca soxottapiguiñi.

Hechos 20:20

Qalaxaye aỹem saishet da saxaañi da qami' sa'axattapeguema 'enauac nam ishet da qami' ỹo'oteque ca ỹaỹamaqchiguiñi, qataq da qami' sapaxagueeta'ape da huo'o na naponaxac qataq da huañalo naua qarma'achilli'.

Éxodo 3:12

Nache Ñim Lo'onatac 'Enauacna, 'enapeco': «Aỹem 'am soota'aguet qome. Qaq 'era qome da la'anaxat da ỹoqta 'eesa da 'am samaq, 'eeta': ‹qom ivita da 'anqateeguesop ye Egipto yem ỹalamaxatpi, nache 'enauac da qoñeeta aỹem qanatamñiỹot da huaña ne'ena qaỹoqotcheguemec 'alhua.›»

1 Corintios 9:16

Da sa'axattac da no'on na'axaỹaxac, qaq saishet da sauotaique da aỹem ỹo'oxoraq. So'ot damaye, cha'aye aỹem ỹamaxalec Ñim Lo'onatac 'Enauacna. Qaq ¡choxoraicolec aỹem da saishet da so'ot damaye!

Jonás 3:2

«'Aue, 'anqo'ona ye 'amaqtaqaic huaqta'a't nỹecpi ye Nínive, nache 'aua'axat da ỹa'aqtac maye 'am sanem qome.»

Jeremías 17:18

'Auauo'o qome la'aloxo nam aỹem icaatacpi, qalaxaye saishet da aỹem da 'auauo'o da ỹa'aloxo. Namayepi 'auauo'o qome da lli'iỹaxa qalaxaye saishet da aỹem da 'auo'ot ca ỹi'iỹaxa. Ñaq 'auanacot qome ca naquicoxo da talec 'anqa'en namayepi, nache ỹataqta imauec qome da 'anlaxaañi namayepi.

2 Reyes 4:29

Nache so Eliseo 'enapega so Guejazí, 'eeta': Ña 'anaỹamaxat, qataq 'auacona ana ỹashelte, nache qojec. Qaq da huo'o ca 'anatena'aguet, nache saishet da 'auquin. Qataq da huo'o ca 'am iquin, nache saishet da 'auasateguet. Qaq qom 'avita que'eca nogotolec, nache 'auachalec na lashec camaye ana ỹashelte.

1 Ts 2:2

Nataqa'en qauaỹaañi da co'ollaq huaña ye nỹecpi ye Filipos, nache qomi' qaisheueeta'ape qataq saishet da qomi' qaiyacna'ape. Qalaxaye na'aictaxa da souaqaigui da lta'araic lqalaic, qalaxaye Ñim Lo'onatac 'Enauacna qomi' ỹanema da lta'araic qara'añaxac da sa'axataq da no'on na'axaỹaxac.

2 Reyes 9:1

So na'aqtaxanaxanec Eliseo, iỹaxana co'ollaxa so 'oonolec som na'aqtaxanaxanecpi, nache 'enapega 'eeta': «Ñaq 'anaỹamaxat qome, nache 'anqo'ona ye Ramot maye huaigui ye 'alhua Galaad, nache 'auache aca ncoraxanaxat laỹe'.

2 Reyes 1:15

Nache so lamaxashec Ñim Nataxala' 'enapega so Elías, 'eeta': 'Aunotec qome, nache 'auca'ategue damaye, qataq saishet da 'aye'etega. Nache so Elías huenotec, nache ca'ategue so huataxanaq lta'a, da nqo'ona so nta'a.

Jeremías 1:18

Aỹem, 'am sanem nagui da qoneta'am ca huaqta'a't nỹecpi, maye qaỹapotaua'a qoneta'am aca nhuoqte maye lcat, qataq qoneta'am ca mpaqtaxanaxat maye lo'oxonaxat na bronce, da yaqto' 'auataỹa'aguet 'enauac na hueta'a ye 'alhua Judá. Nam nta'alpi, nataxala'pi, ntaxaỹaxanaxanecpi qataq 'enauac nam nhuo' le'ecpi maye hueta'a yemaye.

Jeremías 26:2

nache 'eeta': «'Anachaañi qome, qoua'a ye nqasoxoc añi atamnaxaqui nache 'aua'axat 'enauac nam 'am samaxalecpi da 'aua'aqtaxanem na shiỹaxauapi maye chegaqa'a nam huaqta'a't nỹecpi maye ỹotta'a't naua nañalo ye Judá, da naỹa añi atamnaxaqui da yo'oxonnataxan, nache qaica qome ca sa 'aua'axat.

Jeremías 26:12

Nache so Jeremías da'aqtaxanem so nataxala'pi qataq so nhuo' le'ecpi, 'eeta': «'Enauac nam mashe qaua'aqaichigui, nacheñi Ñim Nataxala' Ñim aỹem ỹamaxalec da sa'axata'a, cam talec qome ana'ana atamnaxaqui qataq ne'ena huaqta'a't nỹecpi.

Jeremías 36:8

Nache so Baruc ỹo'ot 'enauac dam ỹamaxalec so na'aqtaxanaxanec Jeremías: nqo'oneua'a aso atamnaxaqui, nache itaxaỹaxan aso nere maye huetalec da la'aqtaxanaxac Ñim Nataxala'.

Lamentaciones 3:57

So na'a'q co'ollaq 'Am seỹaxana, nache aỹem 'auanaỹa, nache aỹem qonapega qoneta': «Saishet da 'añe'e.»