Biblia Todo Logo
Bib sou entènèt

- Piblisite -




Jeremías 1:16 - La'aqtaqa Ñim Lo'onatac 'Enauacna 2013

16 Qaq 'era da nhuaxanaguec maye saneguet qome nam 'etaxaloxoicpi maye aỹem ca'ai co'ollaxa, maye ỹavigaxat naxa na lchenaxanaxat da ỹo'oxoreetac na chegaqauec atamnaxala'pi maye namayepi maiche lo'onatacpi.

Gade chapit la Kopi




Jeremías 1:16
44 Referans Kwoze  

Cha'aye na Israel le'ecpi aỹem ca'ai, nache ỹo'ot da 'eco' ỹaqa'a ne'ena 'alhua, nache huaña naqa'en namaye da ỹanot na lchenaxanaxat maye ama na laita nam ỹaqa'a atamnaxala'pi, maye namayepi qataq so hua'au lta'alpi, qataq so nta'alpi na Judá, saỹauatton, qataq nlaxattelec namaye na ltago'q som shiỹaxauapi maye qaica ca ỹasouaxat.


Nache qaucacheetac, qaualaataxañiitac, qataq qancacheetague' ana sa qarhuai, qataq qaỹa'añiitac nam saq'en qara'aqtaqui qataq qaỹa'añiitacot ñi Baal nam qarchenaxanaxache maye ama na laita, qataq qavio'oxoreñiitac nam atamnaxala'pi maye saishet da qauauattoñi,


Nache som shiỹaxauapi ỹo'ot so le'enaqtac, 'eeta'am naqa'en na huaca llalec. Huaña, nache ỹalauat na shiguiỹacpi da ỹauo'o lachetaqtaxanaqte ỹavigaxatta da ỹanot, nache ỹataqta qaño'oxoreetapigui som maiche no'onatac.


Qataq na na'alhuapi nlaqaalec nam saq 'en atamnaxala'pi, nache na shiỹaxauapi natameetacot nam atamnaxala'pi, maye ỹauota'aisalo naua lhuaxaye qataq naua llaxaata co'ollaq ỹo'ottacpi.


Qataq Ñim Nataxala' 'am namaxa qome na qauemsat, nache 'ansomaxaatapigui', qataq huo'o da 'anqui'icỹaxac, qataq 'enauac ca 'auo'ot saishet da ipaigui, nache ỹataqta sa qaỹaloq qome da 'am nlachiguiñi, souaxat da qauem ca 'auo'ottac nache qoca'ai Ñimaye.


Qalaxaye co'ollaq ỹapac da seỹaxaatega, nache lamaxa nquictauec da aỹem ca'ai. Nache namayepi ỹaatacot ana lachetaqtaxanaqte nam saq 'en atamnaxala'pi, qataq ỹavigaxattac na lchenaxanaxat da ỹanot nam ne'enaqtacpi.


Cha'aye ñi'iñi huaca llalec ñimaye lalamaxat na Israel le'ecpi, ñimaye le'enaqtac som ỹaỹaten da le'enaqtaxanaxac, qaq ñimaye saishet da nacheñi Ñim Lo'onatac 'Enauacna. Qaq ỹoqo'oye ñi'iñi huaca llalec, maye netaña ye Samaria, ñimaye dolagui qome.


Nacherata da nache qolaqto'ot da so'otaqtac dam mashe qarhuennataxac co'ollaxa da so'otaq. Nache qolaqto'ot da sanaqtacot na qarchenaxanaxat maye ama na laita, qataq na qarachetaqtaxanaxat lataxa añi atamnaxalate maye le'enaxat Nate'e na Piguem, dam ñanaguenaqto'ot da so'otaqtac choche ivitta'a nagui, qataq ỹo'ottac co'ollaxa nataqa'en so qarta'alpi, qataq so nta'alpi qataq so nataxala'pi, ye huaqta'a't nỹecpi maye ỹotta'a't naua nañalo ye Judá, qataq da huaña na nqa'aicpi ye Jerusalén. Cha'aye co'ollaq so'otaqtac de'era, nache qaica ca seuenaqtaique nam qonoq, qataq qaica camachaqca, qataq saishet da qomi' taleguete ca qauem,


'Am Nataxala', nache 'am da 'am hueto'ot da naquitaxac na Israel le'ecpi. Qaq 'enauac qome nam 'am ca'ai huo'o da la'agaxa. 'Enauac qome nam 'am ca'ai, namayepi deqat qome 'eeta'am ca nerec maye qoỹettalec ca namoxoỹaxa, souaxat da 'am ỹalat, 'Am maye qoneta'am ca atom mpa'axaatasheguem 'etaxat.


qaq cam la'at maye ñanacot qome, camaye ỹataqta qapa'atteguet nache saq taiguet de'era, cha'aye nagui Aỹem sa'axat nam lasouaxashetpi da sataỹa'aguet namayepi.»


qataq ỹasaxangui co'ollaxa so norec so natamnaxala'pi, cha'aye saishet da 'eesa da atamnaxala'pi, somayepi chochaq 'epaq qataq coma', maye lo'onatac cam shiỹaxaua. Qaq ỹoqo'oye ishet co'ollaxa da ilaxachigui.


Souaxat da aỹem ca'ai namayepi, qataq da ỹavigaxattac na lchenaxanaxat da ỹaatacot na ỹaqa'a atamnaxala'pi, nache ỹo'ot da ỹataqta aỹem ỹayeloqchet ne'ena ỹo'otpi. Ỹoqo'oye ỹataqta 'eroigui da ỹayeloxo, maye talec ne'ena 'alhua, nache saishet qome da 'om.


Qaq da qoquiỹa'ai Ñimaye da qauo'onataxañiỹot na ỹaqa'a atamnaxala'pi, nache Ñim Nataxala' qami' dataỹa'agueta qome, nache ỹauo'o ca qanhuaxanaguiiqui, ivitta'a da qami' nlaxatchiyiñi, qaq na'aictaxa da Ñimaye qalota na qami' ỹo'oteque ỹaỹamaqchiguiñi.»


Nache Ñim Nataxala', 'enapega co'ollaxa so Moisés, 'eeta': «'Am, mashe sa saqaỹaloq da 'aleu, nache 'aualegoigui qome so hua'au 'arta'alpi. Qaq ne'ena nhuo' le'ecpi saqaỹaloq qome da Aỹem ca'ai da nquisheshigui da la'amqaanataxanaxac, cha'aye ca'ata qome na natamnaxala'pi na lma' yi'iye 'alhua maye nalec qome. Huaña nache aỹem ca'ai qataq ỹalat da ñaỹamaxataxac maye so'otec co'ollaxa namayepi.


Qaq Aỹem Nataxala', ñasaxauec de'era qaq damaye ipacchigui qome. Maiche Aỹem da so'ot qome damaye, nache saishet da saipaigui ñaqa'en, saishet qome da 'am sechoxoreetac, qataq saishet qome da ñetogottac. Sauo'o qome ca 'anhuaxanaguec souaxat da qauem 'arataxac, qataq nam 'auo'otpi. Qaq 'era da ỹa'aqtac Aỹem Nataxala'.»


Qaq 'enauac na shiỹaxauapi qaica ca ỹaỹaanapec. Na nqolacpi qalaq ỹo'ot da lcoxo nam ỹo'ot namayepi, cha'aye choche ne'enaqtac maye natenataxanaxaqui qataq qaica ca lca'alaxa,


Nache 'am 'auasateguet qome, qoneta': Ñim nataxala' 'eeta' da la'aqtac: De'era huo'o souaxat da som hua'au qarta'ailpi Aỹem ỹalat, nache ca'ategue na laỹepi atamnaxala'pi, da yaqto' ỹo'oxoren qataq natamnot, qaq Aỹem qalaq aỹem ca'ai somayepi, qataq sa ipaguelec nam ỹapaxaguenataxanaxacpi maye sanem co'ollaxa.


'Am mashe Aỹem qoca'ai qataq aỹem 'auro'oguet na 'al-laq. Qaq 'era da ỹa'aqtac Aỹem Nataxala'. Cha'aye Aỹem, mashe 'am ñasamiisop da 'am ñeualaxaueetague', nache ñauaxaỹaxaasheguem na ihuaq da 'am seuaxan qataq 'am selaxachigui.


Ñim Nataxala' maye Qaica ca Ỹaqalanapec ñim 'am ỹaañi co'ollaxa, 'am namaxa so qauem, da 'am talec souaxat nam qauem maye ỹo'ot na Israel qataq ye Judá, cha'aye inogoqche't souaxat da ỹaatracot na lchenaxanaxat so Baal.


Qaq huaña, nache na shiỹaxauapi ye Judá, qataq na netaña ye Jerusalén, nqo'ona qome da iỹaxanot ca ntaunaguec nam natamnaxala'pi maye ỹaatacot naxa na lchenaxanaxat, qalaxaye ne'ena atamnaxala'pi saishet qome da nca'alaxatec namayepi, qom nvi' que'eca qauem.


namayepi qaica ca naigui, nda'a't da qane'eetapigui, qaq Ñim Nataxala' qom ivita ca lhuaxanaxanaxac, nache ilaxachigui namayepi.


¿Qaq saishet peta'a da sauo'o ca nhuaxanaguec souaxat de'era? Cam nhuo' le'ecpi da 'eetec de'era, ¿Peta'a saishet da sanem cam naigui nam ỹo'otpi? Qaq 'era da la'aqtac Ñim Nataxala'.


¿Qaq saishet peta'a da sauo'o ca nhuaxanaguec souaxat de'era? Cam nhuo' le'ecpi da 'eetec de'era, ¿Peta'a saishet da sanem cam naigui nam ỹo'otpi?


Ana 'alhua nlaxagui qome da naquicoxo, na piguem qalaq ỹapolec qome na napalaxa. Mashe san da ỹa'aqtac qaq saishet qome da ñaralaxat, damaye mashe iuennataxac qaq saishet qome da huo'o da ñetogotaxac.


Qaq de'era, 'am talec souaxat da aỹem qoca'ai, aỹem Nataxala' maye Aỹem 'Anatamnaxala' maye 'am sauecta'aguet co'ollaq qoquetague' so nqa'aic.


Nam ỹalamaxat nhuo' le'ecpi dos naua lasouaxashe'ete: Namayepi Aỹem ca'ai co'ollaxa maye aỹem 'etaxat maye nca'altauec, nache ỹo'ot ana maiche laquipiaxaquipi, nsherepi maye saishet da nllañi na 'etaxat.


nam nhuo' le'ecpi maye chochaq tatec co'ollaxa da Aỹem nachaxaatega da aỹem inogoqchettac, qataq ỹaatacot ana lachetaqtaxanaqtepi na atamnaxala'pi da huaña nam nanaxanaqa'pi, qataq ỹachalec naxa ana nca'atoxonaxalatepi maye lo'oxonaxat na losoc da ỹavigaxat na lchenaxanaxat,


Qaq ime, nache na shiỹaxauapi do'ogoxona da lalonaxanaxat, qataq ỹo'ot na l-le' da yaqto' ntonaxaqui, qaq na laỹepi 'epaqpi qalaq do'ogoxona da ỹauot ana lauole, qataq na laỹepi 'epaqpi do'ogoxona da ỹo'ot ca le'enaqtac atamnaxala', qaq da ime, nache ỹa'atto'oto naua l-llecte da natameetacot.


Cha'aye aỹem ca'ai namayepi, qataq ỹavigaxat so lchenaxanaxat da ỹaatacot so ỹaqa'a atamnaxala'pi, nache ỹo'ot da ỹataqta salemata, souaxat 'enauac nam ỹo'otpi, qaq ỹoqo'oye ỹataqta 'eroigui da ỹayeloxo, maye talec qome ne'ena 'alhua, nache saishet qome da 'om.


nache somaye hueqata'aguet co'ollaxa so Asa, nache 'eeta': «'Am Asa, qataq qami' Judá le'ecpi, qataq qami' Benjamín le'ecpi, ña aỹem qana'axaỹaxañiỹa: Ñim Nataxala', qami' hueta'agueta da qanmichiỹaique Ñimaye, qaq da qoquiỹa'ai, qalaq nataqa'en Ñimaye qami' ca'aisalo qome.


Qalaxaye da aỹem qoquiỹa'ai, qataq sa qaualaqaiguet na iqataxacpi qataq na ỹamaxasoxonaxacpi maye qami' sanema, nacherata da qanqo'oñiỹa da qavio'oxoreñiitac qataq qanatamñiitacot na ỹaqa'a atamnaxala'pi,


Qaq Ñim Nataxala' nache hua'auta'ague da taỹa'ague nam nalleppi, da lavilỹaxac Ñimaye ỹataqta dellimigui da ỹa'axaỹaqchet na shiỹaxauapi. Qataq na nalleppi Ñimaye ỹataqta qalota, qataq ỹataqta 'añaxaicpi nam ỹo'ottac nam lamaxasoxonaxacpi Ñimaye. ¡Qaq cha'aye ỹataqta lta'araic qataq chaqaic nam na'a'q maye lviraxaqui Ñim Nataxala'! ¿Qaq negue'tom ca ishet da nala'aguet da dataỹa'aguet?


Qaq nam no'onañi shiỹaxauapi maye saishet da ilem so norec qataq so lmala'q qataq so 'eeta'am na quiquiaxaraic namayepi ñaq 'eetalec, saishet da ỹaxaañi da ỹo'ottac na qauem, qataq saishet da ỹaxaañi da ỹo'oxoreetac nam saq cha'api qauemaicpi, qataq nam lqui'ipi nam qanatameetacotpi maye saq 'en. Nachaqrata da nache queto'ot da ỹo'oxoreetac nam nqui'ipi maye saq 'en maye chegaqaigui na coma', qataq huo'o na 'epaq qataq huo'o na chegaqaigui na lcat le'enaxat oro qataq na lcat plata qataq na bronce. Ne'ena ne'enaqtacpi sanauaañi, qataq saishet da hua'aqa, qataq saishet da queuoỹapigui'.


'Am Judá, ¿hueta'ague ca 'anatamnaxala'pi maye 'aro'onatacpi? ¡Ỹataqta qalota nam 'anatamnaxala'pi 'eeta'am ca huaqta'a't nỹecpi! ¡Ña qonapega ctaxa da ñesheguem! ¡Shapegueto' da ishet da 'am nca'alaxatec qom 'am nvita cam qauem!


Da la'amqaanataxanaxac ne'ena shiỹaxauapi qalaq qaica ca naigui. Namayepi ichec naxa ana lamo ỹachegoxotaigui na aviaq, nache anac na ne'enaqtac lo'o da irolec na lo'ogoxonaxat da naloqchiiñi,


Nacherata da somaye quetelec da llecỹaxac so nta'alpi ye Israel, cha'aye ỹo'ot nataqa'en so ne'enaqtacpi lqui'ipi so Baal.


Dam qauem maye 'auo'ottac nachera qome da 'am iuaxan, qataq da sa 'aualaq nachera da ỹo'ot qome ca 'anhuaxanaguec. Ñaq 'auennataxan qome yaqto' 'aula'a da ỹataqta qauem qataq chem da Aỹem 'aualat, qataq da saishet da huo'o 'anqa'en ca ỹa'amaqchec, Aỹem Nataxala' maye Aỹem 'Anatamnaxala'. Qaq 'era da ỹa'aqtac, Aỹem Nataxala' maye Qaica ca Seqalanapec.


¿Peta'a sa 'aula'a nam ỹo'ottac namayepi, da huaña nam huaqta'a't nỹecpi maye ỹotta'a't naua nañalo ye Judá, qataq na nqa'aicpi na Jerusalén?


Na ñalaqpi qalaq laỹona't na 'epaq maye nle' lashec, qaq na lta'alpi qalaq ỹe'eraxatoigui na norec, qaq na 'alpi qalaq ỹo'ot na ldaqnec da yaqto' ỹo'ot ana lauole, nache ỹanot añi atamnaxalate, maye le'enaxat Nate'e maye neto'ot na Piguem. Nache aỹem inogoqchet namayepi, cha'aye nataqa'en ỹanot na lataxa nam atamnaxala'pi maye ỹaqa'a.


Qalaxaye na ỹalamaxat nhuo' le'ecpi Aỹem icoua'ai, nache ỹaatacot na saq'en atamnaxala'pi na lchenaxanaxat maye ama na laita, Namayepi iqataqchet so nqa'aic, som nqa'aic maye togoshaapec, nache quetegueto naua saq 'amaqtaq nqa'aico maye saqaỹauatto'n.


qataq aso 'arpoto maye ỹotta'a't da lo'oxoỹaxac qalaq 'aỹa'anagui nam 'are'enaqtacpi, qataq 'aỹa'anot na aceite qataq na nchenaxanaxat, maye Aỹem 'aỹa'anot taxa.


Swiv nou:

Piblisite


Piblisite