Jeremías 1:14 - La'aqtaqa Ñim Lo'onatac 'Enauacna 2013

¹⁴ Qaq huaña nache Ñim Nataxala' aỹem 'enapega, 'eeta': «Chegoqtegue qome da sheu' da huecorec dam qauem da talec 'enauac nam netalec ne'ena 'alhua.

Jeremías 1:14 Referans Kwoze

Jeremías 10:22

¡Ñaq qana'axaỹaxañiichiguiñi! ¡Nvi' da na'axaỹaxac! Ye 'alhua maye pa'aigue da sheu' chegoqtegue da lta'araic nllimiaxa, maye ỹo'otec qome ye huaqta'a't nỹecpi ye Judá da toolec nache nda'a't qome na qa'alaqpi da coleeteguelec.

Jeremías 6:1

Qami' maye qauachegoqoiguet so Benjamím, ¡qanqañoxochiiñi qome qoquiỹa'ai na Jerusalén! Qauashiiyigui ana qarasheerei qom huaña ye Tecoa, qataq qaỹa'añiỹasheguem aca qara'anaxanaqchi da huaña ye Bet Haqueren, cha'aye chegaqa'ague qome da sheu' ca lta'araic qauem qataq cam ilaxachigui 'enauacna.

Jeremías 4:6

Qauachaxañiisheguem aca qara'anaxanaqchi qaloxonaxañiitegue da pa'aỹa'ague ye Sión, ime nache qauataiuec, saishet da huo'o ca qauacheeta'a, da qanmichiỹaique ca qaye'eguenaqa'ai. Cha'aye Aỹem sachegoxota'ague qome da sheu' da ñanacot ca ỹataqta qauem qataq cam lta'araic maye ishet da delaqtaxan.

Isaías 41:25

So'ot da anac so 'oonolec shiỹaxaua chegoqtegue da nala' lliguisheguem seỹaxana sauota'a da le'enaxat, nache nvi' nateua'a da pa'aigue da sheu'. Huaña nache petapigui na nta'alpi 'eeta'am naqa'en ca nshaxa, qataq 'eeta'am ca 'alhua lo'o da iraqten na nshaxa, nache irota'alo naua lapia'ate.

Ezequiel 1:4

Qaq huaña nache sela'aguet so la'at lta'araic chegoxogue da sheu', qataq so lta'araic lo'oc na piguem maye chegoqtapoigui so norec, 'eeta'am na nqashelgaxa, qaq naua loiguiye somaye nache huo'o so ne'eraxa. Qaq na laiñi se'eso norec huo'o so 'eeta'am na lcat bronce da lqashelgaxa,

Jeremías 50:41

Anac qome ca ỹotta'at shiỹaxauapi maye 'añaxaicpi, qataq ca qalota nta'alpi chegaqa'a cam ỹataqta qaỹoqta 'alhua maye pa'aigue da sheu'.

Jeremías 50:9

Cha'aye so'ot qome da huo'o ca anac shiỹaxauapi cam 'añaxaicpi nhuo' le'ecpi maye chegaqa'ague da sheu' da iloquiaxan ye Babilonia. Camayepi naloguiñi qome nache loxonec yemaye. Cha'aye que'eca alleppi ỹataqta ỹaỹaten da nalaataxac, da ỹaỹenec ana lchecnapi qalaq saishet da depe'enaxan.

Jeremías 46:20

Na Egipto qalaq 'eeta'am aca 'onaxai huaca llale, qalaxaye chegaqa'ague qome da sheu' aca ncoga da inac.

Jeremías 31:8

Aỹem ñe'eguelaxat qome sachegoxotchiguiña ye 'alhua maye pa'aigue da sheu', qataq llaỹona't qome sachegoxota'a cam pa'atec loga't ana 'alhua. Qaq namayepi nache nnaictague' qome na qanamaicpi qataq na sa da'añiiguelo naua lchel, qataq na 'alpi maye hualaxaipi qataq ana mashe deco'opi, ¡nache qalota qome na ñe'eguelaq!

Jeremías 6:22

Ñim Nataxala' 'eeta', da la'aqtac: «Yem qaỹoqta 'alhua maye pa'aigue da sheu', mashe naỹamaxattac da anac yem shiỹaxauapi maye 'añaxaicpi.

Isaías 14:31

¡Qanỹeñi qome qami' Filistea le'ecpi, qaua'alqai qome souaxat da qanqui'iqui, qataq qaviloxolli qome souaxat da qarcolanqai! Cha'aye da sheu' chegoqtegue na alleppi 'eeta'am ca napalñi lmala'q, nache namayepi qaica da 'oonolec ỹale ca huaỹoxouec.

Jeremías 11:17

Ñim Nataxala' maye Qaica ca Ỹaqalanapec ñim 'am ỹaañi co'ollaxa, 'am namaxa so qauem, da 'am talec souaxat nam qauem maye ỹo'ot na Israel qataq ye Judá, cha'aye inogoqche't souaxat da ỹaatracot na lchenaxanaxat so Baal.

Jeremías 47:2

«Aỹem Nataxala', 'eeta', da ỹa'aqtac: Chegoxogue qome da sheu' ca ndep 'eeta'am so tala da ipaxaateguelec, nache ipaxaalec 'enauac na 'alhua qataq 'enauac nam huetalec namaye, nataqa'en nam huaqta'a't nỹecpi qataq nam netaigui namayepi, nache 'enauac nam netalec na 'alhua ỹa'alaqtagui qome, na shiỹaxauapi na'axannec qome da la'alaxac souaxat da nqui'ic.

Ezequiel 24:3

Qataq 'auauo'o ca 'aualoqnaxana da 'autaxaỹot ne'ena shiỹaxauapi maye saỹalaq. Qataq 'auqata namayepi qoneta', da la'aqtac Ñim Nataxala' maye qaica ca ỹaqalanapec, 'eeta': 'Aỹa'anangui ca norec aca taxaqui nache 'acorengui ca 'etaxat,

Joel 2:20

Qataq seltaxaneguet qome namayepi na npa'aguenaxauapi maye chegaqa'ague da sheu', nache samaqauga ye toolec 'alhua. Qaq nam huotaique da dataỹa'aguet namayepi qalaq 'ogaxaicpi ñaqa'en huangui aso Auaxai Leuaxai, qaq nam chegaqa'ague da l-laq namayepi, nache huangui ñaqa'en aso Auaxai Mediterráneo. Qaq nam lo'ocỹaxac namayepi, nache ỹataqta nchega na laita. ¡Qaq cha'aye ỹataqta lta'araic qome cam so'ot!»

Zacarías 6:6

Qaq aso naigona maye lauegaxala'ate soua caaỹo lairaxaiqa, taỹa ye 'alhua maye pa'aigue da sheu', qaq aso lauegaxala'ate soua caaỹo lapagaxaiqa, qalaq taỹa ye 'alhua maye pa'aigue da avit, qaq aso lauegaxala'ate soua caaỹo maye ỹapagaqalec da lo'oxoỹaxa'c, qalaq taỹa ye 'alhua maye pa'aigue da tagueñi.»

Jeremías 25:9

nache Aỹem seỹaxana qome 'enauac na nhuo' le'ecpi maye neta'ague da sheu', qataq ñim ỹamaxashec Nabucodonosor maye nta'a ye Babilonia, da yaqto' anac, nache iloquiaxa'n ne'ena 'alhua, qataq 'enauac nam netalec namaye, qataq 'enauac nam ỹotta'a't shiỹaxauapi maye lauoreuapi, nache ỹataqta imauec qome da selaxachigui, qataq chochaq tatec ñaqa'en da nlaguiñi, qataq ỹo'ot da ne'elaxa qataq da ncolanaxa.