Jeremías 1:13 - La'aqtaqa Ñim Lo'onatac 'Enauacna 2013

¹³ Nache Ñim Nataxala' qaltaq ỹe'eguelaxalec da aỹem inat, 'eeta': «¿Negue't dam 'aulota'a? Nache aỹem sheeta': Selota'a añi taxaqui nachamtac neta'ague sheu' nache mashe yaqta'a da huecoregue da taguiñi.»

Jeremías 1:13 Referans Kwoze

Ezequiel 11:7

Qaq ỹoqo'oye, Aỹem Nataxala', ỹoqta 'eesa de'era qami' sa'axatema: Da na Jerusalén 'eeta'am qome aca taxaqui, qalaxaye ca lapat saishet da nache qami', maye nachenata nam lo'ocỹaxac som qaralaataqui, qami' qalaxaye qami' ñeqateeguesopa qome aca taxaqui.

Ezequiel 11:3

Qaq namayepi, 'enapec: Ñaq saxanaxa da ivita da ño'oxonaxasheguem na nỹecpi, qaq na huaqta'a't nỹecpi qalaq 'eeta'am aca taxaqui qaq qomi' qalaq shenaqta'am ca lapat.

Zacarías 4:2

'Am Zacarías «¿Negue't ca 'aula'a?» Nache aỹem sasateguet sheeta': «Qomye selota'a ara lashe ana ncoỹaraxanaxaqui maye chegaqaigui na oro, aramaye na'attalec añi laỹe' na aceite. Qaq na pa'asheguem aramaye nache huo'oi ñeua siete ncoỹaraxanaxaqui' maye netaua'alo naua siete lleco na aceite.

Génesis 41:32

Qaq 'am nta'a, dos co'ollaxa soua 'archoxonaxaco maye 'eeta'a't, cha'aye Ñim Lo'onatac 'Enauacna mashe lhuennataxac da ỹo'ot de'era, qaq damaye saqaỹaloq da ỹo'ot.

Jeremías 24:3

Nache Ñim Nataxala', aỹem inat 'eeta': «Jeremías, ¿negue't cam 'aulota'a?» Nache aỹem sasateguet, sheeta': «Qomye selota'a aye ỹataqta 'onaxai hiigopi, qataq huo'o aye ỹataqta qauem. Qaq souaxat da ỹataqta qauem, nache saishet da qanallec.»

Isaías 55:11

Qaq 'era da 'eeteque naua ỹa'aqtaqa maye chegoqraigui na aỹap, da saishet da qui'itchiguilo da Aỹem ñe'eguelqoto, nacherata da ỹo'ot cam sheetapeguec qataq ipacchigui cam ỹamaxasoxonaxac maye sanem.

Ezequiel 12:28

Qaq ỹoqo'oye qonapega qome namayepi, qoneta': ‹'Era da la'aqtac Ñim Nataxala': Naua ỹa'aqtaqa saishet da qaỹoqta ca laloqo' da ipacchiguilo, dam sa'axat qalaq ipacchigui qome. Qaq 'era da ỹa'aqtac Aỹem Nataxala'.›»

Amós 8:2

nache Ñimaye aỹem inat, 'eeta': Amós, ¿negue't na 'aulota'a? Nache aỹem sheeta': Qomye selota'a añi npaqta maye huetagui ana mashe ỹeta ala ana nañiguishe. Nache Ñimaye 'eeta': Na Israel le'ecpi, mashe ỹoqta ỹe, ỹoqo'oye aỹem saishet da qaltaq she'eguelaxa da sechoxoreetac qome.