Jeremías 1:12 - La'aqtaqa Ñim Lo'onatac 'Enauacna 2013

¹² «Nache Ñim Nataxala', 'enapec: Aja', 'eesa da 'anasaxauec. Cha'aye mashe Aỹem lhuotta da yaqto' ipacchiguilo ñaqa'e'n naua ỹa'aqtaqa.»

Jeremías 1:12 Referans Kwoze

Ezequiel 12:28

Qaq ỹoqo'oye qonapega qome namayepi, qoneta': ‹'Era da la'aqtac Ñim Nataxala': Naua ỹa'aqtaqa saishet da qaỹoqta ca laloqo' da ipacchiguilo, dam sa'axat qalaq ipacchigui qome. Qaq 'era da ỹa'aqtac Aỹem Nataxala'.›»

Ezequiel 12:25

cha'aye Aỹem Nataxala' setaqa, qaq cam sa'axat qalaq saqaỹaloq da ipacchigui. Qaq qami' maye qami' qauemaicpi qalaq qauauañiichigui qome camaye, Aỹem Nataxala' setaqa qataq so'ot da ipacchigui cam sa'axat. Qaq 'era da ỹa'aqtac Aỹem Nataxala'»

Lucas 10:28

Nache So Jesús 'enapeco': –Aja', ỹaỹamaqchiguiñi da 'arasataxac, 'auo'ot qome de'era, nache 'am taỹot da nca'alaxa maye chochaq tatec.

Amós 8:2

nache Ñimaye aỹem inat, 'eeta': Amós, ¿negue't na 'aulota'a? Nache aỹem sheeta': Qomye selota'a añi npaqta maye huetagui ana mashe ỹeta ala ana nañiguishe. Nache Ñimaye 'eeta': Na Israel le'ecpi, mashe ỹoqta ỹe, ỹoqo'oye aỹem saishet da qaltaq she'eguelaxa da sechoxoreetac qome.

Deuteronómio 5:28

Qaq Ñim Nataxala' qami' hua'aqchiguilo co'ollaq aỹem qoñiitega, qaq ỹoqo'oye Ñimaye, 'eeta': «Ỹaỹamaqchiguiñi da lhuennataxa namayepi.

Deuteronómio 32:35

Yaqto' lleuotta'a ca na'a'q da sepalaique ivi', nache sauo'o ca nhuaxanaguec, da ivita ca laloqo' da huañi namayepi. Qaq mashe yaqta'a da nlachiguiñi, ¡mashe sa qaỹapeque ye laloqo' namayepi!

Deuteronómio 18:17

Nache Ñim Nataxala' aỹem 'enapega, 'eeta': «Ỹaỹamaqchiguiñi da la'aqtac namayepi.

Lucas 20:39

Nache huo'oi soua dapaxaguenataxaatrapegue'c na namaxasoxonaxacpi, 'eeta': –'Am Napaxaguenataxanaq, ỹataqta ỹaỹamaqchiguiñi da 'ara'aqtac.

Jeremías 31:28

Qaq dam 'eetec co'ollaxa da Aỹem lhuotta da ñapogosheguem, sa'axasoxooñi qataq huetaiya' ñaqa'en, selaxachigui qataq so'otec da qauem, qaq nache 'eetec nagui da Aỹem lhuotta da yaqto' ño'oxoosheguem qataq saañi. Qaq 'era da ỹa'aqtac Aỹem Nataxala'.

Jeremías 1:13

Nache Ñim Nataxala' qaltaq ỹe'eguelaxalec da aỹem inat, 'eeta': «¿Negue't dam 'aulota'a? Nache aỹem sheeta': Selota'a añi taxaqui nachamtac neta'ague sheu' nache mashe yaqta'a da huecoregue da taguiñi.»

Isaías 55:11

Qaq 'era da 'eeteque naua ỹa'aqtaqa maye chegoqraigui na aỹap, da saishet da qui'itchiguilo da Aỹem ñe'eguelqoto, nacherata da ỹo'ot cam sheetapeguec qataq ipacchigui cam ỹamaxasoxonaxac maye sanem.

Jeremías 24:3

Nache Ñim Nataxala', aỹem inat 'eeta': «Jeremías, ¿negue't cam 'aulota'a?» Nache aỹem sasateguet, sheeta': «Qomye selota'a aye ỹataqta 'onaxai hiigopi, qataq huo'o aye ỹataqta qauem. Qaq souaxat da ỹataqta qauem, nache saishet da qanallec.»