Jeremías 1:10 - La'aqtaqa Ñim Lo'onatac 'Enauacna 2013

¹⁰ «Aỹem sanaigui na 'ap naua ỹa'aqtaqa. Nagui 'am sanem da huo'o da qonec, da 'aulo'ogue na nta'alpi qataq na ỹotta'a't shiỹaxauapi, da yaqto' ishet da 'anqat qataq 'auamaxañi, qataq da 'anlaxaañi qataq 'aulaxachigui, qataq nataqa'en ishet da 'ano'oxoosheguem qataq 'aỹa'aañi.»

Jeremías 1:10 Referans Kwoze

Jeremías 31:28

Qaq dam 'eetec co'ollaxa da Aỹem lhuotta da ñapogosheguem, sa'axasoxooñi qataq huetaiya' ñaqa'en, selaxachigui qataq so'otec da qauem, qaq nache 'eetec nagui da Aỹem lhuotta da yaqto' ño'oxoosheguem qataq saañi. Qaq 'era da ỹa'aqtac Aỹem Nataxala'.

Ezequiel 36:36

Qaq huaña qome, nache nam qarhuoreuai nhuo' le'ecpi maye ñaq nca'altauec, ỹaỹaten qome da Aỹem Nataxala', maye qaltaq ño'oxoosheguem nam qailaxachigui co'ollaxa, qataq she'eguelaxa da saalec nam toolec co'ollaxa. Qaq 'era da ỹa'aqtac Aỹem Nataxala', qaq damaye ipacchigui qome ñaqa'en.

Jeremías 24:6

qataq ñepaxattalec, qataq ñe'eguelaxata qome ne'ena 'alhua. Qaq nache huaña qome ne'ena da qaica ca iueetaique, qataq saishet qome da qaltaq she'eguelaxa da selaxachigui namayepi, saañi qome namayepi, nache saishet da qaltaq ñapogosheguem.

Amós 9:11

Qaq que'eca na'a'q, nache qaltaq ñauaxaỹaxaasheguem qome ye mashe nlaguiñi lma' so David. Nache sapogui nam lpoxoỹaxapi, qataq ño'oxoosheguem nam mashe nlaguiñi, nache se'enaxatchigui so hua'auchiguiñi lataxac co'ollaxa,

Amós 3:7

Cha'aye Ñim Nataxala', saishet da huo'o ca ỹacoolec da ỹo'ot, da saxanaxa da'aqtaxanem nam na'aqtaxanaxanecpi maye lamaxashecpi Ñimaye.

Zacarías 1:6

Qalaxaye naua ỹa'aqtaqa, qataq naua ỹamaxasoxonaxaco, maye sanema som ỹamaxashecpi maye ỹa'aqtaxanaxanecpi, iviro'ot co'ollaxa so hua'au qarta'ailpi. Qaq somayepi aỹem ỹe'eguelaxa co'ollaxa, cha'aye ỹaỹateeteguet da Aỹem Nataxala' maye Qaica ca Saqalanapec, sero'oguet co'ollaxa dam naigui da maiche lataxac, qataq nam ỹo'otpi somayepi.»

Ezequiel 32:18

«'Am shiỹaxaua 'auauaxaiguet qome na 'alpi maye chegaqa'a na ỹotta'at shiỹaxauapi, da 'auo'on da no'onec da huo'o na ileu, da 'auo'onaxaalec ye qalota nhuo' le'ecpi ye Egipto, qataq na lataxala'pi, qoneta': Na 'añaxaicpi huañi nache taigui na 'alhua, da taña na mashe huetangui ana huachiqui.

Ezequiel 43:3

Qaq de'era ỹauanaqchec, 'eeta'am so ỹauanaqchec co'ollaq anac Ñim Nataxala' da ilaxachigui ye Jerusalén, qataq 'eeta'am so ỹauanaqchec co'ollaq huaña ye tala Quebar. Qaq huaña nache sa'alyiñi naua illecte, nache seviraxata'aguet na ỹatap na 'alhua,

1 Reyes 19:17

Yaqto' cam ỹet ca lainec so Jazael, nache so Jehú ỹalauat camaye, qaq cam ỹet ca lainec so Jehú, nache so Eliseo ỹalauat qome camaye.

1 Reyes 17:1

Qaq so na'aqtaxanaxanec Elías, maye lma' ye Tisbé, yem huagui ye 'alhua Galaad, 'enapega co'ollaxa so Ajab, 'eeta': «Ỹataqta 'eesa da nca'altauec Ñim Nataxala', maye Natamnaxala' na Israel le'ecpi, maye aỹem lamaxashec, da ne'enaua vi'iye qaica qome ca auot, qataq ca 'aỹa, nache choche ivitta'a qom ỹoltaq san ca ỹa'aqtac.»

Jeremías 1:5

«Co'ollaq saxanaxa da 'am sanem da 'arca'alaxa, nache Aỹem mashe 'am lleca'aguishec, qataq co'ollaq saxanaxa da 'auañiguiñi nache mashe 'am seỹotauga da yaqto' 'am ỹa'aqtaxanaxanec, da 'aua'aqtaxanem 'enauac nam ỹotta'a't shiỹaxauapi.»

Jeremías 25:13

Aỹem so'ot qome da talec yi'iye na'alhua 'enauac nam sa'axatta'a co'ollaxa, qataq nanettalec ana'ana nere: 'Enauac nam ỹa'axattac co'ollaxa so Jeremías maye ỹachegoxotchigui da ỹe'enaxat da dataỹa'aguet 'enauac na ỹotta'a't shiỹaxauapi.

Jeremías 31:40

Qaq imauec qome yem ca'amegue maye nlaraqa' naxa nam leuaxaicpi qataq qaỹasaxauga naxa na alo qataq 'enauac yem no'onaxapi maye hueto'ot na loigue so la'auaxac Cedrón, nache ivitta'a ñi lasom maye le'enaxat Nasom na Caipi, maye pa'aigue da yo'oxoñi, 'enauac qome da ỹalamaxat, qaq 'enauac qome namayepi saishet da ỹe'eguelaxa da qaỹamaxañi qataq qailaxachigui.»

Jeremías 36:2

«'Auacona qome aca nere, nache 'erelec 'enauac nam 'am sa'aqtaxaateguem co'ollaxa da talec qome na Israel qataq na Judá qataq na laỹepi ỹotta'at shiỹaxauapi, chegoqta'a co'ollaq 'am setaqtague' huetoigui som na'a'q co'ollaq nta'a so Josías, nache ivitta'a nagui.

Jeremías 44:27

Cha'aye Aỹem qami' ñauaataleguete qome, da yaqto' qami' ñamaxalo ca qauem, qaq saishet da qami' ñamaxalo cam no'on. Qaq 'enauac na Judá le'ecpi maye netaña na Egipto, ỹataqta nmichiguiñi qome da ileu, ileuaigui ca alaataxac huo'otaq ca nqouaxa.

Jeremías 45:4

Qalaxaye Aỹem maye Aỹem Nataxala', 'am sa'aqtaxanem da seshet da selagaxachigui nam ño'oxoosheguem co'ollaxa, qataq nataqa'en seshet da ñapoc nam saañi co'ollaxa. Qaq damaye naigui da 'enauac ne'ena 'alhua.

Ezequiel 21:19

'Am Ezequiel, 'avi'inaxa't qome caua dos nqa'aico, da yaqto' queteguelo qome ñi nta'a ye Babilonia da nasoqta'a ca lainec. Que'ecaua dos nqa'aico iuen da nallegoqtreua'a qome ne'ena 'alhua, nache ye chegoqchiguiña ñi 'oonolec que'ecaua nqa'aico, nache 'auauo'o ca la'anaxat maye ỹa'axat negue't cam taỹa'a huaqta'a't nỹecpi.

Ezequiel 23:36

Qaq Ñim Nataxala' aỹem 'enapega, 'eeta': «'Am Ezequiel, ¿'auauotaique peta'a da 'anmit na lasouaxashet aso Aholá qataq aso Oholibá? Hua' qone', 'auachaxana nam ỹo'ottacpi maye qaiqaiga.

Oseas 6:5

Ỹoqo'oye chegoqchigui ñaqa'en co'ollaxa som ỹa'aqtaxanaxanecpi, da qami' selaxachiguilo, qataq naua ỹa'aqtaqa da qami' salaua't. Qaq da nalochiguiñi ỹo'onataxanaxac, 'eeta'am ca nqashelgaxa maye dalaataxanapec.

Eclesiastés 3:3

Huo'o ye laloqo' da huo'o na qaỹalauat, qataq huo'o ye laloqo' da huo'o na qanataren. Huo'o ye laloqo' da huo'o na qailaxachigui, qataq huo'o ye laloqo' da huo'o na qano'oxoosheguem.