Jeremías 1:1 - La'aqtaqa Ñim Lo'onatac 'Enauacna 2013

¹ Dam la'aqtaxanaxac qataq nam ỹo'otpi co'ollaxa so Jeremías maye llalec so Hilcías. So Jeremías chegoxoguet so nhuo' le'ecpi, som ntaxaỹaxanaxanecpi maye netaña co'ollaxa ye huaqta'a't nỹecpi ye Anatot, yem 'alhua maye lalamaxat so Benjamín.

Jeremías 1:1 Referans Kwoze

Ezequiel 1:3

Qaq aỹem Ezequiel maye aỹem llalec so Buzí maye aỹem ntaxaỹaxanaxanec, se'eso na'a'q soota'a ye na'alhua na caldeopi, yem loigue ye tala Quebar, nache aỹem nvita so la'aqtac Ñim Nataxala', qataq aỹem ỹashel-lec Ñimaye.

Jeremías 11:21

Qaq nam ỹalleppi ye Anatot, maye huotaique co'ollaxa da aỹem ỹalauat qataq aỹem illapeguem da sa'axat da le'enaxat Ñim Nataxala', da yaqto' saishet da aỹem ỹalauat,

2 Crónicas 36:21

da yaqto' ipacchigui som la'aqtac co'ollaxa Ñim Lo'onatac 'Enauacna maye chegoqchigui naqa'en so la'aqtaxanaxanec Jeremías. Qaq 'era da 'eetec da se'eso 'alhua nque'etaxaachigui da nmataxac, cha'aye nmateeguesopa 'enauaque se'esoua vi'iye maye huetaiguilo da qaica ca lyac, choche ivitta'a da inoxoore'c soua setenta vi'iye.

1 Crónicas 6:60

Qaq nataqa'en qoỹanem som huaqta'a't nỹecpi maye ỹotta'a't naua nañalo maye lalamaxatpi so Benjamín, yem Geba, Alémet qataq ye Anatot, qataq lỹaueegue' som no'onaxapi maye lquia'aqa' som 'atetpi. Qaq da ima'a't se'eso huaqta'a't nỹecpi maye ỹotta'a't naua nañalo, nache ivi' trece, som qoỹanoigui som lauo' le'ecpi so Aarón.

Amós 7:10

Qaq so Amasías, maye ntaxaỹaxanaxanec ye Betel, ỹamaxa da la'aqtac so Jeroboán, maye nta'a ye Israel, 'eeta': «So Amós, quetagui na Israel le'ecpi da 'am quetapeguelec, qaq ne'ena shiỹaxauapi sa iuen da nache queta da na'axaỹaxaatega somaye.

Amós 1:1

Qaq 'era da la'aqtaxanaxac so Amós, som qagueta lo'o maye lma' ye Tecoa, dam lauanaqchec maye chegoqo'ot Ñim Lo'onatac 'Enauacna, maye taỹa'a da talec na Israel le'ecpi, co'ollaq saxanaqcaua soua dos vi'iye da nvi' so nacholaxanaxa ana 'alhua, maye huetoigui da lo'onataxanaxac so Uzías, maye nta'a ye Judá, qataq da lo'onataxanaxac so Jeroboán, som llalec so Joás, maye nta'a ye Israel.

Isaías 1:1

Da lauanaqchec so Isaías, som llalec so Amós, co'ollaq ila'a som naỹa'a ye Judá, qataq ye Jerusalén, huetoigui da lo'onataxanaxa'c soua Uzías, Yotán, Ajaz qataq so Ezequíaz maye nta'al ye Judá.

Isaías 2:1

Da lauanaqchec so Isaías, som llalec so Amós, co'ollaq ila'a som naỹa'a ye Judá qataq ye Jerusalén.

Mateo 2:17

Qaq de'era ỹataqta ipacchiguilo naua leregui'she som la'aqtaxanaxanec Ñim Lo'onatac 'Enauacna le'enaxat Jeremías, maye 'eeta':

Mateo 16:14

Nache soomaye 'ena'apo': –Qomye huo'o na 'eetega da 'am Juan maye nachelaxanataxanaq, qataq huo'o na 'eetega da 'am nacheso som la'aqtaxanaxanec Ñim Lo'onatac 'Enauacna le'enaxat Elías, qataq huo'o na 'am 'eetega da na'aqtaxanaxanec Jeremías, qalqo' ca 'oonolec som hua'au la'aqtaxanaxanecpi Ñim Lo'onatac 'Enauacna.

Mateo 27:9

Huaña, nache ỹataqta ipacchigui da la'aqtaxanaxac so la'aqtaxanaxanec Ñim Lo'onatac 'Enauacna le'enaxat Jeremías, co'ollaq 'eeta': «Na shiỹaxauapi maye Israel le'ecpi ỹauo'o aso lasheue da yaqto' desheenaxana da nachaalataxac se'eso ỹale: ¡Asomaye ivi' treinta ana anom lcatpiole maye chegaqaigui na lcat plata!

1 Reyes 2:26

Nache so nta'a Salomón, 'enapega so ntaxaỹaxanaxanec Abiatar, 'eeta': «'Aue, qojec, 'anqo'ona ye Anatot, 'avi'eguelaxa ye 'ana'alhua. Cha'aye 'am, iuen taxa da 'am qaỹalauat, qalaxaye nagui saishet da 'am salauat, cha'aye nache 'am co'ollaxa da 'auachetac naxa añi arca maye laỹe' da naỹamaxataxac Ñim Nataxala', ỹauaachigui so ita'a David, qataq nataqa'en 'anhuanaua'a 'enauac na nque'eenaxacpi somaye.»

2 Crónicas 35:25

Qaq so Jeremías ỹo'ot co'ollaxa so lo'onec maye ỹa'axat da naquicoxo, souaxat da l-leuaxa so Josías. Qaq nache ivitta'a nagui da 'enauac na 'onaxanaxaicpi, qataq ana 'onaxanaxaipi da ỹo'ootac naxa na daquicota lo'onecpi da tachigui lauel so Josías. Qaq ne'ena no'onecpi ỹo'ot da nache lataxac nagui na Israel le'ecpi, qataq nache nanettalec ana lmalatepi na no'onecpi maye daquicota.

2 Crónicas 36:12

Qalaxaye ỹataqta qauem nam ỹo'otpi maye ỹauaachigui Ñim Nataxala' maye Natamnaxala'. Qataq saishet da nmanot co'ollaxa so na'aqtaxanaxanec Jeremías, maye ỹa'axatteguema co'ollaxa naua la'aqtaqa Ñim Nataxala'.

Esdras 1:1

Qaq so la'auaxanec vi'i da lo'onataxanaxac so Ciro, maye nta'a ye Persia, Ñim Nataxala' ỹanem da lhuennataxac somaye, da yaqto' ỹamaxalec 'enauac so hueta'a so ilotague' 'alhuapi da qaỹa'axatec so ỹan la'aqtac. Huaña nache ipacchigui da la'aqtac Ñim Nataxala', maye ỹanem co'ollaxa so la'aqtaxanaxanec Jeremías, nam nasaxauec la'aqtacpi somaye qataq nam qoỹettañipi, maye 'eeta':

Isaías 10:30

¡'Ana'alaxañi 'am Bat Galín! ¡Ña 'aua'aqa 'am Lais! ¡Choxoraxaso' 'am Anatot!

Jeremías 29:27

¿Qalaq ta'ainco' da saishet co'ollaxa da 'anlaxa so Jeremías maye lma' ye Anatot, maye qami' nachattaua'alo co'ollaxa da da'aqtaxaatac da 'eetega na'aqtaxanaxanec?

Daniel 9:2

Qaq so la'auaxanec vi'i da lo'onataxanaxac da nta'a somaye, nache aỹem Daniel, ñapaxagueetega aso lere so na'aqtaxanaxanec Jeremías, co'ollaq Ñim Nataxala' ỹa'axatem somaye da qom inoxoorec caua setenta vi'iye nache ime da qanlaxaañi ye Jerusalén.

Esdras 2:23

Qaq so chegoqchiguiñapi ye Anatot, ivi' ciento veintiocho ye lcata.

Jeremías 30:1

'Era da la'aqtac Ñim Nataxala' maye ỹami' so Jeremías, 'eeta':

Jeremías 37:12

nache so Jeremías ca'ai so huaqta'a't nỹecpi da yaqto' taỹa yem na'alhua so Benjamín, da yaqto' huapegue' da lataxac som 'alhua maye talec somaye.