Isaías 2:11 - La'aqtaqa Ñim Lo'onatac 'Enauacna 2013

¹¹ Nam na'amqaanaxaicpi qalaq nloguiñi qome, qataq nam napagaqaanaxaicpi qaica ca 'enec. Cha'aye nacheñita Ñim Nataxala' da qaỹo'oxoren qome que'eca na'a'q,

Isaías 2:11 Referans Kwoze

Salmos 18:27

Qataq 'am 'anca'alaxatec ca ỹataqta choxoraq, qalaxaye ỹataqta huetaiya' 'anqa'en na ño'oxonnaxaicpi.

Isaías 2:17

Na ño'oxonnaxaicpi qataq na na'amqaanaxaicpi ỹataqta imauec qome da qaica ca 'enec. Nacheñita Ñim Nataxala' da qaỹo'oxoren qome que'eca na'a'q,

Malaquías 4:1

Ñim Nataxala' maye Qaica ca Ỹaqalanapec da la'aqtac, 'eeta': «Mashe nayeetai' ca na'a'q, maye ỹataqta 'eroigui 'eeta'am aca nqatelaxanaxaqui, cam huaigui qome 'enauac na ño'oxonnaxaicpi qataq nam qauemaicpi da ỹataqta ỹavicta. Que'eca na'a'q maye anac qome, ỹataqta ỹavigaxatta qome namayepi, nache qaica ca no'onañi.

Isaías 24:21

Que'eca na'a'q Ñim Nataxala' ỹauo'o qome ca nhuaxanaguec na 'añaxaicpi maye hueto'ot na piguem qataq na nta'alpi maye netalec ana 'alhua.

Isaías 13:11

Qaq Ñim Nataxala' 'eeta': «Sauo'o qome ca nhuaxanaguec na shiỹaxauapi souaxat nam qauem maye ỹo'ottac, qataq nam qauemaicpi souaxat da lalaataxanaxac. Imeuo ñaqa'en da napagaqaanaxac na ño'oxonnaxaicpi, qataq qaica ñaqa'en ca la'amaqchec na na'amqaanaxaicpi qataq nam qaica ca iren.

Isaías 12:4

nache que'eca na'a'q qoñeeta' qome: «Qaỹa'añiỹot da qana'achecỹaxaqui, qataq qavio'oxoreñi Ñim Nataxala', qaua'aqtaxañim na ỹotta'a't shiỹaxauapi 'enauac nam huo'o maye ỹo'otpi co'ollaxa Ñimaye, qataq qauennataxanaxañic namayepi da Ñimaye imattalec 'enauacna.

Miqueas 4:6

Qaq da la'aqtac Ñim Nataxala', 'eeta': Que'eca na'a'q, aỹem llaỹona't qome ana ỹalamaqte qaguetapi, anam seque'emaqchet co'ollaxa, anam laga'tpi qataq anam sa qaiyacnapecpi.

Oseas 2:18

Qaq que'eca na'a'q, ñeqouaguec qome na Israel le'ecpi, da naỹamaxate' ñaqa'en na shiguiỹacpi maye huauec, qataq na maỹopi, qataq na na'araxanaqpi. Huaña qome nache ñeqateeguesop ne'ena 'alhua, na nchecnecpi, ỹeelonecpi, qataq ca alaataxac, yaqto' ne'ena ỹalamaxatpi nhuo' le'ecpi ỹataqta amata da nmataxac.

Ezequiel 39:22

Qaq nache chegoqchiguiña qome que'eca na'a'q da na Israel le'ecpi, ỹaỹaten da Aỹem nachaỹem Nataxala' maye Natamnaxala'.

1 Pedro 5:5

Qaq nache 'ena'am nataqa'en qami' nsoxoppi, ỹataqta qaualaqaiguet ca la'aqtac na lataxala'pi na ỹa'amaqten So Jesús. Qataq 'enauac da qoñiita saishet da qana'amaqchiñi, cha'aye ana nere maye huetalec na la'aqtacpi Ñim Lo'onatac 'Enauacna 'eeta': «Ñim Lo'onatac 'Enauacna ỹataqta dataỹa'aguet na na'amqaanaxaicpi, qalaxaye ỹami' ca ntaunaguec nam saishet da na'amaqten.»

2 Corintios 10:17

Cha'aye naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna, 'eeta': Da huo'o ca nshetaique da na'amaqten, qaq camaye no'on da na'amaqteeto'ot Ñim Nataxala'.

2 Corintios 10:5

qataq da ño'oxonnaxac nam huotaique da npaxateguet da yaqto' saishet da ivira da ỹoqta qaỹauatton Ñim Lo'onatac 'Enauacna. Sachegoxotaqchigui de'era na'añaxac da so'ogoxonaxa da yaqto' na 'etaxaloxoicpi naralaxa't naua lhuennataxaco, nache ỹalaxaguet So Cristo.

Lucas 18:14

Qaq Aỹem shenapec da se'eso shiỹaxaua co'ollaq ỹe'eguelaxa ca lma', qalaq ỹataqta ỹaỹamaxareeta Ñim Lo'onatac 'Enauacna, qaq saishet da 'eeta'am so chegaqaigui na fariseopi. Cha'aye ca maiche na'amaqten, qaq Ñim Lo'onatac 'Enauacna nacheca cam qaica ca la'amaqchec naqa'en; qaq cam sa lateela't, qalaq Ñimaye nacheca cam 'amaqtaq naqa'en.»

Zacarías 9:16

Que'eca na'a'q, Ñim Nataxala' maye natamnaxala' namayepi, nca'alaxatec qome nam lalamaxat nhuo' le'ecpi, 'eeta'am naqa'en aca nlo qaguetapi, huaña nache qashelectapiguiñi na lalamaxatpi da hueta'a ye maiche na'alhua, 'eeta'am aca no'on coma' maye llo'oxoraqte aca aro'o.

Sofonías 3:16

Que'eca na'a'q qoỹenapega qome na Jerusalén qoỹeeta': «¡Saishet qome da 'añe'etac, 'am Sión, qataq saishet qome, da 'aua'aqta'a da qaica ca la'añaxa'c naua 'arhuaxaye!»

Sofonías 3:11

Qaq que'eca na'a'q nache qaica qome ca 'am ỹa'aloqchettac, nam 'auo'otpi maye ỹo'ot co'ollaxa da Aỹem 'auataỹa'aguet, cha'aye 'am ñeqateeguesop qome na na'amqaanaxaicpi qataq na ño'oxonnaxaicpi, nache saishet da qaltaq ỹachaxaatac dam ño'oxonnaxac da hueta'a añim qui'itta ñeqasoxonaxa.

Miqueas 5:10

Da la'aqtac Ñim Nataxala', 'eeta': Que'eca na'a'q, aỹem salauat qome na 'arelo caipi, qataq selaxachigui ana 'analaataxaquipi naigonapi.

Abdías 1:8

Qaq Ñim Nataxala', 'enapec: Que'eca na'a'q qom sauo'o ca nhuaxanaguec ye Edom, nache selaxachigui nam ỹaanaxanaxaicpi, qataq seuotaxanec nam laỹaanataxanaxacpi nam netaña aye qasoxonaxapi maye lalamaqte so Esaú.

Amós 9:11

Qaq que'eca na'a'q, nache qaltaq ñauaxaỹaxaasheguem qome ye mashe nlaguiñi lma' so David. Nache sapogui nam lpoxoỹaxapi, qataq ño'oxoosheguem nam mashe nlaguiñi, nache se'enaxatchigui so hua'auchiguiñi lataxac co'ollaxa,

Joel 3:18

Nache que'eca na'a'q, na lataxa qataq na huaca lche', 'eeta'am qome na 'etaxat maye chegaqasheguema ana qasoxonaxapi qataq anam lcomaraxalatepi, qataq na la'auaxacpi ye Judá, nlaxagui qome na 'etaxat. Nache añi atamnaxaqui maye ỹalamaqte chegoqchiguiña qome na npaxaatasheguem 'etaxat, da icorelec ye ca'amegue ye Sitín.

Oseas 2:21

Qaq Aỹem Nataxala', shenapec: Que'eca na'a'q, aỹem sasateguet qome na piguem, qaq na piguem qalaq ỹasateguet qome ana 'alhua,

Oseas 2:16

Qaq huaña qome nache da aỹem detaxaỹa qalaq saishet da 'eeta': «'Am ỹataxala'.» Nacherata da 'eeta': «'Am ihua.» 'Era da ỹa'aqtac Aỹem Nataxala'.

Ezequiel 39:11

«Qaq qom nvi' que'eca na'a'q, nache so'ot aca laỹe' ye Gog naña ñaqa'en ye Israel, nache huaña da selayiñi, yem pa'aỹa'ague da yo'oxoñi aso auaxai yem Ca'amegue le'enaxat Queuoxoicpi. Qaq souaxat da ỹapogui som llec nam natapeugueyi, nache qaỹamata'ac qome da le'enaxat Ca'amegue Gamón Gog, cha'aye huaña qome yemaye da qailareñi ye Gog qataq 'enauac ca nalleppi.

Ezequiel 38:19

Qaq nache huaigui qome ca le'eraxa da ỹayeloxo, da san ca ỹa'aqtac, da que'eca na'a'q huo'o qome ca lta'araic nacholaxanaxa ye Israel.

Ezequiel 38:14

Qaq ỹoqo'oye 'am Ezequiel 'auachegoxotchigui qome da ỹe'enaxat da qonapega ye Gog, qoneta': Da la'aqtac Ñim Nataxala', 'eeta': Ye ỹalamaxat nhuo' Israel le'ecpi qom ỹe'emaqtac, nache 'am qome qojec,

Jeremías 9:24

Qaq da huo'o ca huotaique da na'amaqten qalaq iuen da na'amaqten souaxat da Aỹem ỹauatton, qataq ỹaỹaten da nachaỹem maye Aỹem Nataxala', maye sauota'a da isoxoyec da so'onataxaatac ana 'alhua, qataq so'ot da nalochiguiñi lataxac qataq da no'on lataxac, cha'aye nachera dam saỹamaxareeta. Qaq 'era da ỹa'aqtac, Aỹem Nataxala'.»

Isaías 52:6

Qalaxaye mashe natauo cam na'a'q da na ỹalamaxat nhuo' le'ecpi Aỹem ỹauattoota qome, qataq ỹaỹaten da aỹem maye setaqtacot co'ollaxa namayepi, nachaỹem Nataxala'.»

Isaías 37:23

¿Negue't cam 'aunotega qataq 'ausheueetac? ¿Negue't cam 'auqaqaatalec qataq 'auachaxana dam ño'oxonnaxaic 'armeenaxanaxac? ¡Qomye nacheñi ñim Qui'itta Natamnaxala' na Israel le'ecpi!

Isaías 30:23

Qaq Ñim Nataxala' qami' ỹanema qome ca auot, qom qaỹa'añiỹoigui na 'alhua aca qa'añiguishe ala, nache na 'alhua ỹataqta qalota qome ca ñaxaalec trigo. Qaq que'eca na'a'q nache ca qareloipi ỹataqta qolochiguiñi qome ca lquia'aqa'.

Isaías 29:18

Qaq que'eca na'a'q nache nam saq hua'aqapi ishet qome da hua'axaỹa da qaitaxaỹaxan aca nere, qaq na qanamaicpi qalaq ishet qome da nauaañi, cha'aye huesoueeguesop qome ca ỹataqta lta'araic napalaxa.

Isaías 28:5

Qaq que'eca na'a'q Ñim Nataxala' maye Qaica ca Ỹaqalanapec, nacheñi qome ñim aro'o maye huo'o da llo'oxoyec, aro'o maye llo'oxoraqte qome cam no'onañi nam lalamaxat nhuo' le'ecpi,

Isaías 26:1

Qaq que'eca na'a'q qom huaña ye 'alhua Judá nache qaỹo'on dam no'onec, maye 'eeta': «Qomi' huo'o na qaralamaxat huaqta'a't nỹecpi maye ỹataqta qaramta, 'eeta'am ca npaqtaxanaxat maye huo'o ca pa'aỹauec lpaqtaxat maye ỹataqta sa nsattec, Ñim Nataxala' nauaxaỹaxaasheguem co'ollaxa da yaqto' qomi' nca'alaxatrec.

Isaías 25:9

Qaq que'eca na'a'q qoỹenapec qome: «'Eñi Ñim Qanatamnaxala', Ñimaye sepi'iỹaqa'a nache Ñimaye qomi' nca'alaxatrec. Nache qaramachiguiñi qataq ñetonaqtapigui', cha'aye Ñimaye qomi' nca'alaxatrec.»

Isaías 12:1

Qaq que'eca na'a'q, nache 'am qonapec qome «'Am sanot da ña'achecỹaxac 'Am Nataxala', cha'aye na'aictaxa da aỹem 'aualemataỹa co'ollaxa, qalaxaye da 'aralemataic mashe vi'iiguet, nache aỹem 'avi'eguelaxatem da ilagaxayec.

Isaías 4:1

Que'eca na'a'q saq 'amaqtaq qome ca no'onañi ỹalleppi, qaq caua siete 'alol deloctrapigui qome ca 'oonolec ỹale, nache caamaye 'enapega qome camaye, 'eeta': «Qomi' maiche souaqapegue' qome da qarquia'axac, qataq maiche souaqapegue' da qano'otaxac, qaq nacherata qome da qomi' 'aỹa'anema da 'are'enaxat, nache qomi' 'ausoueeguesopa da qarcoxo.»

2 Ts 1:10

'Ena nam huo'o qom ñe'eguelaq So Qarataxala' Jesucristo ñe'eguelaxa nam lalamaxatpi, yaqto' namayepi ỹo'oxoren qataq huo'o da la'aalaxa. Qaq qami' nache qaraỹepi ne'ena shiỹaxauapi, cha'aye qaua'amaqchiñi da na'aqtaxanaxac maye qami' sanaxama.

2 Samuel 22:28

'Am 'anca'alaxatec ca qaica ca 'enec, qalaxaye na na'amqaanaxaicpi, qalaq qaica ca naigui 'anqa'en.

Salmos 20:8

Qaq namayepi ỹa'aldañi qome naua l-llecte, nache huañi, qomi' qalaxaye ñachaataqchiguiñi, saishet da souaqañi.

Salmos 46:10

«¡Ñaq qañe'emaxache qome qauaỹaañiteguet da nachaỹem Atamnaxala'! ¡Aỹem ñataỹaña 'enauac na ỹotta'a't shiỹaxauapi qataq 'enauac ana 'alhua!»

Proverbios 30:13

Qataq huo'o na ipi'itaxaatega da huo'o naq 'enec, nache ỹataqta na'amaqten da ilota'a ca lỹa.

Isaías 23:9

Qaq nacheñi Ñim Nataxala' maye Qaica ca Ỹaqalanapec ñim lapaxañi de'era da yaqto' nquigaxaañi da 'amqaanaxac, qataq huetaiya' naqa'en 'enauac na 'añaxaicpi ana 'alhua.

Isaías 30:18

Qalaxaye Ñim Nataxala' qami' iuatta'alo, da yaqto' qami' ichoxore'n, Ñimaye ỹataqta huo'o da lyaxa da qami' ỹachaxanalo da lsoxoyec, cha'aye Ñim Nataxala' ỹataqta no'on da lataxac. Qaq ỹataqta machiguiñi qome 'enauac nam pi'iỹa'a Ñimaye.

Miqueas 2:3

Qaq ỹoqo'oye da la'aqtac Ñim Nataxala', 'eeta': Aỹem nataqa'en mashe huo'o da llapaxañi da sataỹa'agueta qami', qami' ñamaxalo qome ca qauem maye saishet da qami' ỹetrauec, huaña nache saishet da qana'amaqchiñiitac cha'aye ỹataqta qauem qome que'eca na'a'q.

Salmos 18:28

'Am Nataxala', aỹem 'ettalec 'anqa'en, 'Am Ñatamnaxala', aỹem 'aucoỹattalec da sootaigui na napalaxa.

Salmos 46:11

¡Ñim Nataxala' maye Qaica ca Ỹaqalanapec, qomi' hueta'agueta! ¡Ñim Natamnaxala' so Jacob nacheñi ñi qaye'eguenaxala'!

Salmos 94:2

Ña 'anachaañi qome, 'am maye 'anmit na netalec ana 'alhua, ña 'aỹa'anem ca 'itchiguiñi nhuaxanaguec na na'amqaanaxaicpi.

Proverbios 16:5

Ñim Nataxala' saisheteguet na ño'oxonnaxaicpi, ỹoqo'oye taỹa'a naqa'en da ỹauo'o ca nhuaxanaguec.

Isaías 10:12

Qaq Ñim Nataxala' qom imat 'enauac nam ỹo'otecpi qome añi qasoxonaxa Sión qataq ye Jerusalén, nache ỹauo'o ca nhuaxanaguec ñi nta'a ye Asiria souaxat da na'amaqchengui nam ỹo'otpi, qataq da ño'oxonnaxac qataq da napagaqaanaxac.

Isaías 14:15

¡Qalaxaye nagui 'am qaỹamaxauec nache 'angui añi huachiqui, añim nshere maye ỹataqta qaỹoqchiguingui!

Isaías 40:23

Ñimaye ỹe'eguelaxata da qaica ca la'amaqchec na 'amaqtaqaicpi shiỹaxauapi, qataq ỹapalaxat na nataxala'pi ana 'alhua.

Jeremías 12:9

Na ỹalamaxat nhuo' le'ecpi, 'eeta'am ca maỹo maye ỹataqta 'onaxaic da lo'oxoỹaxac na laue, cam saiuoten naxa na laỹepi maỹopi. ¡Ñaq qauanaqui qami' shiguiỹacpi maye qami' qauemaicpi qalaỹoñiỹa't qome da qauo'oche ca qarquia'axaqui!

Daniel 4:34

Qaq co'ollaq ipacchigui som qalapaxañi da ñeuaxanaguec, nache aỹem Nabucodonosor samato'ot na piguem, nache ñanomteguet da aỹem qanataren nache qaica so aỹoic, qaq huaña nache sanot da ña'achecỹaxac Ñim Lo'onatac 'Enauacna maye Nataỹaña 'Enauacna nache sho'oxoren Ñim nache 'eetai' da nca'altauec, sheeta': «Da 'ara'añaxac qalaq chochaq tatec qome, da 'aro'onataxanaxac qalaq qaica ca loga't.