Hechos 9:41 - La'aqtaqa Ñim Lo'onatac 'Enauacna 2013

⁴¹ Nache so Pedro ỹacona na lhuaq asomaye, nache ỹanaxanaxaasheguem. Ime, nache iỹaxaneuga so nqaỹañecpi maye ỹa'amaqteetac So Jesús, qataq asom pa'aipi, nache ỹachaxan asomaye da qaltaq nca'alec.

Nuevo Testamento Toba Sur

⁴¹ Nachi somayi ÿacona na lhuaq asomayi, nachi ÿanaxanaxaashiguem. Ime, nachi iÿaxaneuga so nqaÿañicpi qataq som pa'aipi, nachi ÿachaxan asomayi da qaltaq nca'aleec.

Nuevo Testamento Toba Sombrero Negro

⁴¹ Yacona ga'me louaq qama'le yañijeguem; yem qama'le yiyaĝanalo ga'me p'etaqadaiquipi choqoga'me p'ailpi, qama'le yaloĝonouelo da'me nec'aletaye jaga'me.

Hechos 9:41 Referans Kwoze

Hechos 6:1

Qaq se'esoua na'axa'te ỹataqta nquictauec na ỹa'amaqten So Jesús. Nache nam 'amqaanataxanaxaicpi judiopi maye ỹaỹate'n naua la'aqtaqa na griegopi, namayepi nachetega nam laỹepi judiopi, cha'aye namayepi 'eetega da saishet da ỹoqta qailo'oguet anam pa'aipi maye lauo' lashepi da ivita da qoỹanec da ntaunaxanaxac ye na'a'q.

Marcos 1:31

Nache So Jesús nqo'oneua'a asomaye, nache ỹacona na lhuaq, nache ỹanaxanaxaasheguem. Huaña, nache asomaye qaica so le'eraxa, nache huetapegueto soomaye qataq iquia'axaata'ape.

Hechos 20:12

Qaq so nsoq Eutico qaỹauega ca lma', cha'aye nca'alec ỹataqta no'oita. Nache 'enauac somayepi ỹataqta machiguiñi.

Hechos 3:7

Nache so Pedro ỹacona na lhuaq aloic somaye, nache naviguisheguem. Huaña, nache da'añiiguelo naua lchel qataq naua nqonacamo somaye.

Lucas 7:15

Nache se'eso nsoqolec ñesheguem qataq detaqa. Ime nache So Jesús ỹauec so nsoqolec ỹauega ca hueta'a aso late'e.

Lucas 7:12

Qaq co'ollaq mashe ivildeua'a so ñegueuo se'eso nỹecpi, nache ỹauaategueta soua ỹale't da ỹachetra'c so nsoqolec maye leuaxaic da ilayiñi. Se'eso saqca, somaye ỹataqta 'oonolec llalec aso pa'ai. Qaq qalota so shiỹaxauapi yi'iye qanayeeta'a da nnaictague' aso 'alo maye ỹataqta lta'araic da lachoxoyec.

Salmos 146:9

Ñim Nataxala', ntela'a nam chegaqauecpi, qataq itauan nam qaicaua caua lta'al qataq ana pa'aipi, qalaxaye ỹo'ot da deqat da nqa'aicỹaxac nam qauemaicpi.

Da na'aqtaguec so Job 29:13

Qaq na huetapoigui da mashe qaica ca ye, aỹem ỹaatacot naxa da na'achec, qataq da itaunaxanaxac ỹataqta machiguiñi naqa'en da lquiyaqteỹaxac ana pa'aipi.

1 Reyes 17:23

Nache so Elías, sa naỹaloxon da ỹacoosop so nogotolec, nache irogoña so pa'aguiñi nỹec, nache ỹanem aso late'e. Nache, 'eeta': ¡Ña 'aumeten, na 'aỹa'alec, nca'alec!

Génesis 45:26

Qaq co'ollaq da'aqtaxaarem so Jacob da so José ñaq nca'altauec, qataq nacheso so ilotague' 'enauac ye Egipto, nache so Jacob sa ỹaỹaten ca 'eetec qataq cam la'aqtac, cha'aye somaye sa ỹa'amaqten de'era qaỹa'aqtaxaateguem.

Hechos 9:13

Nache co'ollaq hua'aqchigui de'era so Ananías, nache 'enapeco': –'Am Ỹataxala', ỹataqta qalota na aỹem da'aqtaxanem que'eca ỹale nam qalota ỹo'otec sa ỹaỹamaxañi nam netaña ye nỹecpi ye Jerusalén maye 'am ỹa'amaqteetac.

Hechos 9:32

Qaq so Pedro co'ollaq coleetapigui 'enauac na nqaỹañecpi, maye ỹa'amaqteetac So Jesús, nache nataqa'en ivira'a so 'amqaanataxanaxaicpi maye netaña ye nỹecpi ye Lida.

1 Timoteo 5:3

'Autauan aca pa'ai maye ỹataqta qaica ca lauo' le'ecpi da itauan.

1 Timoteo 5:5

Aca pa'ai maye ỹoqta 'eesa da qaỹalata'a't, acamaye imato'ot da naquitaxac Ñim Lo'onatac 'Enauacna da iỹaxaatacot ca ntaunaguec, ye na'a'q qataq ye pe.

2 Reyes 6:7

Nache so Eliseo 'enapeco': Ña 'auaconaxaama. Nache somaye ỹaconaxaama aso qachepe.