Hechos 8:3 - La'aqtaqa Ñim Lo'onatac 'Enauacna 2013

³ Qaq so Saulo, nache ỹataqta iqopitaxanapec da icaatac na ỹa'amaqten So Jesús, inoxotta'ape naua nma'ate. Cam ilalec ỹale, huo'otaq 'alo, nache ỹauogonnauec, nache ỹauegueuo, da yaqto' icoñi'.

Nuevo Testamento Toba Sur

³ Qaq so Saulo nachi ÿataqta ÿoqopitaxanapec da icaatac na 'amqajnataxanaxaicpi, inoxotta'pe naua noiqa. Cam ilalec ÿale, huo'otaq 'alo, nachi ÿauogonnauec, nachi ÿauegueuo, da yaqto' qaicoñi'.

Nuevo Testamento Toba Sombrero Negro

³ Saulo qamqa'me yema'a da'me yecaa'tape jogaa'me p'etaqadaiquipi, nataq'aen quetayilo ga'me emaqapi, nauegapeguegue ga'me jiyaĝadipi nataq'aen yauodipi qaedi yamaĝauelo ga'me coñetaĝanaĝaiqui.

Hechos 8:3 Referans Kwoze

1 Timoteo 1:13

Qaq Somaye aỹem ỹo'otec de'era, na'aictaxa da so lỹa na'a'q ỹataqta sasaxaleguete na itaxaỹaxaco qauema da sa seyacnapec, qataq secaatac, qataq sesheueetac. Qalaxaye Ñim Lo'onatac 'Enauacna ỹataqta aỹem ichoxoren, cha'aye saxanaxa da sa'amaqten So Jesús, qataq ỹataqta sa saỹaten da so'ottac.

Filipenses 3:6

Qaq ỹataqta huo'o da iuogoxo da sepaqueelec co'ollaxa na namaxasoxonaxacpi, ỹoqo'oye sevira'a da secaatac nam ỹa'amaqten so Jesús. Qaica ca ishet da ỹauo'o ca ỹasouaxashet da 'eetega da sa sepaguelec na namaxasoxonaxacpi.

Gálatas 1:13

Qami' mashe qauaỹaañi da ỹataxac co'ollaq shectaigui da la'amqaanataxanaxac na judiopi. Nataqa'en qauaỹachiñiita da sheetec co'ollaq da sauo'o da lta'araic nque'eenaxac nam ỹa'amaqteetac Ñim Lo'onatac 'Enauacna qataq da sheetec da sauotaique da ỹataqta selaxachigui.

1 Corintios 15:9

Cha'aye aỹem qaica ca ỹa'amaqchec, saq shena'am na laỹepi lamaxashecpi So Jesús, qataq sa yaloua'a da aỹem qoỹanagui da aỹem lamaxashec Somaye, cha'aye secaatac na ỹa'amaqteetacpi co'ollaxa.

Hechos 22:19

Nache aỹem sheeta': «'Am Ỹataxala', namayepi ỹaỹaten da aỹem shectagui co'ollaxa 'enauac ana napaxaguenaxaquipi na judiopi, nache saconeua'a da secoñe' 'enauac nam ỹa'amaqteetac da qoneta, qataq seuaxaatac.

Hechos 9:21

Nache 'enauac nam na'axaỹaxaatega somaye ỹataqta huo'o da la'aalaxa, nache 'eeta': –¿Saisheto' peta'a da saq nachera dam ỹale maye icaatac nam quetague' So Jesús maye netaña ye Jerusalén? Qataq ¿saisheto' peta'a da saq nachera dam naỹa'a ne'ena souaqta'a da ỹaconeua'a da icoñi' na ỹa'amaqten So Jesús, nache ỹaneua'a nam lataxala'pi na ntaxaỹaxanaxanecpi?

Hechos 7:58

Nache qaỹauogonnaueegue da laỹe so nỹecpi, nache qaira'a na coma' da qaỹasaq. Qaq nam da'aqtaxan co'ollaxa da 'eetega da huo'o ca lasouaxashet, somayepi icotano'oto naua lapo'ote so nsoq le'enaxat Saulo.

Santiago 2:6

Qaq ¿ta'ainco' qami' da saishet da qauyacñiỹapec qataq qauo'otañi na choxoraqpi? ¿Saisheto' peta'a da sa nachena nam sallaxanecpi na saq qami' iyacna'ape qataq qami' ỹamaxaiguilo ana ncoñetaxanaxaquipi?

Hechos 8:2

Qaq huo'o som ỹalleppi maye ỹo'oxoreetac Ñim Lo'onatac 'Enauacna som ilayiñi co'ollaxa so Esteban. Somayepi ỹataqta nỹeetapeguelec somaye.

Hechos 16:19

Qalaxaye so na'aco'pi aso qa'añole co'ollaq ila'a da mashe qaica som dauegaxaatapigui no'onataxac asomaye, nache qaỹaconeua'alo so Pablo qataq so Silas, nache qaỹauegueua'alo ca nlagaqa' maye netangui na laiñi so nỹecpi da yaqto' qaỹataxanoto soua nta'al maye ilotague' se'eso nỹecpi.