Hechos 7:3 - La'aqtaqa Ñim Lo'onatac 'Enauacna 2013

³ Nache Ñimaye 'enapego' somaye, 'eeta': «Qoca'ai na 'ana'alhua, qataq 'enauac nam 'arhuo' le'ecpi, nache 'anqo'ona qome ye 'alhua maye 'am sachaxana.»

Nuevo Testamento Toba Sur

³ Nachi ñimayi 'enapego' somayi, 'eeta': “Qoca'ai qome na 'an'alhua, qataq 'enauac nam 'adhuo' l'ecpi, nachi 'anqo'ona qome yi 'alhua mayi 'am sachaxana.”

Nuevo Testamento Toba Sombrero Negro

³ qama'le yanem da'me 'laqatac: «Oca'e jena'me a'naleua nataq'aen gaa'me adaqaya'olqa, qama'le auec'ata ga'me aleua jo'ne am jaloĝona qomle.»

Hechos 7:3 Referans Kwoze

Génesis 12:1

Qaq huo'o so na'a'q, nache Ñim Nataxala', 'enapega so Abram, 'eeta': «Qoca'ai na 'ana'alhua, qataq na 'arhuo' le'ecpi, qataq ye lma' ñi 'arta'a, da yaqto' 'anqo'ona yem 'alhua maye 'am sachaxana qome.

Hebreos 11:8

So Abraham huo'o da lpi'iỹaxac Ñim Lo'onatac 'Enauacna, ỹoqo'oye ỹalaxaguet Ñimaye co'ollaq 'enapega da ca'ai ye na'alhua da taỹa ca lỹa 'alhua maye ỹami' Ñimaye, nache so Abraham ỹalaq na'aictaxa da saishet da ỹoqta ỹaỹateeta cam taỹa'ague.

Josué 24:3

Qaq nache sachegoxotchiguiña co'ollaxa ye loigue so tala Éufrates da seỹaxana so Abraham, nache quelec ñaqa'en 'enauac ne'ena 'alhua da ñauega na Canaán. Nache sa'auaxaañi da sanem so llalec Isaac, qataq so'ot da ỹataqta nquictauec so chegoxoguetpi, nache ivitta'a da ỹataqta qalota,

Génesis 15:7

Nache 'enapega somaye, 'eeta': «Aỹem nachaỹem Nataxala', Aỹem 'am ñeqateeguesop co'ollaxa ye Ur maye lma' na caldeopi, da yaqto' 'am sanem ne'ena 'alhua da 'aralamaxat.»

2 Corintios 6:17

Qaq ỹoqo'oye nataqa'en Ñim Nataxala', 'eeta': «Qoquiỹa'ai qome namayepi, qataq qauỹocheelec; qataq saishet qome da qa'aitapegueua'a ca ishet da deshepaxanaqtaxan. Yaqto' Aỹem ishet da qami' saconegueta.

Lucas 14:33

Ỹoqo'oye camachaqca ca huotaique da ỹapaxaguenatac, nache 'onaxaic da nataqa'en deuennataxaatelec da huo'otaq ishet da ỹañoxot da ỹaxanec 'enauac nam hueto'ot.

Mateo 10:37

Ca ỹactec da ỹauotec ca lta'a, huo'otaq aca late'e, da saq 'ena'am naqa'en Aỹem da lauoche, huo'otaq cam ỹactec da ỹauotec ca llalec, huo'otaq aca llale, da saq 'ena'am naqa'en Aỹem da lauoche, nache camaye saishet da ỹalamaxat.

Nehemías 9:8

Cha'aye 'auaỹateeta da ỹataqta 'am pi'iỹa'a, nache 'auo'ot so 'anaỹamaxataxac da 'anaỹamaxate' somaye, nache 'auachaxanapeguem ca chegoxoguetpi somaye da 'aỹa'anem ye na'alhua ye cananeopi, hitiitapi, amorreopi, fereseopi, jebuseopi, gergeseopi. Nache ỹataqta 'aupacchigui da 'ara'aqtac, cha'aye 'am nache 'eetai' da 'aupacchigui naxa na 'ara'aqtacpi.

Hechos 7:4

Nache so Abraham ca'ai ye 'alhua Caldea, nache taỹa ye Jarán da nalec. Qaq co'ollaq qaỹata'ague, nache so lta'a ileu, nache Ñim Lo'onatac 'Enauacna nauega so Abraham ne'ena 'alhua maye qoñiitalec nagui.

Génesis 20:13

Ñim Lo'onatac 'Enauacna co'ollaq aỹem 'enapega da sheca'ai ye lma' so ita'a, nache setaxaỹot añimaye da huo'otaq huo'o ca seviraxa nma', nache ỹa'axat da ỹaqaỹa.»