Hechos 26:3 - La'aqtaqa Ñim Lo'onatac 'Enauacna 20133 Cha'aye aỹem saỹateeta da 'am ỹataqta 'auaỹateete' naua qarataxaco qomi' judiopi, qataq dam ñecotaqtapigui. Qaq ỹoqo'oye aỹem 'am ñachoxonnot da aỹem 'anhualaxaune' da aỹem 'ana'axaỹaxana. Gade chapit laNuevo Testamento Toba Sur3 Cha'ayi aÿim saÿateeta da 'am ÿataqta 'auaÿateete' naua qan'onataxaco qomi' judío lashi', qataq dam de'eda ñicotaqtapigui. Qaq ÿoqo'oyi aÿim 'am ñachoxonnot da aÿim 'anhualaxaune' da aÿim 'an'axaÿaxana. Gade chapit laNuevo Testamento Toba Sombrero Negro3 qa'a jayaten da'me am jaliaĝanec queda'me auateto'n gaa'me naya'aque jo'ne 'loyaĝaco joga'me judiopi nataq'aen gaa'me uo'oe jo'ne ñecotaqatapiyelo. Qo'che' am ñachoĝodenot qaedi cha'li jayem anaquiaĝana. Gade chapit la |
Hechos 26:3
13 Referans Kwoze
Qaq 'iñi ñi nta'a Agripa qomi' ỹalectaiguilo, ñimaye ỹataqta ỹaỹateeta de'era. Qaq ỹoqo'oye aỹem saishet da ñeteltapiguiñi da aỹem hua'aqtega ñimaye da sa'aqtaxaatac, cha'aye saỹaten da ñimaye nataqa'en ỹaỹateeta 'enauac de'era. Cha'aye damaye saishet da huo'otaq ỹapogoñi ca lataxac; damaye ỹataqta ỹaatec.
Qaq can mashe ivi' tres na'axa'te da souaqta'a ye Roma, nache so Pablo damaxasoxoneuga nam lataxala'pi na judiopi maye netaña yemaye. Qaq can mashe laỹoota'a't somayepi, nache so Pablo 'enapega, 'eeta': –Qami' ỹaqaỹañicpi, aỹem na'aictaxa co'ollaxa da qaica ca so'otec na qarhuo' judiopi, qataq qaica da ñepa'agueetega da lataxac som hua'au qarta'alpi, qalaxaye ñaqaiyeta namayepi aỹem icoñi' can huaña ye Jerusalén, nache aỹem ỹaneua'a na nta'alpi na Roma le'ecpi.
Nataqa'en nam llalaqpi soua sachegoxosoxogueta doce llalqa so Israel, namayepi nataqa'en iuattaique qom ivita da ipacchigui de'era qaỹachaxanapec co'ollaxa. Qaq ỹoqo'oye namayepi ỹo'oxoreetac Ñim Lo'onatac 'Enauacna 'enauaque naua na'axa'te qataq naua pe'. Qaq nachera de'era ñaquitaxac, 'am ita'a Agripa, da huo'omshe na judiopi aỹem npa'agueetega.
Qalaxaye aỹem ña seqalaataique ca ỹa'aqtac da yaqto' samaxa cam qarta'a maye neta'ague da Roma, da sa'axat ca lasouaxashet damaye, qaq ỹoqo'oye damaye qami' ñauegueua'alo. Qaq aỹem ỹataqta 'am salamaxatchigui, 'am nta'a Agripa, da yaqto' 'aunat damaye, yaqto' aỹem qome ishet da huo'o ca shiyiñi ỹa'aqtaxanaxac da samaq.
Qaq namayepi la'axaỹaxac da 'am 'auapaxagueetapegueco' 'enauac nam judiopi maye neta'alo naua ỹaqa'alo 'aleu', da yaqto' saishet da ỹalaxaguet nam namaxasoxonaxacpi maye chegoqo'ot so Moisés, qataq qonetego' da saishet da ỹauo'o na na'anaxat na lo'oc na llalec, qataq saishet da ỹo'ot 'enauac nam so'otaqtac qomi' judiopi.
Piblisite