Hechos 2:3 - La'aqtaqa Ñim Lo'onatac 'Enauacna 2013

³ Huaña, nache qaila'a so 'eeta'am na le'eraxa na norec, da netalec ñi 'oonolec somayepi.

Nuevo Testamento Toba Sur

³ Huaña, nachi yi'oq so nachaxatpi, 'eeta'am na nodec l'edaxa, nachi se'eso nachaxatpi talec ñi 'oonolec somayipi.

Nuevo Testamento Toba Sombrero Negro

³ Qama'le ena'uaque jogaa'me, onolqa'tape netelo'te naa'me laqai'go ga'me dole' 'me ena'am ga'me nachaĝat.

Hechos 2:3 Referans Kwoze

Mateo 3:11

Qaq 'eesa da aỹem nagui qami' ñachelaxanguilo na 'etaxat, qaq damaye naigui da qami' qaỹa'axañeere'c naua qauema maye qauo'ocheeta'ape. Qalaxaye cam aỹem nca'attalec, camaye dachelaxanataxana qome So Saqcha'a Na'añaxac Qui'itta qataq ca norec. Qaq camaye ỹataqta ỹactec da la'añaxac, saishet da sheeta'am. Na'aictoxo' da choche aỹem l-latac ỹataqta saishet da ñaloua'a.

Jeremías 23:29

Naua ỹa'aqtaqa 'eeta'am ca norec, qataq 'eeta'am aca ntoqnaxanaqte lcat maye ishet da ilaxachigui ca coma'. Qaq 'era da ỹa'aqtac Aỹem Nataxala'.

Hechos 2:4

Nache 'enauac somayepi ỹataqta nlaqchigui So Saqcha'a Na'añaxac Qui'itta. Huaña, nache da'aqtaxanguilo naua ỹaqa'alo na'aqtaqa maye chegoqo'oto Somaye.

Lucas 24:32

Nache soomaye detaqtega'to', 'eeta': –¡Qache ỹoqta 'eesa de'era ntonaxa'c naua qarquiyaqtel, quiye so ñanaguenaqtague' na nqa'aic, can qomi' da'aqtaxaatapeguema naua naiguilo naua ñiyigui'she maye nanettaleguete ana nere!

Génesis 11:6

nache 'eeta': «Namayepi maiche nhuo' le'ecpi, qataq 'eeta'a't naua la'aqtaqa, ỹoqo'oye ỹacoolec de'era no'onataxanaxac, qaq nagui, nache qaica ca nqanaxat qome de'era ỹacoolec da ỹo'ot.

Apocalipsis 14:6

Ime, qataq sela'a so lỹa namaxashec piguem le'ec, huaỹotac, queto'ot na piguem. Ỹachetac da no'on na'axaỹaxac maye huo'o naq 'enec qataq qaica ca loga't, da yaqto' da'aqtaxanem 'enauac na ỹotta'a't shiỹaxauapi maye netalec na ỹotta'a't 'alhuapi qataq ỹotta'a't na la'aqtacpi.

1 Corintios 12:10

Qataq huo'o na ỹanem da na'añaxac da ỹo'ot na sa qaỹauanapega, qataq huo'o na ỹanem da ỹa'axa't naua na'aqtaqa maye chegoqo'oto Ñim Lo'onatac 'Enauacna. Qataq huo'o na ỹanem da ỹauatton nam saq cha'api da huo'otaq choche tenataxanaxaic da nachaxan, huo'otaq nacheso So Saqcha'a Na'añaxac Qui'itta. Qataq huo'o na ỹanem da detaxaiguilo naua na'aqtaqa maye sa qaỹaỹate'n. Qataq huo'o na ỹanem da ỹaỹaten da ỹa'axa't ca naiguilo ne'enaua na'aqtaqa.

Hechos 2:11

Qataq huo'o nataqa'en na chegaqa'ata añi ỹaqa'ata 'alhuole le'enaxat Creta, qataq huo'o na chegaqa'a ye 'alhua Arabia. Qalaxaye 'enauac da shenaqta sa'axasoqtega da qaỹa'axattac nam qaica ca 'ena'am ỹo'otpi Ñim Lo'onatac 'Enauacna da qaỹa'aqtaxaatapoiguilo naua maiche qara'aqtaqa.

Mateo 3:15

Qalaxaye So Jesús 'enapeco': –'Onaxaic da 'auo'ot nagui de'era. Cha'aye qomi' iuen da sepagaqtelec dam la'aqtac Ñim Lo'onatac 'Enauacna. Nache so Juan ỹaỹamaxareeta,

Apocalipsis 11:3

Nache Aỹem sama'q caua dos ỹa'aqtaxanaxanaqa, da yaqto' ỹa'axa't da ỹataqta 'eesa ỹa'aqtaxanaxac. Qaq caamaye qom sama'q qalaq ỹaatrañi ñaqa'e'n caua alogo lasouaxaqui', da yaqto' ỹa'axat da ỹa'aqtaxanaxac iviraxattre'c que'ecaua tres vi'iye qataq ca laiñi ca lỹa vi'i.»

Santiago 3:6

Naua qara'aqtaqa maye ñasaxasoxorec chegoqchigui ñi qarachaxat, naamaye 'eeta'am ca norec. Ñi qarachaxat ỹataqta lta'araic da la'añaxac da ỹo'ot ca qauem. Ishet da chegoqchigui ñimaye da deqat da qanachaalataxac qataq qomi' iviraxata'alo da qomi' qaỹasaxanguilo ca norec maye nhuaxanaqa' na 'etaxaloxoicpi.

Isaías 6:5

Qaq huaña nache shenapec: «¡Choxoraicolec aỹem, yo'oqta da seleu nagui! Cha'aye ỹataqta sauaachigui Ñi Nta'a, Ñim Nataxala' maye Qaica ca Ỹaqalanapec, cha'aye aỹem ỹataqta aỹem 'etaxaloxoic, qataq salectaigui na nhuo' le'ecpi maye ỹataqta qauema naua la'aqtaqa.»

Salmos 55:9

'Am Nataxala', 'aulaxachigui qome namayepi, qataq sa naỹaana't 'anqa'en na la'aqtacpi, cha'aye qaica ca lỹa sela'a nda'a't da loquiaxac, qataq qaica ca nhuoteete' ca lỹa,

Hechos 1:15

Qaq se'esoua na'axa'te, nache so Pedro nachangui na laiñi so lqaỹañecpi maye ivi' ye ciento veinte shiỹaxauapi. Nache 'enapega, 'eeta':

Hechos 2:2

Nache nque'elaxatta da qaỹa'axaỹa so lta'araic nllimiaxa, chemqot na piguem, 'eeta'am da l-lamaxa na lta'araic la'at, ỹataqta iqaqñigui cam nỹec maye qanayeetaigui.