Hechos 2:2 - La'aqtaqa Ñim Lo'onatac 'Enauacna 2013

² Nache nque'elaxatta da qaỹa'axaỹa so lta'araic nllimiaxa, chemqot na piguem, 'eeta'am da l-lamaxa na lta'araic la'at, ỹataqta iqaqñigui cam nỹec maye qanayeetaigui.

Nuevo Testamento Toba Sur

² Nachi nque'elaxatta da qai'axaÿa so lta'adaic nllimiaxa chimqot na piguem, 'eeta'am da l-lamaxa na lta'adaic l'at, ÿataqta ÿaqaqñigui cam noÿic mayi qanayiutaigui.

Nuevo Testamento Toba Sombrero Negro

² Qampaja'a qaale, 'uo ga'me 'noĝoyaĝac jo'ne chiyoĝogue di'me piyem, ena'am ga'me layat qom vichaĝaguet, yema en t'oqo ga'me emec jo'ne uetedaue jogaa'me.

Hechos 2:2 Referans Kwoze

Hechos 4:31

Nache co'ollaq ime da nqouagaxaunaxac somayepi, nache que'eca qanayeeta'a ỹataqta cholaxan. Nache 'enauac somayepi ỹataqta nlaqchigui So Saqcha'a Na'añaxac Qui'itta. Nache chegoqchiguiña da 'enauac somayepi da ỹa'axattac So Jesús ỹataqta qaica ca ñe'etaique.

1 Reyes 19:11

Nache Ñim Nataxala', 'enapeco': «Ñaq 'ampa'auec, nache aỹem 'auataỹot da qoueta'a ana'ana qasoxonaxa.» Qaq Ñim Nataxala', nache nateuga co'ollaxa yemaye, huaña nache anac so la'at lta'araic, nache depoqogui naqa'en aso qasoxonaxapi, qataq dolagui naqa'en aso coma'pi, qalaxaye Ñim Nataxala' saishet da huetaigui se'eso la'at. Qaq co'ollaq ỹoxogue se'eso la'at, nache huo'o so nacholaxanaxa, qalaxaye Ñim Nataxala' ñaqaiyeta saishet da huetaigui somaye.

Salmos 18:10

Qataq nelec so huo'oi naua laua't le'enaxat querubín, nache huaỹo quetaigui na la'at.

Juan 3:8

Na la'at da nashiiyisheguem, qalaq maiche ỹoiqueetac ca dataigue. Qaq 'am 'aua'aqtega na l-lamaxa, qalaxaye saishet da 'auaỹaten cam chegoqchiguiña qataq cam taỹa'ague. Qaq, nache 'eeta'am da lataxac 'enauac na chegoqo'ot da lañoxoc So Saqcha'a Na'añaxac.

Isaías 65:24

Namayepi qom saxanaxa da aỹem iỹaxana, nache Aỹem sasateguet qome, qom saxanaxa da ivirec ca ltaxaỹaxac, nache Aỹem mashe sa'axaỹa qome.

Malaquías 3:1

Ñim Nataxala' maye Qaica ca Ỹaqalanapec 'enapec: «Mashe huotaique da ñamaq ñim ỹa'aqtaxanaxanec, da yaqto' iqataxanai' cam ñaqa'aic. Ñim Nataxala' maye qanmicheetaique, mashe saqaỹaloq da naỹa añim atamnaxaqui maye lalamaqte. ¡Mashe anacta nam na'aqtaxanaxanec maye ndoi' na aỹamaxataxac maye qanqopicheetaique!»

Cantares 4:16

'Am la'at quenaquiaxaic, ¡ña 'anlouec! 'Am la'at nte, ¡ña 'auanac! ¡Ña 'auasheerelec ye ỹañiguishe lma' nache huaỹoxonec 'anqa'en na ama laitaỹaxac! ¡Anac qome ca ỹauotaxat da nauga ye lañiguishe lma', nache chec ana ala maye qaica ca 'ena'am da lamaic!

Lucas 2:13

Huaña, nache nque'elaxatta da nachaxan so qalota namaxashecpi piguem le'ecpi, somayepi do'onaxaatac ỹo'oxoreetac Ñim Lo'onatac 'Enauacna, 'eeta':

Hechos 2:3

Huaña, nache qaila'a so 'eeta'am na le'eraxa na norec, da netalec ñi 'oonolec somayepi.

Hechos 2:6

Nache co'ollaq qaỹa'axaỹa se'eso nllimiaxa, nache lapona't 'enauac so shiỹaxauapi, nache ỹataqta sa ỹaỹaten ca 'eetec souaxat da ñi 'oonolec hua'aqtega da qaỹa'aqtaxaatapiguilo naua maiche la'aqtaqa.

1 Pedro 1:12

Qalaxaye Ñim Lo'onatac 'Enauacna ỹaỹaanaxanaxanec somayepi da de'era ỹa'axattac saishet da lalamaxat somayepi, cha'aye damaye qaỹauotaique da qaralamaxache. Qaq 'era dam na'aqtaxanaxac maye qami' ỹanema som qami' da'aqtaxanema da no'on na'axaỹaxac. Qaq somayepi ỹachegoxotchigui da la'añaxac So Saqcha'a Na'añaxac Qui'itta maye chegoqo'ot na piguem. ¡Qaq de'era nachera da huotaique nataqa'en da ỹauaachigui co'ollaxa nam chegaqasheguem lamaxashecpi Ñim Lo'onatac 'Enauacna!