Hechos 1:5 - La'aqtaqa Ñim Lo'onatac 'Enauacna 2013

⁵ Cha'aye 'eesa da so Juan dachelaxanataxangui na 'etaxat, qalaxaye naua lỹa't na'axa'te Ñim Lo'onatac 'Enauacna, qami' nachelaxanguilo ca Saqcha'a Na'añaxac Qui'itta.

Nuevo Testamento Toba Sur

⁵ Cha'ayi 'eesa da so Juan dachilaxanataxangui na 'etaxat, qalaxayi naua lÿa't na'axa'te nataq'en qami' qanachilaxanguilo ca Espíritu Santo.

Nuevo Testamento Toba Sombrero Negro

⁵ Yataqachiñe eja queda'me Juan dachilaĝanataĝanec ga'me noĝop; qalaĝaja ja cop'a qama'le ami qonachilaĝaneque joñe'me Dios Lepaqal jo'ne ja 'nalegue.

Hechos 1:5 Referans Kwoze

Mateo 3:11

Qaq 'eesa da aỹem nagui qami' ñachelaxanguilo na 'etaxat, qaq damaye naigui da qami' qaỹa'axañeere'c naua qauema maye qauo'ocheeta'ape. Qalaxaye cam aỹem nca'attalec, camaye dachelaxanataxana qome So Saqcha'a Na'añaxac Qui'itta qataq ca norec. Qaq camaye ỹataqta ỹactec da la'añaxac, saishet da sheeta'am. Na'aictoxo' da choche aỹem l-latac ỹataqta saishet da ñaloua'a.

Lucas 3:16

Qalaxaye so Juan 'enapega 'enauac so shiỹaxauapi, 'eeta': –Aỹem 'eesa da qami' ñachelaxanguilo nagui na 'etaxat, qalaxaye huo'o na aỹem nca'attalec maye ỹataqta ỹactec da la'añaxac napacalec aỹem. Namaye qami' nachelaxanguilo So Saqcha'a Na'añaxac Qui'itta qataq norec. ¡Aỹem ỹataqta sa yaloua'a Namaye na'aictaxa da choche aỹem l-latac!

1 Corintios 12:13

Cha'aye qomi' huo'o na judío le'ec, qataq huo'o na saishet. Qataq huo'o na nlatacpi, qataq huo'o na huesochiguiñi. Qalaxaye 'enauac qomi' qanachelaxanguilo So Saqcha'a Na'añaxac Qui'itta, da yaqto' 'oonolec ca qara'amqaanataxanaxac qataq 'oonolec da qaro'ocỹaxac. Qaq ñi 'oonolec da shenaqta, Ñim Lo'onatac 'Enauacna ỹami' So Saqcha'a Na'añaxac Qui'itta.

Tito 3:5

na'aictaxa qomi' da qaica ca ỹaỹamaqchiguiñi da so'otaq, qalaxaye maiche chegoqchigui da qui'itta lsoxoyec Ñimaye, da qomi' nca'alaxatre'c, qataq qomi' iỹoi' qataq qomi' naralaxa't. Ime, nache qomi' ỹanema da dalaxaic achaalataxac ỹachegoxotchigui naqa'en So Saqcha'a Na'añaxac Qui'itta.

Hechos 19:4

Nache so Pablo 'enapeco': –Aja', so Juan co'ollaxa nachelaxaatac nam shiỹaxauapi maye ỹaxaare'c naua no'onataxaco, qalaxaye nataqa'en 'enapega namayepi da yaqto' ỹa'amaqten cam anatai' maye nca'attalec, qaq nacheso So Jesús Som Lca'aguishec Ñim Lo'onatac 'Enauacna.

Hechos 10:45

Nache soua judío lashe' maye nnaictagueto so Pedro, soomaye ỹataqta huo'o da la'aalaqa' da So Saqcha'a Na'añaxac Qui'itta nataqa'en ishet da qoỹanem nam saishet da judiopi.

Juan 1:31

Qaq aỹem saishet da ỹoqta sauattoota chaq negue't Namaye. Qalaxaye aỹem ñanacto'ot da sachelaxanataxaatega na 'etaxat, yaqto' na Israel le'ecpi ishet da ỹauatton Namaye.

Joel 3:18

Nache que'eca na'a'q, na lataxa qataq na huaca lche', 'eeta'am qome na 'etaxat maye chegaqasheguema ana qasoxonaxapi qataq anam lcomaraxalatepi, qataq na la'auaxacpi ye Judá, nlaxagui qome na 'etaxat. Nache añi atamnaxaqui maye ỹalamaqte chegoqchiguiña qome na npaxaatasheguem 'etaxat, da icorelec ye ca'amegue ye Sitín.

Mateo 3:6

Nache somayepi ỹa'axa't naua lasouaxashe'ete da ỹaxaare'c, nache so Juan nachelaxangui so tala Jordán.

Juan 1:26

Nache so Juan 'enapeco': –Aỹem sachelaxanataxana na 'etaxat. Qalaxaye da qoñiita huo'o dam qami' huetanguilo maye saishet da qauauattoñi.

Juan 1:33

Qaq aỹem ñaq saxanaxa da sauatton co'ollaxa Namaye. Qalaxaye Ñim aỹem namaq da yaqto' sachelaxanataxana na 'etaxat, Ñimaye aỹem 'enapega co'ollaxa, 'eeta': «Qom 'am 'auauaachigui So Saqcha'a Na'añaxac Qui'itta da huo'otaq anac, nache talec ca shiỹaxaua, qaq que'eca shiỹaxaua, nacheca ca dachelaxanataxana So Saqcha'a Na'añaxac Qui'itta.»