Hechos 1:4 - La'aqtaqa Ñim Lo'onatac 'Enauacna 2013

⁴ Qaq co'ollaq ñaq hueta'agueta soua lamaxa'she, nache So Jesús huaqattegalo soomaye da saishet da quera'ai ye Jerusalén, 'eeta': –Qauachiỹa'aguet qome cam ỹachaxanapec Ñim Ita'a maye qami' ỹanema, dam mashe qami' sa'aqtaxaateguema.

Nuevo Testamento Toba Sur

⁴ Qaq co'ollaq ñaq hueta'agueta soua lamaxa'shi, nachi so Jesús huaqattegalo soomayi da sa ishit qome da queda'ai yi la ciudad Jerusalén. 'Eeta': –Qami' qauachiÿa'aguet qome cam ÿachaxanapec ñi ita'a da qami' ÿanema, cam mashi qami' sa'axattapeguema.

Nuevo Testamento Toba Sombrero Negro

⁴ Ca'li maliaĝa uetauelo gaa'me lamaĝa's, ñe'me Jesús uaqatalo jogaa'me, enaac: —Ena'te oquiya'e di'me Jerusalén, dite da'me cha'li auachiya'a ga'me jo'ne joote ami ja'aĝatapema, 'me jetaque ami yanema ñe'me Taĝadena'.

Hechos 1:4 Referans Kwoze

Lucas 24:49

Qaq Aỹem qome qami' ñamaxalo cam ỹachaxanapec co'olloxocheye Ñim Ita'a. Qalaxaye qami', nache qoviita'a qome na Jerusalén, nato' qom mashe qauacoñiiguet cam na'añaxac maye chegaqasheguem.

Juan 14:16

Qaq Aỹem ñachoxonnot Ñim Ita'a, da yaqto' qami' namaxalo ca Saqcha'a Na'añaxac Qui'itta da qami' itaua'n, qataq nache 'eetai' da qami' hueta'agueta,

Juan 15:26

Qalaxaye qom ivita da anac cam qami' itaua'n qataq qami' ỹa'añaqche't, Cam Saqcha'a Na'añaxac maye ỹoqta 'eesa, cam qami' ñamaxalo maye chegoqo'ot Ñim Ita'a, camaye qome Aỹem ỹa'axat.

Hechos 2:33

Qaq ỹoqo'oye Ñim Lo'onatac 'Enauacna ỹacoosop da ỹaueegue da piguem, nache ỹana'ague da aloic. Huaña, nache Somaye ỹaconeguet So Saqcha'a Na'añaxac Qui'itta maye ỹachaxanapeguem co'ollaxa Ñim Lta'a da ỹanem Somaye. Ime, nache Somaye qomi' ỹanema se'eso Saqcha'a Na'añaxac Qui'itta maye nataqa'en qomi' ỹachaxanapecoto co'ollaxa. Qaq nachera de'era qauloitagui qataq qaua'aqaitega nagui.

Juan 7:39

Qaq de'era 'enapec So Jesús, damaye naigui da ca ỹa'amaqten Somaye, nache camaye ỹaconeguet So Saqcha'a La'añaxac Ñim Lo'onatac 'Enauacna. Cha'aye So Saqcha'a Na'añaxac Qui'itta saxanaxa co'ollaxa da anac, cha'aye So Jesús saxanaxa da ivita ca laloqo' da ileu qataq da nca'alec.

Juan 20:22

Nache Somaye iquetetoiguilo soomaye so la'at, nache 'enapegalo, 'eeta': –Qauacoñiiguet qome na Saqcha'a Na'añaxac Qui'itta.

Lucas 12:12

Cha'aye qom ivita ca laloqo' da qautaqai, nache som Saqcha'a Na'añaxac Qui'itta qami' ỹapaxagueneque cam iuen da qanasaqaiuec.»

Lucas 11:13

Qami' matem qami' qauemaiqa, qalaq qauaỹaañi da qaỹa'añim ca no'on ca qaỹa'alqui, qaq ¿hua'ago' da saq ỹactec ñi Qarta'ai maye Lo'onatac 'Enauacna maye neto'ot na piguem da ishet da ỹanem So Saqcha'a Na'añaxac Qui'itta cam iỹaxanot Ñimaye?»

Hechos 10:41

Qaq Somaye saishet da imauec da nachaxana 'enauac na shiỹaxauapi, nacheqomaqta da ñauanaxai'. Cha'aye Ñim Lo'onatac 'Enauacna qomi' lca'agui'she co'ollaxa, da yaqto' qomi' sa'axataq da qarauanaqchec. Qaq qomi' ỹataqta qarquia'axaua Somaye qataq qanỹomaxaua co'ollaq mashe qaltaq nca'alec qanqoỹen.

Mateo 10:20

Cha'aye saishet da nache qami' da qautaqai. Cha'aye som Saqcha'a La'añaxac Ñim Lo'onatac 'Enauacna, nacheso som qami' detaxaiguilo.

Números 9:22

Qaq huo'o naxa da dos na'axa'te, huo'otaq 'oonolec ca'agoxoic huo'otaq 'oonolec vi'i da ipelteetalec so npe'l se'eso lo'oc, nache so Israel le'ecpi qaica ca ldaxac, saishet da jec. Qaq naxa da naỹoxoosheguem se'eso lo'oc, nache somayepi qaltaq jec.