Hechos 1:3 - La'aqtaqa Ñim Lo'onatac 'Enauacna 2013

³ Qaq co'ollaq ime da l-leuaxa, nache So Jesús qaltaq nachaxanalo soua lamaxa'she, qaq ivi' naua cuarenta na'axa'te da jec da nachaxanaxac. Qaq de'era nachaxanaxac ỹa'axat da Somaye ỹoqta 'eesa da nca'altauec. Nache Somaye da'aqtaxaatapeguema soomaye da lo'onataxanaxac Ñim Lo'onatac 'enauacna.

Nuevo Testamento Toba Sur

³ Qaq co'ollaq ime da l-leuaxa, nachi so Jesús qaltaq nachaxanalo soua lamaxa'shi. Qaq ivi' naua cuarenta na'axa'te da jec da nachaxanaxac, qaq de'eda nachaxanaxac i'axat da somayi ÿoqta 'eesa da nca'altauec. Nachi somayi i'axattapeguem somayipi da l'onataxanaxac ñi Dios da ilo'ogue 'enauacna.

Nuevo Testamento Toba Sombrero Negro

³ Nach'egaua jo'ne yitaĝa dajoya'agueta ñe'me Jesús ca'li yoĝo'yi da'me leleuaĝa, nach'eda yataqachiñe en di'yoq jo'ne laloqotenaĝanaĝac queda'me maliaĝa nec'aletaye. Nalo'taguet cuarenta gaa'me noloqo'ote da'me cha'li yec'atetedac jogaa'me nataq'aen 'yaĝatetapema da'me lejaliaĝa joñe'me Dios.

Hechos 1:3 Referans Kwoze

Hechos 13:31

Nache ỹataqta huo'oi soua na'axa'te da nachaxaategalo soua lapaxaguenataqa maye ỹataqta nnaigaxau' co'ollaq chegoqchiguiña ye 'alhua Galilea, choche ivitta'a ye nỹecpi ye Jerusalén. Qaq nagui nachesoua soomaye som da'aqtaxaatapeguema na shiỹaxauapi de'era.

Juan 20:26

Qaq co'ollaq mashe ivi' naua ocho na'axa'te, nache soua napaxaguenataqa qaltaq lapoota'a't da huetra'a so nỹec, nache ỹalectauo so Tomás da hueta'agueta soomaye. Qaq na'aictaxa da ỹataqta ỹapochigui so lasom, qalaq So Jesús pa'auo, nache vichiguinguilo soomaye. Nache iqui'n, 'eeta': –Ñim Lo'onatac 'Enauacna qami' ỹanema da lqouagaxanaqtaic qataq da qarlagaxayiqui.

1 Juan 1:1

Sauoqo'o ana qorere da qami' samaxasaxalo, da qami' sa'aqtaxanaxama som sauanaqchigui qataq sa'axasoqchigui, som Na'aqtac maye chegaqaigui da nca'alaxa som nale'ena co'ollaxa da huo'o, co'ollaq saxanaxa da ỹo'ot ana 'alhua Ñim Lo'onatac 'Enauacna. So'otaq damaye yaqto' ishet da nalochiguiñi da qantonaxac, qataq da yaqto' nache 'eetai' da qomi' qana'ayeetaua'alo, 'eeta'ama qomi' da qolaqto'ot da ña'araqtaua'a Ñim Lo'onatac 'Enauacna maye Nta'a qataq So Llalec Jesucristo. Se'eso Na'aqtac maye chegaqaigui da nca'alaxa nacheso So Jesucristo, qataq nacheso so ỹan da 'eesa nca'alaxa. Qaq de'era nca'alaxa damaye chochaq tatec. Somaye nache 'eetai' da hueta'aguet Ñim Lo'onatac 'Enauacna maye Lta'a, qalaxaye qomi' naỹalo. Qaq qomi' maye qomi' lapaxaguenataqa sa'axasoqchiguilo naua la'aqtaqa qataq ỹataqta ñeloqta'ai' qataq seviraqa'a da ishet da sepotaxaua'a.

Juan 21:14

Qaq 'era da 'eetec co'ollaq mashe ivi' tres da ỹe'eguelaxalec So Jesús da nachaxanalo soua lapaxaguenataqa co'ollaq ime da mashe qaltaq nca'alec.

Juan 21:1

Qaq co'ollaq ime de'era, nache So Jesús qaltaq nachaxanalo soua lapaxaguenataqa huaña ye loigue aso lapel ye Tiberias. 'Era da 'eetec co'ollaq nachaxanalo, 'eeta':

Mateo 28:9

Huaña, nache So Jesús nachaxanalo soomaye, nache iquiita'ape. Nache soua 'alol nquigueua'alo So Jesús, nache ỹa'aroto naua l-llectel, qataq qapaloiguilo naua lchel, nache ỹo'oxoreetrac.

Hechos 28:31

Nache ỹataqta qaica ca ñe'etaique da ỹa'axattac da lo'onataxanaxac Ñim Lo'onatac 'Enauacna, qataq dapaxaguenataxaatapeguec So Qarataxala' Jesucristo maye Lca'aguishec Ñim Lo'onatac 'Enauacna. Ỹataqta qaica ca naxattac da la'aqtaxanaxac.

1 Ts 2:12

Nataqa'en she'eguelaxataqtalec da qami' shenaqtegalo da ỹataqta qoquiitelec da lataxac nam quetague' Ñim Lo'onatac 'Enauacna, nam iỹaxanapi Ñimaye da yaqto' nhuanaua'a da lo'onataxanaxac qataq da la'añaxac.

Colosenses 1:13

Cha'aye Ñimaye qomi' nca'alaxateeguesopa co'ollaxa na napalaxa maye souaqtaigui. Huaña, nache qomi' ỹauegueua'alo da lo'onataxanaxac Som lauotaxat Llalec,

Romanos 14:17

Da lo'onataxanaxac Ñim Lo'onatac 'Enauacna da ilo'ogue 'enauacna, damaye saishet da ỹectega cam qanallec qataq cam qanỹomgui. Nachaqrata da iuen da qaỹo'ot cam ỹaỹamaqchiguiñi qataq qanayeetaigui da nlagaxayec qataq tonaxac. Qaq 'enauac de'era ishet da qaỹo'ot chegoqchigui So Saqcha'a Na'añaxac Qui'itta.

Mateo 21:43

Qaq ỹoqta 'eesa de'era qami' sa'aqtaxanema da Ñim Lo'onatac 'Enauacna, qami' nqatre'c da yaqto' saishet da qami' ỹalecneua'alo da lo'onataxanaxac, nache ỹami' ca ỹoqta 'enauac ỹalaxaguet damaye.

Deuteronómio 9:9

Huaña caillaye nache aỹem senossheguemec añi qasoxonaxa da yaqto' saconegueta soua coma'ye maye nanettaleguete da naỹamaxataxac Ñim Nataxala' da qami' naỹamaxateto. Nache sootasheguemec añimaye soua cuarenta na'axa'te, qataq soua cuarenta pe', qaq nache qaica ca sachec qataq qaica ca ñeỹomgui.

Mateo 4:2

Qaq co'ollaq mashe iviraxatre'c soua cuarenta na'axa'te da saishet da deque'e co'ollaq huetauga so toolec 'alhua, nache So Jesús ỹataqta ỹaguec na lqouaxa.

Mateo 3:2

Qaq da la'aqtaxanaxac somaye 'eeta': «Qavi'eguelaqaỹot Ñim Lo'onatac 'Enauacna, cha'aye da lo'onataxanaxac Ñimaye da ilo'ogue 'enauacna mashe saqaỹaloq da yo'oq.»

1 Reyes 19:8

Nache so Elías ñisheguem, nache deque'etac qataq nỹomtac 'etaxat. Nache se'eso nallec ỹauo'o da la'añaxac somaye, da yaqto' queta se'esoua cuarenta na'axa'te, qataq cuarenta pe', nache ivitta'a ye Horeb, maye nqasoxonaxa Ñim Lo'onatac 'Enauacna.

Deuteronómio 9:18

Ime, qaltaq she'eguelaxalec da sa'aldoto naua illecte Ñim Nataxala', se'enaxatchigui da sheetec soua cuarenta na'axa'te, qataq soua cuarenta pe', co'ollaq qaica ca sachec qataq qaica ca ñeỹomgui, souaxat da lta'araic qarasouaxashichi da qauo'ocheetac da qauem maye ỹauaachigui Ñim Nataxala', nache dalemata naqa'en Ñimaye.

Marcos 16:19

Qaq co'ollaq so Qarataxala' Jesús imat da na'aqtaxaategueto soua lapaxaguenataqa, nache Ñim Lo'onatac 'Enauacna ỹaueegue da piguem. Huaña, nache Somaye nso'oota'ague da aloic Ñim Lo'onatac 'Enauacna, yem huaña da qaica ca 'ena'am da llo'oxoyec.

Hechos 8:12

Qalaxaye nvi' so Felipe, nache ỹa'axattac dam no'on na'axaỹaxac maye lo'onataxanaxac Ñim Lo'onatac 'Enauacna. Qataq ỹa'axattac So Jesús maye Lca'aguishec Ñimaye, nache 'enauac nam hueta'a ye 'alhua Samaria da'amqaanataxan. Nache so Felipe qalota so nachelaxan ỹalleppi qataq 'alpi.

Hechos 19:8

Nache so Pablo ỹataqta iviraxattre'c soua tres ca'agoxoiqa da ỹe'eguelaqtaua'a aso napaxaguenaxaqui na judiopi da da'aqtaxaatac, qaica ca ñe'etaique, qataq ỹa'axattapeguem somayepi da mashe nvi' da lo'onataxanaxac Ñim Lo'onatac 'Enauacna da ilo'ogue 'enauacna, nache quetapegueua'a da da'amqaanataxan naqa'en somayepi.

Hechos 28:23

Qaq ỹoqo'oye qaỹauo'o so naloqnec na'a'q. Qaq co'ollaq ivita se'eso na'a'q, nache ỹataqta qalota na shiỹaxauapi na nvita ca netaña so Pablo. Nache ỹachegoxottot se'eso nte'eta, choche ivitta'a so avit, da ỹa'axattapeguem somayepi da lo'onataxanaxac Ñim Lo'onatac 'Enauacna. Ỹataqta quetapegueua'a somayepi da ỹa'amaqten naqa'en So Jesús, nache ỹa'axattac nam namaxasoxonaxacpi maye chegoqo'ot so Moisés qataq nam la'aqtaxanaxac som la'aqtaxanaxanecpi Ñim Lo'onatac 'Enauacna.