Hechos 1:16 - La'aqtaqa Ñim Lo'onatac 'Enauacna 2013

¹⁶ «Qami' ỹaqaỹa't, ỹataqta ipacchigui co'ollaxa da la'aqtac So Saqcha'a Na'añaxac Qui'itta maye nanettañi co'ollaq ỹa'aqtaxanaxan so David, da ỹa'axata'a da so Judas nacheso som ỹaueca'aguet co'ollaxa som ỹaconeua'a So Jesús da icoñi'.

Nuevo Testamento Toba Sur

¹⁶ –Qami' ÿaqaÿa't, ÿataqta ipacchigui co'ollaxa da l'aqtac so Espíritu Santo mayi nanettañi co'ollaq i'aqtaxanaxan so David, da i'axata'a naq'en so Judas som datalec co'ollaxa som ÿaconeu'a so Jesús da qaicoñi'.

Nuevo Testamento Toba Sombrero Negro

¹⁶ “Ami yaqaya'olqa, 'uo ca'li da'me youetaque ta'le yepaque'teguelo ena'uac ga'me jo'ne Dios Lepaqal yayatenaĝanaĝanec di'me David, joote yechoĝotetac daa'me nedii's jo'ne 'yaĝatetedac di'me Judas, nach'edi qodajolegue ca'li male qoyecoñe' ñe'me Jesús.

Hechos 1:16 Referans Kwoze

Salmos 41:9

Qataq ivira'a so ỹataqta ñauochaxaua, som ỹataqta sepe'etega, som iquia'axaua naxa qalaq aỹem dataỹa'aguet.

Juan 13:18

Qaq Aỹem saishet da imauec da qoñiita da qami' setaqtapoiguilo, cha'aye Aỹem sauattoota nam ỹataqta ica'aguishecpi. Qalaxaye no'on da ỹataqta ipacchiguilo naua nanettralec ana nere maye huetalec na la'aqtacpi Ñim Lo'onatac 'Enauacna maye 'eeta': «Cam maiche iquia'axaua, qalaq camaye Aỹem dataỹa'aguet.»

Hechos 1:20

Qaq ipacchiguilo naua na'aqtaqa maye nanettaleguete ana nere le'enaxat Salmos da, 'eeta': Ca lma' camaye ỹataqta toolec, qataq qaica ca netalec. Qataq so lỹa na'aqtac 'eeta': Da lo'onataxanaxac huo'o qome ca talec qanqa'en.

Mateo 26:56

Qalaxaye 'enauac de'era iuen da huo'o, yaqto' ipacchigui dam ỹa'axat co'ollaxa so la'aqtaxanaxanecpi Ñim Lo'onatac 'Enauacna.» Huaña, nache 'enauaque soua lapaxaguenataqa no'onaxatchiguilo So Jesús da datare'c.

Mateo 26:54

Qalaxaye ñaq 'aua'axaỹa'a damaye yaqto' ipacchigui, cha'aye da nache 'eetec de'era, nache ỹataqta ipacchigui dam 'enapec naua nanettralec ana nere maye huetalec na la'aqtacpi Ñim Lo'onatac 'Enauacna.»

Mateo 26:47

Qaq co'ollaq ñaq detaqtac So Jesús, nache nvi' so Judas, som 'oonolec soua doce lapaxaguenataqa. Qaq somaye ỹataqta qalota so nnaictague' ỹalleppi na'atchigui na lainec qataq na npon 'epaq. Somayepi nache lamaxashecpi som lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna, qataq nam nqueroxonecpi maye lataxala' na judiopi.

1 Pedro 1:11

Co'ollaq saxanaxa da naỹa ana 'alhua So Cristo, nache So Saqcha'a La'añaxac da'aqtaxanem som la'aqtaxanaxanecpi Ñim Lo'onatac 'Enauacna dam taỹa'aguet nque'eenaxac Somaye da huaña ana 'alhua, qataq nataqa'en da'aqtaxanem 'enauac da nca'attauo lyac. Qaq som la'aqtaxanaxanecpi Ñimaye huotaique da ỹaỹaten chaq negue't que'eca Lca'aguishec Ñim Lo'onatac 'Enauacna qataq chaq lagui da naỹa ana 'alhua.

Marcos 14:43

Qaq ña detaqtac So Jesús co'ollaq nvi' so Judas maye nacheso som 'oonolec soua doce lapaxaguenataqa. Qaq ỹataqta qalota so huataxanaqpi nnaictague', somayepi huota'a na lainecpi qataq na nponpi 'epaq. Qaq somayepi, nache lamaxashec nam lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna, qataq nam dapaxaguenataxaatapeguec na namaxasoxonaxacpi qataq na nqueroxonecpi maye lataxala'pi na judiopi.

2 Pedro 2:21

Cha'aye ỹaỹamaqchiguiñictaxa namayepi da saishet co'ollaxa da ỹaỹaten da lataxac da achaalataxac maye ỹaỹamaxareeta Ñim Lo'onatac 'Enauacna. Qalaxaye nagui ye ỹaỹaten, nache da ỹaxaañi da ỹalaxaguet Ñim Lo'onatac 'Enauacna, nache namayepi ỹactec da ỹo'ot sa ỹaỹamaxañi, saq 'ena'am so hua'auchiguiñi.

Hechos 23:6

Nache so Pablo co'ollaq ila'a da huo'o na saduceopi se'eso nta'alpi maye loicnatac na lataxaguesat, qataq huo'o na fariseopi. Nache somaye ỹataqta na'axanneque naua la'aqtaqa, 'eeta': –Qami' Israel le'ecpi aỹem sachegaqaigui na fariseopi, qataq qalota nam ihuo' le'ecpi da sheeta'am, qalaq nagui ¿Ta'ainco' da aỹem qanmichiitac? ¿Souaxat peta'a da sa'amaqten da qaltaq qanca'alaxatec na leuaxaicpi?

Hechos 23:1

Nache so Pablo co'ollaq ỹamataigui so nta'alpi maye loicnatac na lataxaguesat. Nache 'enapeco': –Qami' Israel le'ecpi, aỹem ỹataqta ỹe'emaqtac da ivilỹaxac, cha'aye choche ivitta'a nagui da ỹataqta salaxaguet 'enauac Ñim Lo'onatac 'Enauacna.

Hechos 22:1

–Qami' ỹaqaỹañicpi, qataq qami' ita'alpi, ña qana'axaỹaxañiỹa da itaxaỹaxac da ñeueela't.

Hechos 15:7

Qaq co'ollaq mashe qaỹoqtegue da ntaxaỹaxac, nache so Pedro nachaañi, nache 'enapeco': –Qami' ỹaqaỹa't, qami' qauaỹaañi da Ñim Lo'onatac 'Enauacna aỹem ỹaconeua'a co'ollaxa, aỹem ỹachegoxottoigui da qoñiita, da yaqto' aỹem sa'axatem da no'on na'axaỹaxac na saishet da judiopi, da yaqto' da'amqaanataxan.

Hechos 13:38

Qaq ỹoqo'oye, qami' ỹaqaỹa't, 'era da na'aqtaxanaxac maye qami' sa'aqtaxanaqteguema, da So Jesús ishet da ỹapalaxat 'enauac na nasouaxashet. Na namaxasoxonaxacpi maye chegoqo'ot so Moisés qalaq saishet da huesoueeguesop naqa'en qami' na qarasouaxashechi.

Hechos 13:15

Qaq co'ollaq ime da qaitaxaỹaxaatac aso lere so Moisés maye huetalec na nqataxacpi qataq asom lere som la'aqtaxanaxanecpi Ñim Lo'onatac 'Enauacna, nache soua nataxala'ate asom napaxaguenaxaqui na judiopi, soomaye 'enapegalo soua Pablo qataq soua lỹa't, 'eeta': –Qami' qarqaỹa't, da huo'o ca qauauoitaique da qara'añaqtaxanaxaqui, nache no'on da qaua'axachem nagui na shiỹaxauapi.

Hechos 7:2

Nache so Esteban 'enapeco': –Qami' ỹaqaỹarolqa, qataq qami' maye qauloitague' ne'ena 'alhua, ñaq aỹem qana'axaỹaxañiỹa. Ñim 'añaxaic maye Lo'onatac 'Enauacna nachaxana so hua'au qarta'a Abraham co'ollaq huaña ye 'alhua Mesopotamia, co'ollaq somaye saxanaxa da taỹa ye nỹecpi ye Jarán da naña.

Hechos 2:37

Nache so shiỹaxauapi co'ollaq hua'axaỹa de'era, nache ỹataqta daỹalli' naua lquiyaqte. Nache qainattac so Pedro qataq soua lỹa't namaxa'she, qoỹeeta': –Qami' qarqaỹa't, qaq nagui ¿chaq hua'ague ca shenaqtec?

Hechos 2:23

Qaq nache 'eetai' da Ñimaye lhuennataxac da So Jesús huo'o da nque'eenaxac qataq qoỹaneua'a na npa'aguenaxauapi. Qami' qaucoñiye Somaye qataq qaỹa'añiiua'a na Roma le'ecpi da yaqto' ỹalauat.

Juan 19:36

Cha'aye de'era qanayeuaigui, damaye yo'oq, yaqto' ishet da ipacchigui da 'enapec naua nanettralec ana nere maye huetalec na la'aqtacpi Ñim Lo'onatac 'Enauacna maye 'eeta': «Saishet qome da huo'o ca qainoxon naua lpi'ineqa.»

Juan 10:35

Qaq qomi' saỹaanaq da naua nanettrañi la'aqtaqa Ñim Lo'onatac 'Enauacna, naamaye saishet da qaiqolegue't. Ỹoqo'oye 'eesa da Ñim Lo'onatac 'Enauacna ỹamata'ac da piguem le'ecpi som shiỹaxauapi maye ỹaconeguet da la'aqtac.

Lucas 22:47

Qaq ña detaqtac So Jesús co'ollaq nvi' so ỹataqta qalota shiỹaxauapi. Qaq qanatataueegue so Judas, som 'oonolec soua doce lapaxaguenataqa Somaye. Nache so Judas nquigueua'a So Jesús da napigoxoi'.

Marcos 12:36

Qantooñita'ac peta'a co'ollaq da So Saqcha'a Na'añaxac Qui'itta ỹa'aqtaxanaxan so David, nache 'enapeco': ‹Ñim Lo'onatac 'Enauacna 'enapega Ñi Ỹataxala' maye Lca'aguishec, 'eeta': 'Anso'oota'ague qome da aỹoic, nato' qom mashe ñauec na 'am ipa'agueetacpi.›

2 Samuel 23:2

«So Saqcha'a La'añaxac Ñim Nataxala', aỹem chegoqchigui naqa'en da sa'axa't naua la'aqtaqa Ñimaye.

Hechos 28:25

Qaq cha'aye saishet da 'eeta'a't somayepi, nache huo'o na jec. Nache so Pablo 'enapeco': «Ỹataqta tachigui da la'aqtaxanaxac So Saqcha'a Na'añaxac Qui'itta co'ollaq ỹachegoxotchigui so Isaías da 'enapega naqa'en so hua'au qarta'alpi, 'eeta':

Hechos 28:17

Qaq can mashe ivi' tres na'axa'te da souaqta'a ye Roma, nache so Pablo damaxasoxoneuga nam lataxala'pi na judiopi maye netaña yemaye. Qaq can mashe laỹoota'a't somayepi, nache so Pablo 'enapega, 'eeta': –Qami' ỹaqaỹañicpi, aỹem na'aictaxa co'ollaxa da qaica ca so'otec na qarhuo' judiopi, qataq qaica da ñepa'agueetega da lataxac som hua'au qarta'alpi, qalaxaye ñaqaiyeta namayepi aỹem icoñi' can huaña ye Jerusalén, nache aỹem ỹaneua'a na nta'alpi na Roma le'ecpi.

Hechos 15:13

Qaq co'ollaq ima't da la'aqtaxanaxa'c, nache so Santiago maye lqaỹa So Jesús detaqa, 'eeta': –Qami' ỹaqaỹa't, ñaq qana'axaỹaxañiỹa da ỹa'aqtac, 'eeta':

Mateo 26:14

Qaq nacheso se'eso na'a'q da so Judas Iscariote, som 'oonolec soua doce lapaxaguenataqa So Jesús, jec da detaxaỹapegue' som lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna.

Juan 17:12

Nagui da ñaq soota'agueta naamaye ana 'alhua, qalaq Aỹem so'ogoxona da 'ara'añaxac da ñetela'alo qataq da ñepaxattaleguete. Qaq saishet da huo'o ca deqat naamaye, nachaqsota so Judas maye lca'ateua'a so nqa'aic maye ỹauega da deqat, nache ipacchigui dam 'enapec naua nanettaleguete ana 'ara'aqtac lmalate.

2 Pedro 1:21

cha'aye 'enauac som hua'au la'aqtaxanaxanecpi Ñim Lo'onatac 'Enauacna saishet da huo'o ca 'oonolec da maiche nallegoxottela't ca la'aqtaxanaxac. Nachaqrata da 'enauac somayepi ỹa'axattac dam chegoqo'ot Ñim Lo'onatac 'Enauacna, qataq So Saqcha'a Na'añaxac Qui'itta ỹauecta'aguet da lhuennataxac.

2 Reyes 15:12

Qaq 'era da 'eetec da ipacchigui da la'aqtac Ñim Nataxala', co'ollaq 'enapega so Jehú, 'eeta': «De'era 'aro'onataxanaxac, talec qome ca 'aỹa'alec, 'arhual, qataq cam llalec ca 'arhual, qataq cam laual camaye, da ilo'ogue na Israel le'ecpi.»