Hechos 1:12 - La'aqtaqa Ñim Lo'onatac 'Enauacna 2013

¹² Nache soua Jesús lamaxa'she quera'ai aso qaỹoqotcheguemec 'alhua maye nanqa' ana Olivo, nache ỹe'eguelaxareua'a ye Jerusalén. Qaq sa qaỹalec ca lqueuoqo't, cha'aye nacheye yem tachiguiña ye nqueuoqo' ye na'a'q mataxaqui.

Nuevo Testamento Toba Sur

¹² Nachi soomayi queda'ai aso qasoxonaxa mayi nanqa' ana olivos, nachi ÿi'iguelaxadeu'a yi Jerusalén. Qaq sa qaÿalec ca lqueuoqo't, cha'ayi nachiyi yim tachiguiña yi nqueuoqo' yi na'a'q mataxaqui.

Nuevo Testamento Toba Sombrero Negro

¹² Chane'eja 'viyelaĝadeta di'me Jerusalén jogaa'me Jesús lamaĝa's chiyoqoda'a di'me qajoĝonaĝa jo'ne lenaĝat Olivo Lichidijat, nach'ega jo'ne nalo'taguet ta'le paja'a 'viyelaq ga'me yec'ata.

Hechos 1:12 Referans Kwoze

Lucas 24:52

co'ollaq soua lapaxaguenataqa ñaq ỹo'oxoreetrac Somaye. Qaq co'ollaq ime de'era, nache soua lapaxaguenataqa ỹe'eguelaxaregue da Jerusalén, ỹataqta machiyiñi.

Mateo 21:1

So Jesús qataq soua lapaxaguenataqa ivilda ye nỹecpiolec maye le'enaxat Betfagué, huaña nache vi'iiguet co'ollaq ivildot añi qaỹoqotcheguemec 'alhua maye nanqa' ana Olivo, qaq mashe saqaỹapeque ye nỹecpi ye Jerusalén.

Lucas 24:50

Nache So Jesús nqateeguesop soomaye ye Jerusalén da ỹauega ye Betania. Huaña yemaye, nache ỹachaxaayishegue'm naua lhua'q da ỹaalec da no'on la'aqtac soomaye.

Juan 11:18

Qaq yem nỹecpi ye Betania, yemaye saqaỹapeque ye Jerusalén, ivi' tres kilómetros ye lshecta.

Lucas 21:37

Nache So Jesús dapaxaguenataxaatac ye na'a'q hueta'a aso no'onaxanaxaqui late'erai, qaq ye pe qalaq lo'ochaqa' añi saqaỹoqotcheguemec 'alhua maye nanqa' ana Olivo.

Mateo 26:30

Qaq co'ollaq ime, nache do'onaxaata'ape, ime nache taresheguemec aso qaỹoqotcheguemec 'alhua maye nanqa' ana Olivo.

Mateo 24:3

Qaq co'ollaq ime de'era, nache So Jesús qataq soua lapaxaguenataqa taresheguemec aso saqaỹoqotcheguemec 'alhua maye nanqa' ana Olivo. Nache So Jesús nso'ooñi, nache co'ollaq ndoteto soua lapaxaguenataqa, nache qainat Somaye, qoỹeeta': –Sauoqtaique da qomi' 'aua'axatema ¿chaq lagui qaq ivita de'era, da qailaxachigui añi no'onaxanaxaqui late'erai? ¿Ca 'eetec da saỹaanaq da ỹoltaq 'añe'eguelaq qome, qataq da ivita cam loga't ana 'alhua? ¿Chaq 'eetec ca la'anaxat qome?

Zacarías 14:4

Qaq que'eca na'a'q, nache Ñim Nataxala' petalec qome añi qasoxonaxa maye huaña ana oliivo, maye pa'aỹa'ague da nala' lliguisheguem ye Jerusalén. Qaq huo'o qome ca lta'araic ca'amegue taỹa'ague da nala' lliguisheguem qataq da nala' lliguiñi, maye colaxagui naqa'en añi qasoxonaxa maye huaña ana oliivo. Qaq ca 'oonolec laỹe añi qasoxonaxa pa'aỹa'ague qome da sheu', qaq ca lỹa pa'aỹa'ague da tagueñi,

Lucas 19:29

Qaq co'ollaq mashe nayeetaua'alo yeua Betfagué qataq ye Betania yem saqaỹapeque añi saqaỹoqotcheguemec 'alhua maye nanqa' ana Olivo. Huaña, nache ỹama'q soua dos lapaxaguenataqa.

Mateo 24:20

Ỹoqo'oye qanqouagaxauñiỹot qome Ñim Lo'onatac 'Enauacna, qataq qauỹaxañiỹot da yaqto' de'era saishet da huetoigui ca no'omaxa, huo'otaq ca na'a'q mataxaqui,