Hechos 1:10 - La'aqtaqa Ñim Lo'onatac 'Enauacna 2013

¹⁰ Qaq soomaye co'ollaq ña ilotrague' So Jesús maye taigue da piguem, nache nachattreuo soua dos ỹale't lapagaxaiqa naua alogo da nachaxanalo soomaye.

Nuevo Testamento Toba Sur

¹⁰ Qaq soomayi co'ollaq ña ilotrague' so Jesús mayi taigue da piguem, nachi nachattreuo soua dos shiÿaxa'u lapagaxaiqa naua alogo da nachaxanalo soomayi.

Nuevo Testamento Toba Sombrero Negro

¹⁰ Nataq'aen ca'li cha'li yelotedaje'mec di'me piyem, yec'atetedac ca'li ñe'me Jesús da'me tatajeguem, qanach'e uo'oe dojolqa gaa'me jiyaĝa'u jo'ne di'yo't yatedañe ga'me leuo jo'ne yapaga't nechate'tajopa jogaa'me

Hechos 1:10 Referans Kwoze

Lucas 24:4

Qataq sa ỹaỹate'n ca 'eeteque co'ollaq ila'alo soua dos ỹale't, nachattrañi huaqta'ato soomaye. Soua alogo somaye ỹataqta qashelectrapiguiñi.

Juan 20:12

Nache ila'alo soua dos namaxa'she piguem lashe' lapagaxaiqa naua alogo, nso'ootraña som qaỹachaña co'ollaxa So Jesús. So 'oonolec soomaye nso'ootaña so na'axanaqa', qaq so lỹa neta'ague da nchennaqa'.

Apocalipsis 7:14

Nache aỹem sasateguet somaye sheeta': –'Am ỹataxala', 'am maye 'auaỹaten. Nache somaye 'eeta': –«Qomye ne'ena, nachena nam saishet da ileu co'ollaq huaigui so lta'araic que'eenaxac ana 'alhua. Namayepi ỹataqta huo'o da lpi'iỹaxac Ñim Lo'onatac 'Enauacna. Qaq Ñimaye nache ỹapalaxat na lasouaxashetpi, chegoqchigui da l-leuaxa Ñi Qagueta Llalec.

Marcos 16:5

Qaq co'ollaq inoxooroiguilo aso huachiqui, nache ilora'a so nsoq nso'ootañi, hueta'ague da aloic aso nhuachiqui So Jesús, logoraiqa soua alogo qataq lapagaxaiqa. Nache soomaye ỹataqta ñi'i',

Hechos 10:30

Nache so Cornelio 'enapeco': –Nagui mashe ivi' naua cuatro na'axa'te da 'eeta'am nagui ye ñichiguiña añi nala' co'ollaq aỹem soota'a na ima', ñeqouaqchettac qataq ñeqouagaxaueetac. Nache aỹem nachaxana so ỹale soua alogo ỹataqta qashelectrapiguiñi da lapagaqa'.

Mateo 28:3

Qaq se'eso namaxashec piguem le'ec ỹataqta 'eroigui, 'eeta'am na nqashelgaxa, qataq soua alogo ỹataqta ỹapaga'q, 'eeta'ama ana aloñi da lapagaqa'.

Mateo 17:2

Huaña yemaye, nache nqochen da lataxac, ỹauaachiguilo soomaye. Na lashec co'ollaxa Somaye ỹataqta 'eroigui, 'eeta'am añi nala', qaq soua alogo qalaq ỹataqta ỹapaga'q, 'eeta'am na le'eraxa añi nala' da mashe laiñi ye na'a'q.

Daniel 7:9

Qaq so ñaq semeteetac somaye, nache qaỹauo'o aso so'onaxaquipi, nache huo'o so 'oonolec ỹa'axaiquiolec nso'ooñi. Qaq soua alogo somaye ỹataqta ỹapaga'q 'eeta'am ana aloñi, qaq na laue qalaq 'eeta'am na qui'itta qagueta laue. Qaq na le'eraxa asom nso'onaxaqui, qataq soua lasaxannal asomaye, qalaq 'eeta'am na le'eraxa na norec,

Apocalipsis 3:4

Qalaxaye na nỹecpi na Sardis huo'o na netaña shiỹaxauapi na saishet da ỹo'ottac na qauem. Qaq ỹoqo'oye namayepi Aỹem hueta'aguet qome, ỹaatrañi caua alogo lapagaxaiqa maye naigui da dauegaxan, qataq da qui'itta lataxac. Qaq namayepi ỹataqta taiguet da qoỹami'.

Hechos 10:3

Qaq huo'o so na'a'q mashe dasheta añi nala', nache somaye huo'o so lauanaqchec: ila'aguet so lamaxashec piguem le'ec Ñim Lo'onatac 'Enauacna da naỹa'a ca hueta'a somaye, nache 'enapego', 'eeta': «¡Cornelio!»

2 Reyes 2:10

Nache so Elías, 'enapeco': Ỹataqta huo'o da lqalaic de'era 'auỹaxanaique. Qalaxaye da ishet da 'avira'a da aỹem 'auauaategue qom aỹem qanqateeguesop da qoneta, nache 'am talec qome damaye. Qalaxaye qom saishet da aỹem 'auauanegue, nache saishet da 'am talec.