Hebreos 4:3 - La'aqtaqa Ñim Lo'onatac 'Enauacna 2013

³ Qalaxaye qomi' sa'amaqtenaq de'era no'on na'axaỹaxac, ỹoqo'oye ishet qome da senoxonaxaua'a da nlagaxayec qataq da ñe'emaxa maye qomi' ỹachaxanapeguema Ñim Lo'onatac 'Enauacna. Qalaxaye nam saishet da da'amqaanataxan, Ñim Lo'onatac 'Enauacna 'enapega 'eeta': «Ỹoqo'oye, co'ollaq mashe salemata, nache san da ỹa'aqtac, sheeta': ‹Saishet da sashenem da huenoxoneua'a yem 'alhua maye sachaxanapeguem yem huañactaxa da ñemataxanec.›» Ñim Lo'onatac 'Enauacna nasaxauec de'era la'aqtac da 'eetega da nmataxac co'ollaq imat da ỹo'ot 'enauacna.

Nuevo Testamento Toba Sur

³ Qalaxayi qomi' mayi sa'amqajnataxanaq nachi ishit qome da senoxonaxau'a que'eca mataxac mayi 'enapega co'ollaxa ñi Dios, 'eeta': Ÿoqo'oyi aÿim salemataÿa se'eso shiÿaxauapi, nachi setaxaÿa da sa ishit qome da senoxonaqchiteu'a ca ñimataxac. Qamaq ñi Dios mashi sogote da imat da l'onataxanaxac da i'ot 'enauac ana 'alhua.

Nuevo Testamento Toba Sombrero Negro

³ Qama'le da'me qo'mi jo'ne joote ja'amaqatenaq da'me 'naqatac male jenoĝonaĝaue qomle di'me 'nomataqa' joñe'me. Nach'ena jo'ne Dios 'yaĝat ca'li da'me enaac: “Qo'che' jen eja da'me yalemataic, jenaac: «Da'me ami male ja auaqanachichi ta'le auec'achiya di'me 'yachaqa' jo'ne 'ñomataqa'.»” Qama'le enaac da'me dojo' mate mane'e joote yoma't yema daa'me 'lonataqa chiyoqotelegue da'me ye'et jena'me aleua ca'li 'uaechiñe.

Hebreos 4:3 Referans Kwoze

Salmos 95:11

Qaq ỹoqo'oye huaigui co'ollaxa so ỹalemataic da san so ỹa'aqtac, da somayepi saishet qome da inoxoneua'a ye 'alhua maye sachaxanapeguem co'ollaxa, yem huaña taxa da nmatec ñaqa'en.»

1 Pedro 1:20

Qaq damaye maiche lhuennataxac Ñim Lo'onatac 'Enauacna co'ollaq saxanaxa da ỹo'ot ana 'alhua, qaq So Cristo nachaxan ne'enaua pa'atre'c na'axa'te, qaq damaye maiche qana'achequi.

Hebreos 9:26

Qaq So Cristo taxa da nache 'eetec nataqa'en de'era, nache Somaye ỹe'eguelaqtalectaxa da ileu, chegoqchiguiña co'ollaq cheta'ague da ỹo'ot ana 'alhua Ñim Lo'onatac 'Enauacna. Qalaxaye ỹoqta 'eesa da nagui da mashe nayeeta'a ca loga'tna, nache So Cristo 'oonolec da nachaxan, nache sa iuen da ỹe'eguelaxalec da nañan. Somaye nachaxan qataq nañan da 'eeta'am aca nachetaqtaxanaqte maye qaỹavigaxatta da yaqto' Ñim Lo'onatac 'Enauacna ỹapalaxat 'enauac na qarasouaxashetpi.

Efesios 1:4

Co'ollaq saxanaxa da ỹo'ot 'enauacna Ñim Lo'onatac 'Enauacna, qaq nale'ena da qomi' lca'agui'she ỹachegoxotchigui So Cristo da yaqto' qomi' lalamaqa'ate qataq da qaica ca qarasouaxashet da souaqto'ot Ñimaye. Ñim Lo'onatac 'Enauacna ỹataqta lta'araic da lauotaxanaqtaic da shenaqta,

Génesis 1:31

Qaq co'ollaq imat Ñimaye 'enauac na lo'onatacpi, nache ila'a da ỹataqta ỹaỹamaqchiguiñi. Qaq nvi' so pe, ime qataq anac so yo'oxoñi, qaq 'era da 'eetec so na'a'q seis.

Hebreos 3:11

Qaq ỹoqo'oye co'ollaq mashe salemata, nache san da ỹa'aqtac, sheeta': ‹Saishet da sashenem da huenoxoneua'a yem 'alhua maye sachaxanapeguem namayepi da nmataqa'.›»

Mateo 13:35

Qaq 'eetec de'era yaqto' ipacchigui da ỹiyiñi co'ollaxa so la'aqtaxanaxanec Ñim Lo'onatac 'Enauacna maye, 'eeta': «Sa'aqtaxanem na shiỹaxauapi, qalaxaye sauota'a na ỹaloqnaxanaxatpi, qataq sa'axat nam lataxac maye Ñim Lo'onatac 'Enauacna saishet da ỹachaxan chegoqta'a co'ollaq cheta'ague da ỹo'ot ana 'alhua.»

Isaías 28:12

Cha'aye Ñimaye mashe 'enapega co'ollaxa namayepi, 'eeta': «'Ena na hueta'a da ñe'emaxa, 'ena na mataqa', qaq nmatec qome cam nasamñi.» Qalaxaye namayepi saishet co'ollaxa da ỹalaxaguet Ñimaye.

Éxodo 20:11

Cha'aye Ñim Nataxala' ivi' soua seis na'axa'te co'ollaq ỹo'ot na piguem, 'alhua, auaxai, qataq 'enauac nam huetalec ana 'alhua. Qaq co'ollaq ivita se'eso na'a'q siete nache nmatec. Qaq ỹoqo'oye se'eso na'a'q maye nmataxaqui iỹotauga da ỹataqta lalamaxat.

Hebreos 3:14

Cha'aye da hua'auchiguiñi, co'ollaq sepi'iỹaqa'a So Cristo, nache chegoqchiguiña da qartaua Somaye; qaq da saishet da saxanaxauec da qarpi'iỹaxac Somaye, nache nataqa'en nache 'eetai' da qartaua.

Jeremías 6:16

Ñim Nataxala' 'enapega nam lalamaxat nhuo' le'ecpi, 'eeta': «Qanachaachingui na nqa'aicpi, nache qaumeenaxañi qataq qaunataxañic nam togoshaapec ñecpi, ca hueta'ague cam no'on nqa'aic nache qoquiigue camaye yaqto' qauanachiỹa ca qanmataxaqui.» Qalaxaye namayepi, 'eeta': «Saishet, saishet da saỹamaxarenaq da qolaxague.»

Ezequiel 20:38

Nache qami' ñeqateeguesopa qome na saỹalaq, qataq nam 'oopaicpi, qataq qami' ñeqateeguesopa yem 'alhua maye qoñiitaña nagui, qalaxaye namayepi saishet qome da inoxoneua'a ye na'alhua na Israel le'ecpi. Qaq huaña qome nache qauaỹacheñi da Aỹem maye Aỹem Nataxala'.

Mateo 25:34

Nache Aỹem maye Aỹem Nta'a shenapega nam no'on da lataxac, sheeta': «¡Ñi Ita'a qami' taaleguete da lqouagaxanaqtaic! ¡Qauanaqui, qaualliquiiua'a da lo'onataxanaxac ñi Ita'a maye, nache 'eetai' da iqataxaatapigui' co'ollaq saxanaxa da ỹo'ot ana 'alhua!