Hebreos 2:3 - La'aqtaqa Ñim Lo'onatac 'Enauacna 2013

³ qaq ỹataqta 'eesa qone' da huo'o ca qanhuaxanaguec da saishet da ñetelaqa'a de'era nca'alaxa maye ỹataqta qaica ca 'ena'am. Cha'aye So Qarataxala' nacheso so la'auaxanec da ỹa'axat de'era nca'alaxa, qataq nam na'axaỹaxaatega co'ollaxa de'era na'aqtaxanaxac nataqa'en qomi' ỹachaxanalo da ỹataqta 'eesa.

Nuevo Testamento Toba Sur

³ Qaq ¿táloxochiyictoxo' da qomi' ÿi't ca qanhuaxanaguec da huo'otaq sa ishit da seloxogue ca llic dam lta'adaic nca'alaxa? Cha'ayi nachiso so qadataxala' so l'auaxanec da i'axat de'eda nca'alaxa, ime, qataq jec nam n'axaÿaxaatega somayi, nachi ÿataqta 'itchiguiñi naq'en de'eda n'aqtaxanaxac. Ime, nachi qomi' da'aqtaxanema.

Nuevo Testamento Toba Sombrero Negro

³ Qama'le nayi, ¿teua'atoqo' qo'mi yaĝa'n ga'me qane'uaĝanaguec, qom ja qadetela da'me nec'alaĝa let'adaic? Qa'a nach'eñe joñe'me Jaliaĝanec jo'ne 'uaechiñe da'me 'yaĝatetac da'me dojo' nec'alaĝa, qama'le jogaa'me jo'ne joote domachita da'me 'naqatac male qo'mi yaloĝonalo da'me naqaeda da'me jo'ne eja.

Hebreos 2:3 Referans Kwoze

Hebreos 12:25

Qaq ỹoqo'oye maxatchaxa da qoñiita, saishet da huo'o ca sa iqocha'a Ñim Lo'onatac 'Enauacna da qami' detaxaỹoto. Saishet da sa qauacoñiiguet, cha'aye som hua'au Israel le'ecpi maye sa iqocha'a co'ollaxa Ñimaye qalaq saishet da ỹet so lta'araic nhuaxanaguec. Se'eso na'a'q co'ollaq Ñim Lo'onatac 'Enauacna detaqtacot somayepi, qalaq so lvilỹaxac ỹacholaxan ana 'alhua. Qaq qomi' da sa saconaxaguet Ñim Lo'onatac 'Enauacna maye qomi' iỹaxanalo so lvilỹaxac maye chegoqtot na piguem, nache nataqa'en saishet da qomi' ỹe't ca lta'araic qanhuaxanaguec. Cha'aye nagui da la'aqtac Ñimaye 'eeta': «Qaltaq she'eguelaxalec da sacholaxan ana 'alhua, qalaxaye saishet da ndotec anamaye nataqa'en na piguem.»

Romanos 2:3

Qaq 'am da 'auauo'o ca lasouaxashet qataq da 'anmittac na 'araỹepi, qalaxaye da nataqa'en 'auo'ottac nam ỹo'ottac namayepi, nache 'am ỹataqta 'ape'enaxan da qonetega da Ñim Lo'onatac 'Enauacna saishet da ỹo'ot ca 'anhuaxanaguec.

Hebreos 5:9

Nache co'ollaq So Cristo da ỹo'ot 'enauac nam ỹamaxalec Ñim Lo'onatac 'Enauacna, nache Somaye ivira'a da Nca'alaxaqui da ỹami' da nca'alaxa chochaq tatec 'enauac nam ỹalaq.

Hechos 4:12

Qaica ca lỹa ishet da chegoqchigui da nca'alaxa. Cha'aye Ñim Lo'onatac 'Enauacna qaica ca lỹa ne'enaxat da qomi' ỹanema ana 'alhua, da yaqto' ishet da qomi' nca'alaxatre'c, nachaqsota So Jesús.

Ezequiel 17:15

Qalaxaye se'eso llalec so nta'a, saỹalaxaguet co'ollaxa so nta'a ye Babilonia, nache ỹauo'o so lamaxashecpi da ỹamaxa ye Egipto da yaqto' iỹaxanaique so qalota caipi qataq so qalota ỹalleppi. ¿Qaupi'itaxañiitega peta'a da qom ime de'era, nache huo'o ca la'amaqchic, qataq ishet da nca'alec? ¿Ishet peta'a da nca'altauec ca saishet da ipaguelec cam naỹamaxataxac co'ollaxa?

Hebreos 4:11

Qaq ỹoqo'oye qomi' ỹataqta ña'añaxataq da salaxasoxoguet Ñim Lo'onatac 'Enauacna, yaqto' que'eca na'a'q senoxonaxaua'a ca lma' maye nmataqa' Ñimaye. Saishet qome da qolaxague da lataxac som saishet da ỹa'amaqten da no'on na'axaỹaxac.

Hebreos 1:2

Qalaxaye nagui ne'enaua pa'atre'c na'axa'te, Ñim Lo'onatac 'Enauacna qomi' ỹanema da la'aqtaxanaxac ỹachegoxotchigui So Llalec. Qaq Ñimaye ỹachegoxotchigui co'ollaxa So Llalec da ỹo'ot 'enauacna, qataq nacheso so ipataxalec da ilo'ogue 'enauac na huetalecna.

Apocalipsis 7:10

Qaq somayepi ỹa'alaqtagui, 'eeta': «Qomi' nca'alaxatre'c Ñim Qarta'a maye Lo'onatac 'Enauacna, maye nso'ootangui añi so'onaxaqui, qataq Ñim Qagueta Llalec.»

Tito 2:11

Cha'aye ỹoqta 'eesa Ñim Lo'onatac 'Enauacna da ỹachaxana na shiỹaxauapi da lqouagaxanaqtaic maye chegaqaigui da nca'alaxa.

1 Timoteo 1:15

Qaq de'era ỹataqta 'eesa, qataq saishet da qaiqoleguet da So Cristo Jesús naỹa ana 'alhua da nca'alaxatec na shiỹaxauapi 'etaxaloxoicpi, ivira'a aỹem, maye ỹactec da aỹem 'etaxaloxoic.

Mateo 23:33

¡Qami' ỹataqta qami' tenataxanaxaicpi qataq qami' qauemaicpi! Ỹataqta qami' qauemaiqa qoñiỹa'am na lshenataxanaxa na na'araxanaq. ¡Qaq ỹoqo'oye ỹataqta sa qami' ỹe't ca qanhuaxanaguiiqui da qami' qaỹasaxañalo ca nhuaxanaqa' na 'etaxaloxoicpi!

Isaías 62:11

Ñim Nataxala' ỹa'axata'a de'era ivira'alo naqa'en naua loga'te ana 'alhua: «Qaua'aqtaxañim qome ye huaqta'a't nỹecpi ye Sión, da mashe nvi' na lca'alaxaqui. Ñim Nataxala' ñe'eguelaq naqa'en nam lalamaxat nhuo' le'ecpi co'ollaq mashe ime da nca'alaxatec.»

Isaías 51:5

Mashe saqaỹapeque da ỹauegaxanaxac, mashe anacta da ica'alaqtaxanaxac, so'onataxana qome da ỹa'añaxac da selo'ogue na nhuo' le'ecpi. Qaq nam netalec na ỹaqa'ata 'alhuapiolec qalaq aỹem iuatta'aguet qome, qataq pi'iỹa'a da ỹa'añaxac.

Isaías 12:2

Ñim Lo'onatac 'Enauacna, nacheñi ñim aỹem nca'alaxatec, aỹem ñaquita'a Ñimaye nache saishet da she'etac. Ñim Nataxala' nacheñi ñim ỹe'eguenaxala' qataq nacheñi ñi ỹa'añaxac, qataq nacheñi ñi ica'alaxaqui.»

Hebreos 4:1

Qaq ỹoqo'oye nagui da ñaq huo'o da qomi' qaỹachaxanapecoto da ishet da senoxonaxaua'a ca nmataxac Ñim Lo'onatac 'Enauacna, nache ỹataqta ñetelaqañi qome. Ten, qom huo'o ca 'oonolec da qoñiita da saishet da huenoxoneua'a de'era mataxac maye ỹachaxanapec Ñimaye.

Hechos 2:22

Qaq ỹoqo'oye qami' Israel le'ecpi, qana'axaỹaxañiỹa da ỹa'aqtac, 'eeta': So Jesús maye Nazaret le'ec, Somaye ỹataqta qaỹaỹateeta da 'eesa lamaxashec Ñim Lo'onatac 'Enauacna. Qaq qami' qauauañiichigui co'ollaq Somaye ỹo'ot nam ỹo'ot da na'aalaxa qataq nam sa qaỹauanapega qataq nam na'anecpi maye qami' huanguilo da ỹo'ot naqa'en Somaye Ñim Lo'onatac 'Enauacna. Qaq qami' mashe sogote da qauaỹaañita damaye.

Hechos 1:22

chegoqchiguiña co'ollaq cheta'ague da nachelaxan so Juan qataq ivitta'a co'ollaq Somaye da taigue da piguem. Qaq ỹoqo'oye no'on da huo'o ca qalca'aua'a da qomi' qaỹalecnoiguilo, da yaqto' nataqa'en ỹa'axat da So Jesús mashe qaltaq qanca'alaxatec.»

Juan 15:27

Qataq qami' nataqa'en Aỹem qaua'axache, cha'aye nache 'eetai' da Aỹem qoviita'aguet co'ollaq cheta'ague da so'onataxan.

Lucas 24:19

Nache Somaye 'enapeco': –¿Negue'to' camaxa? Nache soomaye 'ena'apo': –Qomye dam huaigui So Jesús maye Nazaret le'ec, som la'aqtaxanaxanec Ñim Lo'onatac 'Enauacna. Se'eso ỹale qaica ca ỹaqalanapec da huo'o ye la'aqtac, qataq da huo'o ye ỹo'ot, qaq ỹataqta ỹaỹamaxareeta Somaye Ñim Lo'onatac 'Enauacna qataq 'enauac na shiỹaxauapi.

Marcos 1:14

Qaq co'ollaq mashe qoỹanaigui aso ncoñetaxanaxaqui so Juan, nache So Jesús taỹa ye 'alhua Galilea. Huaña, nache ỹa'axattac dam no'on na'axaỹaxac maye ỹa'axat da lo'onataxanaxac Ñim Lo'onatac 'Enauacna, 'eeta':

Ezequiel 17:18

cha'aye ñim llalec ñi nta'a, ỹe'en co'ollaxa so ỹan la'aqtac, qataq sa ipaguelec som naỹamaxataxac co'ollaxa, ñimaye ỹataqta nañan co'ollaxa qaq nagui ñimaye ỹo'ot 'enauac de'era. Qaq ỹoqo'oye saishet qome da naneltaxan da yaqto' nca'alec.

Isaías 51:8

cha'aye namayepi 'eeta'am qome ca nogoxot da ichec na nogoxot lalaxat, qataq 'eeta'am ca qagueta laue da ichec na qoche'lpi. Qalaxaye da ỹauegaxanaxaxac chochaq tatec qome qataq da ica'alaqtaxanaxac nache 'eetai' qome qaica ca loga't.»

Isaías 20:6

Qaq que'eca na'a'q nache 'enauac qome na netaña yi'iye loigue, 'eeta': ‹Ña qauloỹa da ivireguet nagui yem ñaquitaqtalec naxa, yem seỹaxanaqtega naxa da qomi' itaua'n da yaqto' qomi' isoueeguesopa ñi nta'a ye Asiria. Qaq nagui ¿ca 'eeteco' da ñeca'alaxauec?›»

1 Ts 5:3

Cha'aye na shiỹaxauapi, qom 'eetega da 'enauac lactapiguiñi qataq saqca ca da, qataq saishet da ñe'etapigui', nache nvita namayepi ca nhuaxanaguec lta'araic, choche nque'elaxatta, 'eeta'am da nqui'ic aca 'alo hualaxai da ivita ye laloqo' da deco'o. Namayepi saishet da ỹet da nhuaxanaguec.

Lucas 1:69

Ñimaye qomi' ỹanema cam ỹataqta 'añaxaic Nca'alaxaqui, chegoxoguet so nta'a David maye lamaxashec.

Mateo 4:17

Huaña, nache So Jesús cot da da'aqtaxanem 'enauac so shiỹaxauapi, 'eeta': «Qavi'eguelaqaỹot qome Ñim Lo'onatac 'Enauacna, cha'aye da lo'onataxanaxac Ñimaye maye hueta'a ne'ena.»

Romanos 11:14

Qaq huo'o da ñaquitaxac na saq 'amaqtaq na maiche ỹalamaxat ihuo' le'ecpi maye qami' ndaqta'agueta da Ñim Lo'onatac 'Enauacna nataqa'en ishet da nca'alaxatec namayepi.

1 Corintios 1:21

Qaq Ñim Lo'onatac 'Enauacna maye ỹataqta ỹaanaxanaxaic Ñimaye saishet da ỹashenem na shiỹaxauapi ana'ana 'alhua da ỹauatton Ñimaye da ỹachegoxotchigui da maiche lauattonaxanaxac. Nachaqrata da lhuennataxac da nca'alaxatec na ỹa'amaqten de'era qara'aqtaxanaxac maye sa'axataqtac na'aictaxa da qoỹeetega choche 'oopashec.

Hebreos 1:1

Soua ỹataqta qaỹoqteguelo vi'iye, so la'aqtaxanaxanecpi Ñim Lo'onatac 'Enauacna da'aqtaxaateguem som hua'au qarta'alpi. Ỹataqta qalota naxa da da'aqtaxanem da la'aqtac Ñim Lo'onatac 'Enauacna, qataq ỹotta'a't da lataxac naqa'en da da'aqtaxanem somayepi.

Hebreos 1:14

Cha'aye na namaxashecpi piguem le'ecpi, namayepi choche saqcha'a na'añaxacpi maye do'onataxaatacot Ñim Lo'onatac 'Enauacna. Qataq Ñimaye ỹamaxa namayepi da itauan 'enauac nam shiỹaxauapi maye taỹa'a da nca'alaxatec Ñimaye.

Hebreos 9:28

Qaq nache 'eeta'am So Cristo da 'oonolec da nañan da yaqto' qalota da shenaqta na qaỹapalaxat na lasouaxashetpi. Ime, nache Somaye ñe'eguelaxa qome ana 'alhua, qalaxaye saishet da naỹa da qaltaq ileualec na qarasouaxashetpi, nachaqrata da anac da 'enauac qomi' nca'alaxatre'c, qomi' maye seuataqtaique ca lviraxac.

1 Juan 1:1

Sauoqo'o ana qorere da qami' samaxasaxalo, da qami' sa'aqtaxanaxama som sauanaqchigui qataq sa'axasoqchigui, som Na'aqtac maye chegaqaigui da nca'alaxa som nale'ena co'ollaxa da huo'o, co'ollaq saxanaxa da ỹo'ot ana 'alhua Ñim Lo'onatac 'Enauacna. So'otaq damaye yaqto' ishet da nalochiguiñi da qantonaxac, qataq da yaqto' nache 'eetai' da qomi' qana'ayeetaua'alo, 'eeta'ama qomi' da qolaqto'ot da ña'araqtaua'a Ñim Lo'onatac 'Enauacna maye Nta'a qataq So Llalec Jesucristo. Se'eso Na'aqtac maye chegaqaigui da nca'alaxa nacheso So Jesucristo, qataq nacheso so ỹan da 'eesa nca'alaxa. Qaq de'era nca'alaxa damaye chochaq tatec. Somaye nache 'eetai' da hueta'aguet Ñim Lo'onatac 'Enauacna maye Lta'a, qalaxaye qomi' naỹalo. Qaq qomi' maye qomi' lapaxaguenataqa sa'axasoqchiguilo naua la'aqtaqa qataq ỹataqta ñeloqta'ai' qataq seviraqa'a da ishet da sepotaxaua'a.

Judas 1:17

Qalaxaye qami' ñauochaxau' ỹaqaỹarolqa, qauennachiỹa'a dam mashe qami' da'aqtaxaateguema co'ollaxa soua lamaxa'she So Qarataxala' Jesucristo.