Hebreos 1:9 - La'aqtaqa Ñim Lo'onatac 'Enauacna 2013

⁹ Qataq 'anqopita da 'auo'ot ca ỹaỹamaqchiguiñi, qataq ỹataqta sa 'auaỹamaxaren da 'auo'ot ca sa ỹaỹamaxañi. Ñim Lo'onatac 'Enauacna 'am ỹanagui da nta'a lauotaxat, ¡Nta'a maye ỹataqta lta'araic da lamaicỹaxac ana 'alhua!»

Nuevo Testamento Toba Sur

⁹ 'Am ÿataqta 'anqopita da 'au'ot ca ÿaÿamaqchiguiñi, qataq ÿataqta sa 'anqopita ca sa ÿaÿamaxañi. Qaq ÿoqo'oyi ñi 'adta'a Dios, ñimayi icodelec 'am da lta'adaic 'adamaiquiaxac, qaq saq 'en'am naq'en na 'adaÿipi.

Nuevo Testamento Toba Sombrero Negro

⁹ Yataqata a'uamaqaten da'me 'noota nataq'aen adiquiya'a da'me ja no'en. Qo'che' jen am yiquiyac, mach'e jayem Anedios, Qama'le jen am jaqachigui da'me namaic let'adaic, Da'me anapacalo'te jogaa'me jo'ne am ueteda'ajop.”

Hebreos 1:9 Referans Kwoze

Salmos 45:7

'Am ỹataqta 'auauotec da no'on, qalaxaye 'auaỹemec da qauem. Qaq ỹoqo'oye 'am lca'ateua'a Ñim Lo'onatac 'Enauacna, Ñim 'Anatamnaxala', da 'am talec naqa'en da 'antonaxac, qaq saq 'ena'am na 'araỹepi.

Salmos 23:5

Qataq 'auqataxanai' so iquia'axac, ỹauaachigui 'anqa'en na ñepa'aguenaxauapi, qataq 'aucorelec na iqaic so coraxat, qataq ipaxaatapeguelec 'anqa'en aso ỹaquipiaxaqui.

Isaías 61:3

qataq sanem nam daquicotacpi maye hueta'a na Sión aca aro'o nmeneguet ñaqa'en na alo, qataq na coraxat nmeneguet da noinaxac, qataq da no'onaxanaxac nmeneguet da nhuogoxo. Qaq da qaitaxaỹa nache qoỹeeta': «Rooblepi, huegaxanaxaipi», maye lañiguishe Ñim Nataxala' da yaqto' ỹachaxan da llo'oxoyec.

Gálatas 5:22

Qalaxaye So Saqcha'a La'añaxac Ñim Lo'onatac 'Enauacna, qomi' ỹo'oteque da huo'o da qarsoxoyec, qataq nache 'eetai' da ñetonaqtapigui' qataq souaqtaigui da qarlagaxayec. Qataq qomi' ỹo'oteque nataqa'en da qarhualaxavic qataq da qarauotaxanaqtaic, qataq so'otaxac ca ỹaỹamaqchiguiñi ca qarỹa, qataq huo'o da qarpi'iỹaxac Ñim Lo'onatac 'Enauacna,

Romanos 15:13

Qataq huo'o da iỹaxanaxac Ñim Lo'onatac 'Enauacna maye qomi' ỹanema da qanaquitaxac, da Ñimaye qami' nlaxatchiguilo qome da qaramaicỹaxaqui. Qataq qami' ỹanema da qarlagaxayiqui maye chegaqaigui da qarpi'iỹaxaqui Ñimaye. Qataq chegoqchigui da la'añaxac So Saqcha'a Na'añaxac Qui'itta da nquictasheguem da qanaquitaxaqui.

Isaías 61:1

So saq cha'a la'añaxac Ñim Nataxala' aỹem hueta'aguet, cha'aye Ñim Nataxala' aỹem lca'aguishec, aỹem namaq da sa'axatem da no'on na'axaỹaxac nam choxoraqpi, qataq sa'añaqchet nam daquicotac da lquiyaqteỹaxac, qataq sa'axatem da qaisouec nam ncoñeteguishecpi, qataq da qaisouec nam netaigui ana ncoñetaxanaxaquipi,

Lucas 4:18

«So Saqcha'a La'añaxac Ñim Lo'onatac 'Enauacna Aỹem netanguit, cha'aye Aỹem Lca'aguishec qataq Aỹem namaq da sa'axatem da no'on la'axaỹaxac nam choxoraqpi, qataq da sa'axatem da qaisouec na ncoñeteguishecpi, qataq she'eguelaxatem da nauaañi na sa nauaañipi, qataq da yaqto' ñeca'alaxatec nam sa qaiyacnapec,

Amós 5:15

¡Sa qauoñiiguet qome da qauem, nacherata da qauauochec da no'on! Qataq nam huañapi naxa da qanmit na nasouaxashetpi, nache qauo'oche qome da ỹaỹamaqchiguiñi lataxac, cha'aye Ñim Nataxala' maye Qaica ca Ỹaqalanapec, sa iuena'a da choche ichoxoren na lca'alaxaicpi Israel le'ecpi.

1 Pedro 1:3

Ỹataqta sho'oxorenaq Ñim Lo'onatac 'Enauacna maye Lta'a So Qarataxala' Jesucristo, cha'aye chegoqchigui co'ollaq nca'aleeguesop da nleuaxa Somaye da Ñimaye naralaxat imauec da qanachaalataxac. Na'aictaxa da saishet da saxaguet da Ñim Lo'onatac 'Enauacna qomi' ỹauoteque, qalaxaye chegoqchigui da lta'araic lsoxoyec Ñimaye, nache naralaxat da qarataxac qataq qomi' ỹanema da 'itchiguiñi qarca'alaxa,

Isaías 61:8

Cha'aye Aỹem Nataxala' sauotec da nalochiguiñi lataxac, qalaxaye sequiỹa da ncachaxac qataq da nalaataxanaxac. Qaq ỹoqo'oye sanem qome namayepi da nsheetenaguec qataq so'ot qome cam chochaq tatec ñaỹamaxataxac da ñaỹamaxate' namayepi.

Proverbios 8:13

Da huo'o naq 'enec qanqa'en Ñim Nataxala' qalaq nachera da ỹo'ot da qaỹaỹemec na qauem. Aỹem saỹemec da 'amqaanaxac qataq apagaqaanaxac, qataq da qauem nataxac qataq na qauema na'aqtaqa.

Hebreos 7:26

Qaq ỹoqo'oye So Jesús nacheso so 'oonolec da Lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna maye seuenaqtac. Cha'aye Somaye ỹataqta qui'itta, saishet da qauem da lataxac, qataq sa nauane' da huo'o ca lasouaxashet. Qaq Ñim Lo'onatac 'Enauacna nqateeguesop co'ollaxa na 'etaxaloxoicpi, nache tasheguema naqa'en ca hueta'a Ñimaye, nache ỹami' da ỹataqta ỹo'oxoraq, napacalec na laỹepi.

Filipenses 2:9

Qaq ỹoqo'oye Ñim Lo'onatac 'Enauacna, ỹanem Somaye da qaica ca 'ena'am la'amaqchec, qataq dam le'enaxat maye napacalec 'enauac na laỹepi da 'enec,

Efesios 1:3

Sanqot da qana'achecỹaxac Ñim Lo'onatac 'Enauacna Ñim Lta'a So Qarataxala' Jesucristo, cha'aye nagui da ña'araqtaua'a So Cristo, nache Ñimaye qomi' ỹanema na ỹotta'a't lqouagaxanaqtaiguesat maye chegoqo'ot So Saqcha'a Na'añaxac Qui'itta.

1 Corintios 1:9

Ñim Lo'onatac 'Enauacna ỹataqta ipacteleguete naua ỹa'n la'aqtaqa, Ñimaye nacheñi ñi qami' iỹaxanalo da qanhuañiỹaua'a da nachaalataxac So Llalec Jesucristo maye Qarataxala'.

Juan 20:17

Nache So Jesús 'enapego' asomaye, 'eeta': –Aỹem 'axanec, cha'aye Aỹem saxanaxa da saigue da neta'ague Ñim Ita'a. Qalaxaye 'am qome qojec, nache 'aua'aqtaxanema caua ỹapaxaguenataqa da Aỹem saigue da neta'ague Ñimaye, Ñim nataqa'en Qarta'ai. Ñimaye Ỹataxala', qataq nataqa'en Qarataxala'ai.

Juan 1:41

Qaq so Andrés somaye ỹataqta ỹa'auaxaachiguiñi da nqo'ona so lqaỹa Simón, nache 'enapega, 'eeta': –Qomi' ñauanaxai' Ñim Lca'aguishec Ñim Lo'onatac 'Enauacna maye qaiuattaique le'enaxat Cristo.

Salmos 119:128

Ỹoqo'oye ỹataqta sauoteque naua 'aramaxasoxonaxaco, qaq ỹoqo'oye sa sesheteguet 'enauac da ñecỹaxac maye saq 'en.

Salmos 119:104

Naua 'aramaxasoxonaxaco nache sachegoxotaiguilo da ỹaỹaanataxanaxac, ỹoqo'oye ỹataqta saỹemec da llecỹaxac da natenataxanaxac.

Salmos 89:20

Aỹem sanata co'ollaxa ñi David maye ỹamaxashec, nache secorelec so qui'itta icoraxanaxat.

Salmos 33:5

Ñim Nataxala' ỹataqta ỹauotec na no'on da lataxac qataq no'oitegue da llec qataq da lsoxoyec Ñimaye ỹataqta imattalec ana 'alhua.

Apocalipsis 2:15

Qataq nataqa'en 'auaconeguet nam quetague' da lapaxaguenataxanaxac som nicolaitapi.

2 Corintios 11:31

Qaq Ñim Lo'onatac 'Enauacna maye Lta'a So Qarataxala' Jesús, som taiguet da chochaq tatec da ño'oxonnataguec, Ñimaye ỹaỹateeta da saishet da satenataxaatac.

Romanos 12:9

Ỹataqta 'eesa qanqa'eñi da qarsoxoyiqui, ñi 'oonolec ỹauotec ca lỹa. Qaumaqỹa'aguet 'enauac na qauem, qataq saishet da qoquiỹa'ai na ỹaỹamaqchiguiñipi.

Hechos 10:38

So Jesús maye Nazaret le'ec. Qaq Ñim Lo'onatac 'Enauacna ỹanem co'ollaxa da la'añaxac Somaye So Saqcha'a Na'añaxac Qui'itta. Qaq Ñimaye ye hueta'aguet So Jesús, nache Somaye nache 'eetai' naxa da ỹo'ottac na ỹaỹamaqchiguiñi qataq nataren 'enauac nam huetalec da la'añaxac so pa'aguenataxanaxaic.

Hechos 4:27

Ỹataqta 'eesa da huaña ne'ena nỹecpi co'ollaq dataỹa't so Herodes Antipas qataq Poncio Pilato qataq na shiỹaxauapi maye chegaqa'ague da Roma qataq na Israel le'ecpi da yaqto' ỹalauat So Jesús, Som 'Arca'aguishec da yaqto' Nta'a.

Juan 3:34

Cha'aye da detaqa nam namaq Ñim Lo'onatac 'Enauacna, nache nacheñi Ñim Lo'onatac 'Enauacna da detaqa, cha'aye Ñimaye ỹami' Namaye da la'añaxac So Saqcha'a La'añaxac.

Zacarías 8:17

saishet da qauennacheetega da qauo'ochec ca qauem ca qarỹai, qataq saishet da saq'en ca qaỹa'añi qara'aqtaqui. Cha'aye aỹem ỹataqta seqaiga 'enauac de'era. Qaq 'era da ỹa'aqtac Aỹem Nataxala'.»

Salmos 89:26

Nache ñimaye aỹem iỹaxana qome, 'eeta': ‹'Am, nache 'am ita'a, 'Am Ñatamnaxala', qataq coma' maye ica'alaxaqui.›

Salmos 40:8

Qaq aỹem ỹataqta saỹamaxareeta da so'ot ca qonetapeguec 'Am Ñatamnaxala', qataq naua 'arapaxaguenataxanaxaco ỹataqta huetaiguilo ñaqa'en añi iquiyaqte.»

Salmos 37:28

Cha'aye Ñim Nataxala' ỹauotec da nalochiguiñi lataxac, qataq saishet da ca'ai ca quetegue Ñimaye. Qalaxaye nlaxaañi na qauemaicpi qataq saishet da huo'o ca no'onañi naqa'en na chegoxoguetpi.

Salmos 11:5

Ñim Nataxala' nache nauaatac na no'on da lataxac qataq na qauemaicpi, qataq ỹataqta ỹaỹemec na lqopitaxat da nloquiaxac.

Salmos 2:6

«Mashe sogote da sauo'o ñi nta'a da ilo'ogue añi Sión, añim qui'itta ñeqasoxonaxa.»

Salmos 2:2

Na nta'alpi qataq na nataxala'pi ana 'alhua, qalaq huaxaỹa't qome da dataỹa'aguet Ñim Nataxala', qataq ca nta'a maye lca'aguishec Ñimaye.

Hebreos 2:11

'Enauac nam ỹauotec qataq ỹalaxaguet Ñim Lo'onatac 'Enauacna, nache nachena nam llalaqpi, qataq lta'a Ñimaye. Qaq So Jesús ye nataqa'en Llalec Ñim Lo'onatac 'Enauacna, Somaye saishet da da'acteguelec namayepi da iỹaxana da ỹataqta lqaỹañecpi,

Salmos 45:6

Da 'aro'onataxanaxac 'am maye 'Aro'onatac 'Enauacna damaye chochaq tatec, qaq de'era 'aro'onataxanaxac damaye ỹataqta nalochiguiñi.

Juan 10:17

Ñim Ita'a ỹataqta Aỹem ỹauotec, cha'aye san da ñachaalataxac, qaq da ime, nache qaltaq ñe'eguelaxaala't.

Hechos 4:26

Na nta'alpi ana 'alhua qalaq dataỹa't, qataq na lataxala'pi na shiỹaxauapi qalaq naỹaana't, da dataỹa'aguet Ñim Lo'onatac 'Enauacna qataq qaỹo'otan Som Lca'aguishec da yaqto' Nta'a.»

Hebreos 2:9

Qalaxaye Ñim Lo'onatac 'Enauacna qomi' ỹauoteque, nache namaxalec ana 'alhua So Jesús da qomi' nca'alaxatre'c, chegoqchigui da l-leuaxa. Ỹoqo'oye na'aictaxa da Ñim Lo'onatac 'Enauacna da cara'ac co'ollaxa da ỹasheeteguet So Jesús da nquicchiguiñi da la'amaqchec saq 'ena'am na lamaxashecpi piguem le'ecpi, qalaxaye nagui Somaye nachaqsota da qaỹo'oxoreetac souaxat da qaica ca 'ena'am la'amaqchec.

Números 7:43

qaq somaye ỹaneuo so nquia'axaqui plata maye ivi' mil cuatrocientos treinta gramos, qataq aso 'oonole ỹomaxaqui late'erai maye ivi' setecientos setenta gramos, cha'aye nachañi añi lasheue na qoỹaneua'a so npe'l. Qaq soomaye nlaqchiguilo so ỹataqta no'on 'ayiiña maye qairaqneguet na aceite da yaqto' nachetaqtaxanaqte,